«Тудо профессионал лийын»

Профессиональный пашаштыже тудо кумдан палыме, пагалыме ен лийын. Вет тудо шуко ий районный газетыште районышто илыше ен-влак нерген возен шоген. Владимир Салиевич пеш проста йылме дене воза. Тудын возымо кажне материалже ойыртемалтше да пеш кўлешан темым тарватен. Тудо 1945 ий 2 январьыште Калтаса селаште шочын. Ачааваже Мишкан район гыч лийыныт. Аваже, Салима Саликаевна - Кемий гыч, ачаже Салий Яниевич - Метръял гыч. Володя ешыште кудымшо йоча лийын, тудын деч вара эше кок йоча шочын. Сар деч варасе ий-влак неле лийыныт. Шуко икшыван Яниевмыт еш Мишканыш илаш куснен. Тиде 1948 ийыште лийын. 1952 ийыште Володя школыш каен. Куштылгын тунемын. Литературым йєратен. Поснак сочиненийым возаш мастар лийын. Туныктышо Раиса Андреева тудын сочиненийжым классыште моло йоча-влаклан лудын. Шуко ий ончыч Владимир Салиевич «Кунам пеледыш кошка» очеркыштыже йоча годсо йолташыже нерген возен, пырля школышто тунемыныт, вара технический вузышто. Владимир Салиевич шке йонылышыжо нерген возен, тудлан гуманитарный вузыш каяш кўлын: «Эртышым пєртылташ огеш лий, но самырык-влак ончыкылык профессийым ойырымышт годым йонылыш ынышт лий. Тиде пашаште реалист, прагматик лийман, а романтик огыл. Йонылыш варажым чумыр илышыште шкеж нерген шижтараш тўналеш». 1963 ийыште тудо латик классым тунем пытарен. 1964 ий шыжым Владимирым Совет Армий радамыш налыныт. Кум ий ракетный войскаште служитлен. 1967 ийыште демобилизоватлалтын. Пўрымаш тудым Казахстаныш конден. Автозаводышто слесарь лийын ыштен. Вара шочмо кундемышкыже пєртылын. Владимир илышыште шке вержым муаш тыршен, пырля тунемме йолташыжым вашлиймаш пўрымашыжым тура савыраш полшен. Тунам район газет редакторлан Манзума Каримова ыштен. Школ жап гычак тудо Владимир Яниевын возен моштымыжым сайын пален. Сандене тўрлє темылан возаш заданий-влакым пуэн. Тыге тудо внештатный корреспондент лийын. Тудын возымыжым лудшо-влак гына огыл, редакцият аклен. 1985 ийын итогшо почеш внештатный корреспондент семын икымше премийым налын. 1985 ий декабрьыште 40 ияш Владимир Салиевичым редакцийын штатышкыже пуртеныт. Пашашке тудо илышым ужшо, кугу шинчымашым налше, вузышто тунемынат тыгай шинчымашым чыла енже налын ок керт, ен семын толын. Шарнем, редакцийыш пашаш пурымекем, фотокорреспондент Владимир Клинов шке тезкыжым примерлан конден: «Ен-влак тудлан ўшанат, тудын устан возымыжлан, чолга уш-акылжылан ўшанат». Владимир Салиевич пашам кугу кумылын ыштен, мом ужмыжым да колмыжым эре чын ончыкташ тыршен. Тудын возымыжым лудшо-влак эре куанен лудыныт. 24 ий редакцийыште шижде эртен. Кызыт Владимир Салиевич 15 ий сулен налме канышыште улеш. Юрий эргыже Мишканыште ила да пашам ышта, кажне кечын ачаж деке коштеш. Сергей уныкаже Башкирий деч єрдыжтє пашам ышта, шукерте огыл кочаж дене уна лийын. Александра уныкажат кочаж деке чўчкыдын коштеш, тудо визымше классыште тунемеш. 2010 ий январьыште «Дружба» газетын редакторжо Валерий Усков мыйым редакцийыш пашаш ўжын (тидын марте внештатный корреспондент лийынам), мыланем тиде уста айдемын паша ўстелже логалын. - Шкемын сай аурем кодем, - шыргыжалын пелештыш Владимир Салиевич да мыланем пашаште сай лектышым тыланыш. Редакцийыш пурымыж годым мыйын пашам кузе мийымым палаш тыршен, поро ойканашым пуэн. Кызытат, ийготшо кугу гынат, Владимир Салиевич редакцийым ок мондо, чўчкыдынак пурен коштеш. Тудым чапле юбилейже дене саламлаш ме мєнгыжє мийышна Юбиляр нерген «Келшымаш» газетын пашаенже Валерий Абукаев теве кузе ойла: - Владимир Салиевич нерген пеш шуко поро мутым ойлаш лиеш да кўлеш. Тудо пеш шуко лудшо, моткоч коммуникабельный айдеме. Тудын деке кеч-могай йодыш дене пурет гынат, раш да тичмаш вашмутым налат. Самырык журналист-влаклан эре полшен шоген. Кызытат поро ой-канашым пуаш тореш огыл. Мый марла возышо журналист улам. Мыйын возымемым Владимир Салиевич «Дружба» газетлан чўчкыдын марла гыч рушлашке кусарен. Тудо газетлан возымо материал деч посна эше почеламут ден ойлымашлам рушла сылнын возен. Тудын возымыжым мый марлашке ятыр кусаренам. Владимир Яниевын профессиональный корныжо - йєратыме пашалан ўшанле улмо сай пример. Подписка отделым вуйлатыше Венера Аглямова: - Мемнам Владимир Салиевич пашаште эре кумыланден шоген. Шке материалже-влакым тудо ик шичмаште возен пыштен. Командировкыш миен толеш - вигак ўстел коклашке верлана да возен пытарымешкыже огешат тарване ыле. Пеш устан, грамотно манына, возен моштен. Ик тема гыч вес темыш писын куснен кертын. Шке мастарлыкшылан кєра тудо журналистикыште чынжымак кугу профессионалыш савырнен.

Светлана ТОЙМУРЗИНА.