Кумылло паша

Уфаште, «Торатау» кон­гресс-холлышто «Идалы­кын пошкырт йылме да литературым туныктышы­жо» регион-влак кокласе конкурсын участник­ше-влакым палемдыме. Тений тиде конкурс 27-ше гана эртаралтын да 75 еным чумырен.

Районын чапшым 2 №-ан Мишкан кыдалаш школышто туныктышо Лилия Мавлетовна Хасанова арален. Коронавирус шарлымылан кєра конкурсын икымше ужашыже дистанцион­но эртен. Тушто конкурсант-влак калык вургем дене палдарыше кум минут кужытан роликым возеныт да «ВКонтакте» соци­альный сетьыште веранденыт. Кокымшо этапыште нуно виш урокым ончыктеныт.

Тылеч вара туныктышо-влак педагогический усталыкышт дене палдареныт. Кўкшє бал­лым погышо 35 туныктышо кон­курсын вес этапышкыже лек­тын. Лилия Мавлетовнамат Уфа олашке мастер-классым эртараш ўжыныт. Конкурсын тиде этапше деч вара умбакыже вес кўкшы­тыш – «Ача-ава-влак дене диа­логыш» 15 туныктышо лектын.

Лилия Хасановам районышты­на пошкырт йылмым туныктышо да аралыше семын палат. Тудо мер пашаланат жапым муын шога. Пошкырт википедийын волонтержо, «Йэнтояк» рай­он-влак кокласе газетын Миш­кан районышто корреспондент­ше, районысо пошкырт курултай председательын заместительже, районысо пошкырт йылме ту­ныктышо-влак ушем вуйлатыше улеш.

Лилия Мавлетовна ондак Изи Накаряк ялысе школышто пошкырт йылмым туныкташ тўналын. Ик жап гыч тудым рай­он образований отделыш шочмо йылме-влакым туныктымо шо­тышто методистлан ўжыныт. Тўн пашаж деч посна йоча-влакымат туныктен. Ик жап гыч тўн паша­лан школышто туныктымашым ойырен налын. Тўрлє конкур­слаште вийжым терген. Тений икымше гана эртыше «Brain-puzzle «Соты» республиканский конкурсын участникше, «Мустай лудмаш» литературно-творче­ский конкурсын, «Эн сай по­лилингвальный урок. Урок.Ru» республиканский конкурсын призерышт лийын.

«Идалыкын пошкырт йылме да литературым туныктышыжо» республиканский XVII конкур­сышто Лилия Хасанова эн сай коло туныктышо-влак коклашке логалын да Тўнямбал курултай­ын Почетан грамотыжо, БР-се образований да наука мини­стерствын дипломжо дене па­лемдалтын.

- Мый тыгай кўкшытан кон­курсышто уда огыл результатыш шумемлан моткоч куаненам, - ойла Лилия Мавлетовна. – Кон­курс мылам вием ден усталы­кым тергаш йєным ыштен, шке виемлан ўшаным пенгыдемден. Тушто мый кугу опытым по­генам, ятыр улан тунемынам. Пелашемлан, коллегем да йол­ташем-влаклан тиде пашаште полшен шогымыштлан, кугу таум ойлем. Нуно мыйын пен­гыде энертышем лийыныт. Кон­курс кумылем моткоч нєлталын да у сенымашышке шуаш тыр­шаш вийым пуэн.