Аван йєратымашыже сенен

Келшен илыше кугу ешыште юбилейым палемдаш - пиал. А юбилярлан 90 ий темын гын, куанже эше кугурак. Родо-шочшо, лишыл е‰-влак коклаште тынар ийым палемдаш пиал Мишкан селаште илыше Елизавета Паляевалан логалын. Тиде статьян тўн геройжо Корак ял гыч улеш. Тудо ялысе кресаньык ешыште шочын. Документыштыже шочмо кечыже 1934 ий 6 декабрь манын ончыктымо. Но шкенжын мутшо почеш тудо ондакрак, эше кенежымак шочын. Илыш неле лийын. Кугу Отечественный сар тўналмеке, пєръен-влак фронтыш каеныт. Нунын коклаште изи Лизан ачажат лийын. Тудо сар гыч пєртылын, огыл. Ялысе моло йоча-влак семынак изинекак колхоз пашаште тыршаш логалын. Изиш кугеммеке, чодырам ямдылымаште, Свердловск областьыште торфым лукмаште ыштен. Ик жап гыч Елизаветам тулартеныт да тудо марлан лектын, пелашыж деке Мишканыш илаш куснен. Тыште Крупская лўмеш колхозышто ыштен, вара лесничествыште, Мишкан кыдалаш школышто техпашаен лийын. Жап эртен. Паляевмыт ешыште йоча-влак кушкыныт. Елизавета Зайнакаевнан пелашыже рвезынек колен. Нылле ияш ўдырамаш вич икшыве дене шкет кодын. Чыла чыташ пернен. Икшыве-влак кугемыныт, тийышле образованийым налыныт, пашаш пуреныт, ешым погеныт. Ынде шкешт коча, кувава лийыныт. Любовь ўдыржє ойла: - Ачам колымо деч вара, а тудо 45 ияш шўм чер дене колен, кугурак Валера изана ешлан эн кугу энертыш лийын. Ачана промкомбинатыште столяр лийын ыштен, тудын устаалыкше изам деке куснен. Лидия акам дене Кушнаренке ял озанлык техникумым тунем пытареныт. Валера агроном лийын. Тиде пашаште кужу жап тыршен. Лидия, тудо шукерте огыл 70 ийым темыш, шєр заводышто лаборантке лийын. Мый библиотечный техникумым тунем пытаренам, школ библиотекыште ыштенам. Василий шольым Йошкар-Олаште политехнический институтым тунем пытарен, МПМК-ште инженер лийын. Людмила шўжаремат Йошкар-Олаште тунемын, экономист лийын. Кызыт тудо район администрацийыште ышта. Аванан кажне шочмо кечыштыже ме тудлан тауштена. Вет тудлан шуко нелылыкым чыташ пернен. Ме кызытат єрына, кузе вич икшывым шкетын йол ўмбаке шогалтен кертын. Вет сар деч варасе илыш неле лийын, ни окса, ни полыш лийын огытыл. Чылажат, очыни, аван йєратымашыж деч шоген. Тудын малыде эртарыме йўдшє, ойгырымыжо, шинчавўдшє мыняр лийын? Ойленат мошташ огеш лий. Но Юмыжо чыла чытымыжлан кугу ийготым, уныка ден кугезе уныка-влакым пєлеклен. Авай, ме тыйын икшывет-влак - Лидия, Валерий, Любовь, Василий, Людмила, Ирина ден Катерина шешкыч-влак, Илья веныч (чаманаш веле кодеш, кок веныч уже ты тўняште укелыт), лу уныкат, нуно ынде кушкын шуыныт да тыланет 14 кугезе уныкам пєлекленыт, тыланет кугу таум ойлена. Ме тыйын чытымашет, тыршымет, илышым йєратымет да мунло улмет дене кугешнена. Авай, кувавай, кугезе кувавай, ме ончыланет вуйнам савена! Кызыт юбилярша Василий эргыже да Ирина шешкыж дене кугу, йонгыдо пєртыштє ила. Нуно ойлат, авашт кажне арнян «Дружба» газетым вуча. Газетым тудо очки деч посна лудеш. Елизавета Зайнакаевна «Пашан ветеранже» улеш, «Сар жапысе йоча» тукымыш пура. Тудо 90 ияш лўмгече дене саламлаш Мишкан сельсовет сельский поселений администраций вуйлатыше Рустам Ишмакаев ден районысо ветеран-влак советын председательже Юлия Балахнинан мийымыштлан пеш куанен. Рустам Адгатович юбиляршылан пеледышым кучыктен да шокшын саламлен: - Елизавета Зайнакаевна, чапле юбилейда дене саламлем! Пенгыде тазалыкым да пиалым тыланем. 90 ийыш шуында гынат, моткочак чолга улмыланда пеш куанена. Ончыкыжымат тыгаяк кодса! Саламлымашке Юлия Григорьевна ушнен: - Мый тендам йоча улмем годымак паленам. Школышто тунеммме годым тый мемнан эн йєратыме Лиза кокана лийынат. Таза, чолга улмыланда мыят пеш куанем. 90 ий - кугу ийгот. Икшывыда, уныкада, кугезе уныкада-влак тендам жаплат, пагалат. Ветеран организаций лўм дене, а ме тушто шым тўжем наре ен улына, тыгай чапле юбилейда дене шокшын саламлем! Елизавета Зайнакаевна пєлекым налмыж годым порын шыргыжын, уэш пачаш иктымак ойлен: - Тау! Тау! Тау!

Виктория ИШМУРЗИНА.