«2022 ийысе эн сай туныктышо»

30 минут жап коклаште туны­ктышо тунемше дене вашкылым муын моштышаш да шинчымаш темым онайын да кумылын умылтарен кертшаш.

Тений «Идалыкын тунык­тышыжо» лўм верч конкурсын икымше этапыштыже район гыч 16 туныктышо кучедалын. Тиде этап виш урок да «Интернет ре­сурс» ужашла гыч шоген.

Конкурсын финальный ужашыштыже «Идалыкын ту­ныктышыжо» лўмым налшаш верч 5 педагог кучедалын: Чо­рай ялысе Я. Ялкайн лўмеш школышто руш йылмым да ли­тературым туныктышо Олина Иркабаева (паша стажше – 13 ий), Ардаш школ гыч пошкырт йылмым да литературым ту­ныктышо Ирина Ишкуатова (31 ий), Мишкан селасе 1 №-ан лицейыште биологийым да хи­мийым туныктышо Ольга Мас­новиева(22 ий), Изи Накаряк школышто марий йылмым да литературым, руш йылмым да литературым туныктышо Ксения Мусина (5 ий), 2 №-ан Мишкан кыдалаш школышто тўналтыш класслаште туныктышо Кристина Ташпаева (1 ий).

Туныктышо-влаклан ту­немшышт-влакат кугун полшеныт.

«Визитка» конкурсышто О. Масновиева, К. Ташпаева да И. Иркабаева ойыртемалтыныт. Нуно тиде конкурсышто эн шуко баллым погеныт. Туге гынат, балл-влакын тўн ужашыжым ту­ныктышо-влак «Визитка» кон­курсышто огыл, а мастер-класс деч вара погеныт. Тыште О. Масновиева да К. Ташпаева эн сай результатым ончыктеныт. Туныктышо-влак чыланат ауди­торий дене сайын мутланен мо­штымыштым да уста специалист улмыштым, предметыштым сайын палымыштым, онайын умылтарен моштымыштым он­чыктеныт. Кажне туныктышын тыгак посна ойыртемже, ку­мылым тўрлє йєн дене савырен моштымыжо шижылтын.

«Идалыкын туныктышыжо» лўмым Ф. Буляков лўмеш 1 №-ан лицейыште биологийым да химийым туныктышо Ольга Масновиева ден 2 №-ан Миш­кан кыдалаш школышто тўнал­тыш класслаште туныктышо Кристина Ташпаева сулен на­лыныт. Нуно районын чапшым республикыште аралаш тўна­лыт.