Парт коклашке

Кеҥеж каникул эртен кайыш. Куанымашан кече – 1 сентябрь толын шуо. Школын оралтыштыже первый звонокым вучен, тунемше-влак строитлалтын шогальыч. Школын директоржо Кибатов Г. К. тунемше, учитель ден уна-влакым у тунемме ий тӱҥалме дене саламла.
- Тунемше-влак гыч шукыжо колхозышто пашам сайын ыштеныт, - ойла Аптыкаев лӱмеш колхозын председательже Хилажетдинов йолташ, - 8-ше классыште тунемше-влак Якупов Михаил, Альмакаев Сайпан, Саликаев Геннадий поснак тыршен ыштышт. М. Якупов ачаж дене пырля трактор дене пашам ыштыш. Первый жапыште шудым, варажым жатка дене 200 гектар уржа ден шыдаҥым солыш. Саликаев Геннадий имне дене коштын, кечаш нормым эртарен темыш. Альмакаев Сайпанат пашам тыршен ыштыш. Государствылан киндым ужалыме. Родинын план-заказшым артырен шуктымаште тунемше-влакынат вийышт уло.
Якупов М., Саликаев Г., Альмакаев С тунемше-влаклан шергакан пºлекым пуымо.
Сово кырымаш шергылтеш. Школын коллективше нунылан пºлекым пуа.
Первый звонокым первый классыш тунемаш толшо Ахмазиев Александр пуа.
Каникул пытен. Канымаш пайдале лийын. А ынде – парт коклашке.
Я. ЯНШАЕВ, кайраковский кандашияш школышто туныктышо.
(1965 ий 12 сентябрьысе 64 №-ан «Дружба» газет гыч).