Пашаштем тўнжє – калыкын тазалыкшым терген шогымаш

Башкортостан Республикыште села ден яллаште пашам ыштыше специалист-влаклан полшаш виктаралтше федеральный да республиканский программе-влак пашам ыштат: «Земский доктор», «Земский фельдшер», «Земский учитель», «Сельский тренер», «Земский культура пашаен». Регион вуйлатыше Радий Хабиров ик выступленийыштыже каласен: - Республикыштына ныл миллион утла ен ила. Нуно Башкортостаным вияндымаште кугу рольым модыт, республикынан экономический энертышыже улыт, тидын годымак калык йўла ден культурым аралаш полшат. Поснак кугу вер медицина пашаен-влаклан полышым ончыктымылан ойыралтеш. Мишкан районышто Дарья Сафуанова «Земский фельдшер» программын участникше лийын. Тудо Кемий ялыште шочын-кушкын, кызыт Бабай ялысе фельдшерско-акушерский пунктышто пашам ышта. - Тиде проект медик-влаклан изи огыл полышым ончыкта, поснак – самырык специалист-влаклан, - ойла Дарья Анатольевна. – Пўрє оласе медико-фармацевтический колледжым тунем пытарымеке, мый Мишкан районысо рўдє районный больницыш толынам. Тушто мылам тиде программыште участвоватлаш темлышт. Тиде программе почеш мылам, полыш семын, 500 тўжем тенге оксам ойырышт. Тиде окса полшымо дене мый паша верышкем кошташ машинам налын кертым. «Земский фельдшер» программыште участвоватлыше-влаклан икмыняр условийым шуктыман – вич ий кызыт ыштыме паша верыште ыштыман. Мыйын шонымаште, тыгай условий тыгак ешартыш ўшаным пуа - паша верым арален кодаш полша. Транспорт медицина пашаенлан чынжымак моткоч кўлеш. Вет тудлан кечын паша верышкыже коштман, чўчкыдын тыгак тўрлє эмлан рўдє районный больницыш мийыман, ўжмаш лиеш гын, тушко кудалман... Медикын мутшо почеш, ФАПыште паша куштылго огыл, мутым пе‰гыдын кучыман. - Пашаштем тўнжє – калыкын тазалыкшым терген шогымаш. Тидын верч ен-влакым диспансеризацийым эрташ кумылан-дыман, сурт еда коштман, прививкым ыштыме календарьым эскерыман. Врачын назначенийже почеш мый инъекций, уколвлакым ыштем. Утларакшым – илалше-влаклан. Нуно чўчкыдын кидышт, йолышт коржмылан вуйым шийын толыт. Сезонный чер-влакымат єрдыжеш кодаш ок лий, шыжым да шошым чўчкыдын обострений-влак лийыт. Тыгак инвалид-влакын тазалыкыштым эскерен шогыман, нунылан тўрлє эмым ойырен шогат, - ешара Дарья. Кызыт Дарья Анатольевна «Тазалык поезд» мобильно-диагностический комплексын пашаенже-влаклан Мишкан районысо калыкын тазалыкшым текшыраш полша. Паша куштылго огыл, ятыр вий ден жапым йодеш, вет ты жапыште тазалыкыштым тергаш кумылан-влак шукын улыт. - Кажне пациентым пагалыман. Пашам ыштен, ен-влак дене мутланаш, вашкылым муаш тунемын шуынам, манаш лиеш. Тыште медицина полышым ончыктымо дене гына серлагаш ок лий, ноет гынат, неле гынат, поро кумылан лийман, кажне пациент дене тыматлын мутланыман, - шуя умбакыже Дарья Анатольевна. Бабай ялысе ФАП-ыште паша самырык специалистлан келша. Калык тудым пагала да акла. - Бабай ялысе калык мылам эре тау мутым ойлен шога. Сурт еда коштмем годым чыланат чайым йўаш шинчаш ўжыт. Мийымемым уло кумылын вучат, - шыргыжалын ешара медик. – Нунын поро мутышт пашамым эше сайрак ышташ кумыланда. Шукерте огыл самырык специалист у пашалан – кондитерлан тунемын. Тудо торт ден моло тамле кочышым кўэшташ ончычат йєратен, кызыт гын тиде пашам эшеат устанрак ышта. Тамле да пайдале тортым кузе кўэштмым шагал ен пала. ГОСТ почеш тудым кўэшташлан икмыняр оборудований кўлеш. Дарья Анатольевна кўчык жапыште 200 утла тортым ыштен шуктен! Тудо, мутлан 3D тортым кўэштын мошта, тыгак – «Молния Маквиным», «Бомбым» да молым. Родо-шочшыжо-влак медицина пашажымат, тортым ыштыме сомылжымат пеш кўлешанлан шотлат да пашажым эшеат сайрак ышташ кумыландат. Тудын ача-аваже, шольыжо, шўжарже Кемий ялыште илат да Дарьян уэшын тортым ыштымыжым кумылын вучат. Ача ден ава тыгак суртыштышт шкеныштын «докторышт» улмылан куанен илат. Пелашыжат тыгай ватыже улмылан куанен ила – эмленат, тамлын пушкенат кертеш.

Виктория ИШМУРЗИНА.