Келшымаш
+10 °С
Пылан
Все новости
Образований
28 Апрель , 14:55

Ший призер

Мишкан агропромышленный колледжын студентше Александр Айтуганов «Самырык профессионал-влак» чемпионатыште кокымшо верым налын

Ший призер
Ший призер

11 апрельыште Россий­ыште «Самырык профес­сионал-влак» (WorldSkills Russia) X национальный чемпионат стартым на­лын. Мелеуз шуко профи­лян профессиональный колледж «Мўкшызє» компетенций дене Россий кўкшытан площадкыш савырнен.

Мелеуз олашке чемпиона­тыште участвоватлаш элнан тўр­лє луклаж гыч конкурсант-влак чумыргеныт. Тиде - Оренбург область, Красноярский край, Новосибирский область, Алтай, Ингушетий, Татарстан, Удмурт республика-влак.

Башкортостан Республикын чапшым «Самырык профессио­нал-влак» (WorldSkills Russia) VII региональный чемпионатыште «Мўкшызє» компетенцийыште сеныше, Мишкан агропромыш­ленный колледжын икымше курсыштыжо тунемше студент Александр Айтуганов (настав­никше Ксения Михайлова) ара­лен.

Кум кече жапыште рве­зе-влак «Мўкшызє» компетен­ций дене профессиональный мастарлыкыштым ончыктеныт. Нуно мўйын качествыжым ла­бораторный йєн дене рашемден моштымыштым, мўкш-влакым посна сезонлан ямдылымым, мўкш черым эмлымым, мўкш авам луктын моштымыштым ончыктеныт.

«Самырык профессио­нал-влак» (WorldSkills Russia) X национальный чемпионатын итогшо почеш Александр Ай­туганов 2-шо верым налын да чемпионатын ший призержо лийын.

- Танасымаш моткоч сайын организоватлалтын, - шарналта Александр Айтуганов. - Чем­пионатын площадкыштыже шке пашаштым палыше професси­онал-влак погыненыт. Атмос­фера пеш поро лийын. Ме, студент-влак, пеш шуко у да кўлешан шинчымашым налынна.

Ший призер
Ший призер
Автор:Светлана Тоймурзина