Башкортостан Республикысе Мишкан район МР администраций вуйлатышым шогалтыме

13 ноябрьыште БР-се Мишкан район МР кудымшо созыв советын кокымшо заседанийже эртен. Тушто участвоватленыт: БР-се Государственный Погын – Курултайын аграрный йодыш, экологий да п¢рт¢с поянлык дене пайдаланыме йодыш-влак шотышто комитет председатель Ильшат Агзамович Вазигатов, БР вуйлатышын управленийжын муниципальный образований-влак дене кыл шотышто тюн советникше Альберт Рифгатович Басыров, муниципальный район администрацийысе отдел начальник-влак, районысо учреждений да организаций, сельский поселений вуйлатыше-влак, Мишкан районысо прокурорын полышкалышыже, СМИ, мер организаций пашае‰-влак. Повесткыште ик йодыш гына лийын – Мишкан район МР администраций вуйлатышым шогалтымаш. Конкурсын результатше почеш конкурсный комиссий советлан район администраций вуйлатышылан шогалташ кок кандидатым темлен: В. Петров ден П. Трапезниковым. Делегат-влак Мишкан район МР администраций вуйлатышылан ик ой дене Павел Владимирович Трапезниковым сайленыт.

Т. КОЛЕДИНА, совет секретарь.

Павел Владимирович Трапезников Казахстаныште Балхаш олаште шочын. Образованийже высший, 1999 ийыште англичан да француз йылме-влакым туныктышо квалификаций дене Пюрº оласе педагогический институтым тунем пытарен. 2004 ийыште Башкирский государственный университетым тунем лектын да юрист квалификацийым налын. 2016 ийыште экономика специальность почеш Башкирский государственный университетым тунем пытарен, тудлан бакалавр квалификацийым пуымо. Институтым тунем пытарыме деч вара Судебный пристав-влак Бирский межрайонный службын судебный приставше, БР-се 13 №-ан федеральный налоговый службын межрайонный инспекцийжын юридический отделын начальникше, «Социнвест» ОАО-н «Урал» Благовещенск оласе ешартыш офисшын директоржо, «Россельхозбанк» ОАО-н Пюрº оласе ешартыш офисшын управляющийже, Пюрº район МР вуйлатышын заместительже лийын ыштен. 2019 ийыште май гыч июнь марте БР-се Мишкан район МР администраций вуйлатышын строительство да жизнеобеспечений шотышто заместительже лийын. 2019 ий июль гыч 2021 ий июнь марте – БР-се Мишкан район МР администраций вуйлатыше. 2021 ий июнь гыч июль марте БР-се Мишкан район МР администраций вуйлатышын пашажым шуктен. 2021 июль гыч 2024 ий 20 сентябрь марте - БР-се Мишкан район МР администраций вуйлатыше лийын