Башкирийыште йоча садлан тўла вашталтеш

Башкирийыште йоча садлан тўла вашталтеш

2019 ий 1 январь гыч Башкортостаныште йоча садлан ача-ава-влакын тўлашт вашталтеш. Тидын нерген республикысе Образований министерствыште увертареныт.

Тыге, у ий гыч йоча-влакын дошкольный учрежденийыш коштмыштлан ача-ава-влак 1 тўжем 617 теҥгем тўлаш тўҥалыт. Тиде тўла кажне районышто тўрлӧ лийын кертеш, вет тўла кажне районлан посна палемдалтеш, палемденыт образований министерствыште.

Тиде сумма гыч ача-ава-влакын тўлаштым иземдыме компенсаций шотлалтеш. Ача-ава-влак йоча садлан тўлаш компенсацийым налын кертыт. Еш гыч образовательный учрежденийыш ик йоча коштеш гын, тўлымє сумма гыч компенсаций 20 процент (323,44 теҥге), кок йочалан - 50 процент (808,6 теҥге), кумыт да утларак йочалан - 70 процент (1 тўжем 132 теҥге) лиеш. Палемден кодена, ончыч закон йоча садлан идалыкыште икмыняр гана акым кугемдаш йєным пуэн гын, ынде ик гана веле - идалык тўҥалтыште тидым ышташ лиеш.