Писательын творчествыже ила

Конкурс мемнан землякна – марий писатель, поэт, этнограф Яныш Ялкайнын шочмыжлан 118 ий теммылан люмлалтын. Мероприятий поэт да писательлан памятник воктеке пеледышым пыштымаш гыч тюналын. Пеледыш-влакым пыштымеке, погынышо-влак ончылно Я. Ялкайн л¢меш марий гимназийын директоржо Олеся Микитова ден тиде тунемме заведенийын ончычсо директоржо Геннадий Зайнитдинов выступатленыт. Конкурсышто витле утла тунемше участвоватлен. Удыр рвезе-влак Мишкан район гыч веле огыл лийыныт, лудмашке тыгак тунемше-влак Дºртыльº районысо Чарлак ялысе школ гыч толыныт. Конкурсын участникше-влак ийгот шотышто кум тюшкалан шелалтыныт: тюналтыш класслаште, 5-8 класслаште да 9-11 класслаште тунемше-влак. Кок категорий лийын: поэзия да инсценировка, проза. Тунемше-влакын выступленийыштым посна жюри аклен. Тушко пуреныт: Я. Ялкайн л¢меш гимназийын ончычсо директоржо Г. Зайнитдинов, мер пашаен Р. Ялаева, Мишкан селасе краеведческий библиотекын пашаенже И. Айбердина, Марий историй да тювыра рюдерын тюн специалистше А. Ибулаев, «Келшымаш» газетын пашаенже В. Камилянов, туныктымо пашан ветеранже Л. Русиева, Чорай ялын библиотекарьже Т. Тимиркаева, Мишкан селасе 2 №-ан полилингвальный школышто марий йылмым туныктышо Н. Салиева. Конкурсант-влакын утларак ужашыже марий вургемым чиен выступатлен, молышт – выступленийыштлан келшыше вургемым. Почеламут-влакым йоча-влак чыланат сылнын, кумылым савырен лудыныт, прозым лудшо ден инсценировкым шындыше-влакат тыршен ямдылалтыныт. Тидлан кºра сеныше-влакым рашемдаш моткоч неле лийын. Но конкурс эре конкурс улеш. Южо тунемше жюрин кумылжым чотрак савырен кертын, южыжлан тидым ышташ мо-гынат ситен огыл. Йоча-влакын марла произведений-влакым кумылын лудмышт, почеламут-влакым, проза гыч ужашым тыршен тунеммышт моткоч куанадра. Вет нуно калыкнан ончыкылыкшо улыт, йылмына да т¢выранам ончыкыжым лач нуно аралаш тюналыт. Марла лудыт да мутланат гын, икшывыштат марла лудаш да мутланаш тюналеш. Эше Мишкан селасе 2 №-ан полилингвальный школын директоржо С. Хазиевлан кугу таум каласыме шуэш. Школ директор-влак кокла гыч тудо шкетын тунемшыже-влакым кумыландаш миен.

Вячеслав КАМЛЯНОВ.