Башкортостанын ончыкылыкшо мемнан деч шога

 Сайлымаш участке-влак омсаштым 6 сентябрьыште 8 шагат эрдене почыныт. Торжественный ужаш деч вара нуно шке пашаштым тўналыныт. Чыла сайлымаш комиссийыштат суртышто йўклаш кумылан-влак деке УИК-ын членже-влак посна урна дене миеныт. Урьяде ялыште верланыше 2645 №-ан сайлымаш участкыште эн ончыч Баш-Байбак ялыште илыше Радиф Хазинуров йўклен. Ик жап гыч комиссий ончылно кужу черет погынен, нунын коклаште шукын «сар жапыште кушшо икшыве» лийыныт. - Ме, сар жапыште кушшо-влак, тыгай политический событий-влакын кўлешлыкыштым раш умылена, - каласен пашан ветеранже Ринат Латыпов. – Ме шкенан ончыкылыкна, икшывына да уныкана-влакын ончыкылыкышт верч йўклена. Чылажат верысе власть деч тўналеш, тидлан кєра нине кечыласе сайлымаш пеш кўлешан. Вет ме республик вуйлатыше дене пырля район советыш депутат-влакым сайлена. «Сайлымаш кузерак эрта?», - манын йодмемлан 2645 №-ан УИК председатель тыгерак вашештыш: - Тиде сайлымаш элна ден калыкланна моткоч кўлешан улеш. Тидым калык сайын умыла, тидлан кєра чыланат чулымын йўклаш толыт. СВО жапыште калык чумыргымаш раш шижылтеш. Ен-влак гражданский порысыштым кумылын шуктат. Янагуш ялыште верланыше 2643 №-ан УИК вич ен гыч шога. Нунын кокла гыч шукын кугу опытан улыт, шкеныштын участкысе сайлыше-влакым сайын палат. Комиссий председатель пашам 13 ий Ляйсан Бикбулатова шукта, тудо сайлымаш нерген законым раш пала. Комиссийыште уже 10 ий тудын Данир пелашыже улеш. А Дилара ўдырышт сайлымаш кампанийыште кокымшо ий волонтер семын тырша. Халил Загитов ден Зафия Загитованат паша опытышт кугу. Янагуш ялыште верланыше 2643 №-ан УИК-ышке нине кечылаште СВО-н «Буйда» позывноян участникше миен. Тудо моло ен дене пырля республикын ончыкылыкшо верч йўклен. - Мый тыгай событий деч єрдыжеш кодын ом керт, - каласен тудо. – Нине кечылаште суртыштем лияш пиал шыргыжмылан кєра, сайлымашке толашак шонен пыштенам. Кажне тукымын шке геройжо уло. Янагуш ялыште илыше-влак землякышт – Совет Союзын Геройжо Гази Загитов дене кугешнен илат. Тудо 1945 ийыште рейхстаг ўмбалне икымше йошкар знамям шогалтен. Кызыт геройна-влак СВОшто шочмо элнан интересше верч кредалыт. Буйда – нунын кокла гыч иктыже. Тудо тушман дене лўдде кредалеш. Сайлымаш участкыште салтакым вашлийше кажне ен тудлан вашкерак паремаш, а, угыч согышыш кайымекыже, илыше да таза-эсен пєртылаш тыланен.

Фирдаус КАДИКОВА.

2657 №-ан УИК пашам чолган тў‰алын 6 сентябрьыште военный комиссариат зданийыште верланыше сайлымаш участке почылтмеке, ен-влак вигак шке гражданский порысыштым шукташ тўналыныт. Сайлымашке эн ончыч Анжела Антоновна ден Валерий Юрьевич Гареевмыт еш мужыр толын. Еш вуй - Мишкан рўдє районный больницын тўн врачше. Тудо теве мом каласыш: - Регион вуйлатышым сайлымаш - тиде шкенан ончыкылыкнам сайлымаш! Сандене мыйын ончылнем сайлымашке каяш але уке манме йодыш лийынат огыл. Мыйын икшывем-влак кушкыт. Нуно школым сайын тунем лектышт, сай шинчымашым налышт да илышыште шке верыштым муышт манын шонем. Южо енже сайлымашыш коштмын нимогай пайдаже уке, манеш. Мый тидын дене ом келше. Ме чылан тыгай шоныш дене илена гын, чынжымак пайдаже огеш лий. Сайлымашке чылалан мияш кўлеш. Тиде участкыш эрденак тўвыра пашаен Светлана Шахмадеева толын. Тудо 20 ий калык инструмент-влак калык ансамбльым вуйлата. А Мишкан РДК-ште 25 ий пашам ышта. Светлана Владимировна - шке пашажым уло чонжо дене йєрата, шинчымашыжым да мастарлыкшым эре шуарен толеш, тўрлє курс ден тренинглашке коштеш. - Сайлымашке мияш кўлеш, - ойла райрўдыштє илыше. - Вет лач мемнан деч, республикыште илыше-влак деч, Башкортостанын да мемнан районынат ончыкылыкшо шогат. Мый Башкортостан вуйлатышым да Мишкан район советыш депутат-влакым сайлымашке кумылын толынам. 2637 №-ан сайлымаш участкыш икымше кечынак шуко икшыван еш Бикбулатовмыт толын. Шуко икшыван еш вуй Вадим Валерьевич Мишкан ветстанцийыште, сурт озавате Мишкан ЦРБ-ште пашам ыштат. Кугурак икшывышт - Карина ден Тимур 1 №-ан лицейыште тунемыт, а эн изи Амелиялан кум ий гына, йоча садыш коштеш. - Ача-авана сайлымашке мемнам эре пеленышт налыт, - ойла 16 ияш Карина. - Ава ден ачана шке гражданский порысыштым шуктат. Жап писын эрта, вашке гыч мыят ача-авам дене пырля сайлымаште шке йўкемым пуаш тўнальым. Мый нунын ойлымышт гыч палем, сайлымаште участвоватлаш - элыштына кажне гражданинын праваже. Ме шке шонымашнам, шке позицийнам каласышаш улына. Вет ончыкыжым кузе илаш тўналына, шкенан деч шога. Кызыт мый ача-авам дене пырля толын, сайлымаш участкыште сайлымаш кузе эртымым эскерем. 2656 №-ан сайлымаш участке молгунамсе семынак Мишкан селасе Флорид Буляков лўмеш 1 №-ан лицейыште верланен. Тыште мый шуко икшыван Имаевмыт ешым вашлийым. Лилия Александровна ден Владимир Валерьевич кум эргын да ик ўдырын ава-ачашт. Шуко икшыван ава теме мом ойла: - Таче мемнан дене пырля сайлымашке Антон эргына ден Екатерина ўдырна толыныт. Кугурак эргына - Максим - студент, тудлан 17 ий. Эн изи Игорь суртеш кодын. Комбо-влакым ончем манын ойлыш. Ме шкенан гражданский порыснам шукташ кугу кумылын толынна. Сайлымашке мияш кўлеш, вет республикынан да районнан ончыкылыкшо мемнан кидыште.

«Алан» вокальный ансамбль сайлыше-влаклан муро пєлекым ыштен. 2686 №-ан УИК Тє‰гак ялысе клубышто верланен. Творческий коллектив сайлымаш эртыме кум кечыштыжат шочмо ялысе клубышто лийын да сайлаш толшо-влакым сылне муро дене куандарен. - Нунылан кєра мемнан сайлымаш участкыште пайрем шўлыш озалана. Мемнан йєратыме коллективна чыла пайрем мероприятийым сєрастара. Республик вуйлатышым сайлымашымат єрдыжеш коден огыл, - ойла УИК председатель Инесса Андриянова. Ме тиде сайлымаш участкыште улмына годым ик ойыртем поснак шинчалан пернен, Тєнгак калык сайлымашке национальный вургемым чиен толеш. Эскерыше Елена Байрамован мутшо почеш, тыгай койыш тыште поро йўлашкак савырнен. Ме сайлымаш участкыште пален нална, сайлымашын кокымшо кечыштыже Тє‰гак ялыште илыше Амика Илиевалан 91 ий темын. Сайлымаш комиссийын членже-влак куснылшо урно да кугу пеледыш аршаш дене тудын деке мєнгыжє каяш тырванышт, меат нунын почеш шўдырнышна. Амика Исанбаевнан вич икшывыже, 11 уныкаже, пеш шуко кугезе уныкаже-влак улыт. Ийготшо кугу гынат, эше пеш чулым улеш. Шкетын ила, чыла сурт сомылым шкеак ворандара. Амика Илиева илышыште мо ышталт шогымым эре эскерен шога. Тудо шочмо кундемжым йєрата. 2674 №-ан сайлымаш участке Корак тўналтыш школын зданийыштыже верланен. Тыше пайрем шўлышым «Рвезылык» вокальный ансамбль пуртен. Коллектив сылне деч сылне марий муро-влакым йонгалтарен. Мурызо-влак дене пырля Андреевка ялыште илыше Валерий Ирбулатов выступатлен. Тудо 40 ий утла УИК председатель лийын, ынде кокымшо ий председательын заместительже улеш. Валерий Иванович дечак пален нална, Андреевка ялыште илыше-влак выездной комиссийлан кєра икымше кечыштак шке йўкыштым пуэныт. Ялыште чылаже 14 сайлыше уло. Иктат єрдыжеш кодын огыл. Памаш (Яндыганово) ялыште верланыше 2649 №-ан УИК пашажым сайын организоватлен. Комиссийым Юрий Ямурзин вуйлата. - Сайлыше-влакын кумылышт сай. Паша икшырымын шукталтеш. Мемнан сайлымаш участкыште 250 сайлыше уло, - ойла Юрий Ионович. Клуб пєртончылнак сайлаш толшо-влакым «Яндар памаш» вокальный группа муро да куштымаш дене вашлийын. Коллектив шкаланже ялыште улшо памашын лўмжым налын. Клубын фойештыже патриотический стендым ужна. Тудо специальный военный операцийыште колышо земляк-влак Степан Фадеев ден Антон Байгузинлан лўмлалтын. 2666 №-ан УИК Татарбай ялыште верланен, тыште списке почеш 505 сайлыше уло. Комиссий председатель Ильхам Ахметзянов каласыш: - Сайлыше-влакын кумылышт пеш сай. Паша пайрем шўлыш дене шукталтеш. Тидыже тыгак. Ме ял клуб деке лишемме годымак пайрем кумылым шижна. Клуб ончылно Венера Ахметзянова «Авыл киче» мурым мурен. Шке землякыштым еш дуэт Нигматзяновмыт - ава ден ўдыр - куандареныт. Лилия Харисовна деч пален нална, тудо ўдыржє дене ынде кумшо кече выступатла. Эшым ялысе 2685 №-ан сайлымаш участкыш толшо-влакым «Азяк» фольклор коллектив куандарен. Тудо пайрем концертым ямдылен. Сайлымаш комиссийын председательже Федор Кутлияров теве мом ойла: - Мемнан клубышто кажне сайлымаш кугу пайрем семын эрта. Эшымыште илыше-влак гражданский чолгалык шотышто сай примерым ончыктат. «Азяк» фольклор ансамбль сайлымаш кечын ен-влакын кумылышт сай лийже манын тырша. Нерге ялысе сайлыше-влакын кумылышт нєлтшє манын, творческий коллетив-влакын вийышт дене «Шєртньє шыже» пайрем концерт ямдылалтын. - Мемнан землякна-влак гражданский позицийы ончыктымо дене пырля пеш чапле концертым онченыт, - ойла Нерге тўвыра пєртын мотодистше Светлана Каншаева. Концертышке СВО-н участникшым ешыж дене ўжмє. Тудо сайлымашын икымше кечыштыжак йўклен. Торжественный обстановкышто сайлаш толшо-влак тудым кынел шогалын, совым рўж кырен вашлийыныт да пеледышым кучыктеныт.

Светлана ТОЙМУРЗИНА.

2654 №-ан УИК-ыште, тудет Мишкан рўдє районный библиотекыште верланен, йўклышаш ен-влак спискыш 600 утла ен пурен. Эн ончыч тиде сайлымаш участкышке Гафуровмыт еш миен, нунылан посна пєлекым кучыктымо. Тиде УИК-ыште 8 ен пашам ышта, нуным Алена Иванова вуйлата. - Ен-влак йўклаш утларакшым икымше кечыште толыныт. Чолгалыкышт дене поснак илалше-влак ойыртемалтыныт. Кужу ўмыран-влак кокла гыч сайлаш 1933 ийыште шочшо Елена Саляевна Саляева ден 1935 ийыште шочшо Наталья Яшкиновна Губеева толыныт, - ойла Алена Григорьевна. Мылам тиде сайлымаш участке пеш келша – УИКын членже-влакат, волонтер ден блогер-влакат чылан поро кумылан улыт, сайлыше-влакым пагалат. Илалше-влаклан чыла умылтарат, кєлан кошташ нелырак – вўден пуртат да луктыт. 2669 №-ан УИК Кугу Шаде ялыште верланен. Тушто йўклышє-влак спискышке 458 ен пурен. Кугу Шадыште йўклаш эн ончыч Ахметсафа Гайсина миен. Йўклышє-влак кокла гыч эн шонгыжо – Кугу Отечественный сарын участникше Габдрислам Нурисламов, районыштна сарын ветеранже-влак кокла гыч тудо шкетын илыше улеш. Тиде участкыште йўклаш икымше гана Гульназ Фарахутдинова ден Артур Балагутдинов миеныт. 14 ен суртыштыжо йўклен. Иштыбай ялыште эн ончыч ял староста Нафкат Валиуллин йўклен, тидын дене тудо иштыбай-влаклан сай примерым ончыктен. - Ял калык умыла – сайлымаш дечын мемнан ончыкылыкна шога, тидлан кєра йўклымашке чыланат кумылын ушнат, - каласен УИК председатель Зульфира Сафиуллина. Шаде Шогертен ял калыкат йўклымашке чулымын ушнен. Альберт ден Аляна сайлымашке Яна ўдырышт дене пырля миеныт. Илалше-влакат суртышто шинчен огытыл. Петр Федорович Федоров ден Кульбика Яшкузиновна Акбулдинан ийготышт шагнал огыл гынат, сайлымаш участкышке шке миеныт. Кигазытамак ялыште верланыше 2671 №-ан участкыште чылаже 118 сайлыше йўклышаш лийын. Нунын коклаште кужу жап пырля илыше Мулюковмыт лийыныт. Нуно ик сайлымашымат єрдыжеш огыт кодо, ял илышым тўзатыме верчат кугун тыршат. Пашам шке ыштен огыт керт гын, окса дене полшен шогат. Тыгак волонтер ден блогер-влакын пашаштым палемден кодыман. Нуно сайлымаш участкын членже-влаклан кум кече почела полшеныт.

Венера АГЛЯМОВА.

Мишкан селасе 2 №-ан полилингвальный школышто верланыше 2653 №-ан сайлымаш участкыште калык чолга «тывырдыкым» куштен. - Тиде куштымаш деч вара участкыште виклан пайрем шўлыш озаланаш тў‰алын. УИК членвлакынат, сайлаш толшо ен-влакынат кумылышт нєлталалтын, - каласен комиссий председатель Анжелина Яманаева. Районысо яллаште сайлымашке пайрем шўлышым ялласе Культура пєрт да клуб пашаен, самдеятельный артист-влак пуртеныт. Монар ялыште сайлыше-влаклан «Шыже кафе» концерт эртаралтын, йоча-влак куштеныт, муреныт, почеламутым лудыныт. Сайлымаш паша деч єрдыжтє библиотекарь-влакат кодын огытыл. Ирсайыште библиотекарь Алена Айкашева верысе сайлымаш участкыште книга выставкым эртарен. Тудо тыгак волонтер лийын, сайлыше-влаклан «Рахмат» акцийысе лоторейный билет-влакым шалатен. Кўшыл Шогертен ялыште верланыше сайлымаш участкыште сайлымашке икымше гана 18 ийым шукерте огыл темыше Татьяна Павлова миен. Тудо гражданский порысшым кумылын шуктен. Илалше-влак гын эшеат чолгарак лийыныт. Ирсай ялыште илыше Алексей Биктубаев 91 ияш улеш гынат, участкышке шке миен. Тылын ветеранже кужу жап верысе колхозышто, варажым – совхозышто бригадир лийын ыштен, тыгак фермым вуйлатен. Пашам кужу жап да тыршен ыштымыжлан орден да медаль-влак дене палемдалтын. Бабай ялыште илыше 92 ияш Рафиль Сабирзяноват сайлыме участкышке миен йўклен. Тудо кужу жап «Дружба» колхозышто механизатор лийын тыршен. Тиде колхозыштак кужу жап доярке лийын Татьяна Байдуганова ыштен. Индеш икшыван ава шукерте огыл 75 ийым темен. Измарыште илалше-влак кокла гыч «Первомайский» колхоз пашаен Владимир Ярмингин йўклен. Тудо жапыштыже водовоз лийын ыштен. Пашан ветеранже вич икшыван ача улеш. Кошташыже неле улмылан кєра комиссий член-влак тудын деке суртышкыжо миеныт. Сайлымаш кечылаште районыштына илыше икмыняр ен шочмо кечыжым палемден. Сайлымаш участкын членже-влак нуным шочмо кечышт дене саламленыт. Мутлан, Мишкан селаште илыше Виталий Ибаев нине кечылаште 77 ийым темен. УИК-ын членже-влак тудлан посна пєлекым кучыктеныт. Чылан умылат, сайлымаште безопасностьым тўткын эскерыман. Татарбайыште порядкым полиций пашаен-влак веле огыл, тыгак посна дружинник эскерен. Тиде пашам Нагим Хасанов шуктен. К о р р е с п о н д е н т - в л ак улыл Памаш ялышке мийыме годым онай случай лийын. Алима Янкаева нине кечылаште пўтынь ешыже коклаште 90 ияш юбилейжым палемден. Тиде ўдырамаш куд икшыван ава, лу уныкан кувава да 13 кугезе уныкан кугезе кувава улеш. Тылын ветеранжылан районный газет гыч уна-влак мийымаш кугу сюрприз лийын. Алима Мурзиновна тудым пагален мийымыланна кугу деч кугу таум каласен. Ме уло газет лўм дене тудым юбилейже дене алал кумылын саламлена, пенгыде тазалыкым, суапым да шўдє ий марте илаш тыланена!

Виктория ИШМУРЗИНА.