+23 °С
Облачно
Общие статьи
31 Декабря 2020, 21:00
Авай, улметлан кугу тау!
23 ноябрьыште районысо Культура дворецыште Аван кечыжлан лўмлалтше кугу концерт эртен
Авай, улметлан кугу тау!
Тиде кечын ава, кувава да кугезе кувава-влак зал тич погыненыт. Вет сцена гыч йо‰галтше тау шомак, муро да куштымаш-влак лач нунылан лўмлалтыныт.
Концерт деч ончыч ава-влаклан салам шомакым Мишкан район муниципальный район администраций вуйлатышын кадр да социальный йодыш-влак шотышто заместительже Лариса Геннадиевна Александрова ойлен. Тылеч вара сценышке изи да самырык артист-влак лектыныт.
Ава да кувава-влаклан, конешне, эн чот изи йоча-влакын выступленийышт келшен. Чолга, чулым да йомартле куштымаш-влак дене
ончышо-влакым «Калейдоскоп», «Шанс» куштышо ансамбль-влак да «Эрвел» куштышо калык ансамбль куандареныт.
Сылне да чонеш логалше муро-влакым Ильгиз Шакуров, Олеся Мусалина, Рауия Саматова, Ирина Аликаева, Марсель Салимов, Азалия Галимова, Самат Шакуров муреныт.
Ямле концерт ава да кувава-влакын кумылыштым нєлталын да шўм-чонышкышт пайрем шўлышым пуртен.
Венера АГЛЯМОВА.
