«Мондаш ок лий»

2 августышто Российыште Юж-десант войскан кечыже палемдалтеш. - Тиде лўддымє, капышт да кєргє чонышт дене виян, шочмо элын чын патриотшо-влакын пайремышт, - саламлен десантник ден уна-влакым мероприятий вўдышє Василий Кутлуметов. – Юж-десант войскалан лўмлалтше памятный знакым ончычсо десантник-влакын тыршымышт дене ыштыме. Нуно шкак оксам погеныт да кўлеш пашам шуктеныт. Чыла калык погынымеке, торжественный тат шуын. Лентым пўчкын памятникым почаш чапым Пашан да ВДВ-н ветеранже Константин Алексеевлан, Владимир Минилбаевлан, Мишкан да Бурай районласе военный комиссариатын старший специалистше Александр Ивановлан пуымо. Флагым Валерий Тимиркаев, Александр Губеев да Владимир Андриянов нєлталыныт. Памятник ўмбач леведышым Вячеслав Яметов, Алексей Шамшиев да Владимир Алиев налыныт. Нине ен-влак чыланат памятный знакым почмо верч кугун тыршеныт. Памятникым почмеке, салам шомакым Мишкан район МР совет председатель Вячеслав Сабиров ойлен: - Памятник почмо верч тыршыше-влаклан чылаштланат чон гыч лекше тау мутым ойлем. Таче мемнан салтакна-влак посна военный операцийыште элнан интересше верч кредалыт. Тидлан кєра ме тыште, тылыште, самырык тукымым воспитатлыме верч мутым кучена. Саламлымашке Мишкан район МР администрацийын дела управляющийже Ринат Сафин ушнен. - Десантник-влак эре эн шокшо точкылаште кредалыныт, эре ончыл радамыште лийыныт. Жап эрта гынат, нунын чолгалыкышт да пенгыдылыкышт огыт йом, - каласен тудо. Саламлымеке, Ринат Фагилевич памятникым шогалташ полшышо-влакым Мишкан район МР советын да администрацийын тауштыме серышышт дене палемден. Тауштымашым Владимир Минилбаевлан, Вячеслав Яметовлан, Алексей Шамшиевлан, Владимир Андрияновлан да Тимур Тимуршинлан кучыктымо. Памятник десантник-влакым курымеш чумырен шогыжо манын, марий йўла почеш, тудым кєрден лекме. Тиде пашам верысе онае‰ Олег Миронов шуктен, тудлан Иван Акбулдин ден Андрей Андреев полшеныт. Нунын тыршымышт дене юзо шикш памятник воктечын чыла удам поктен колтен. Палемден кодыман, тений шогалтыме памятный знак «Ойган ава» памятник воктене шогалтыме икымше знак огыл. Тушто уже пограничник, моряк, боевой действийын, локальный сарын да вооруженный конфликт-влакын ветераныштлан лўмлалтше памятник-влак улыт. Ынде Юж-десант войскалан лўмлалтше памятный знакат ышталтын. Тиде верысе калыклан веле огыл, пўтынь районлан кугу событий. Тиде ой дене Мишкан да Бурай районласе военный комиссариатын старший специалистше Александр Иванов тўрыснек келша. - Элитный войска лўмым десантник-влак Кугу Отечественный сар жапыште сулен налыныт да Афганистаныште пенгыдемденыт, - каласен тудо. – Кызыт десантникна-влак посна военный операцийыште пе‰гыдын кредалыт. Салам шомакше деч вара Александр Николаевич тауштыме серыш дене Геннадий Аликовым, Александр Мратшиным, Владимир Алиевым, Александр Губеевым да Станислав Калиевым палемден. Тылеч вара мутым Чорай сельсовет СП администраций вуйлатыше Галина Саймулуковалан пуымо. - Памятникым почмаш эше ик гана десантник-влак братствын пегыдылыкшым рашемден, - каласен тудо. – Десантник-влак кеч-могай кредалмаштат эре ончыл радамыште лийыныт да тушман дене лўдде кучедалыныт. Самырык-влаклан эре сай пример лийыныт. Мероприятийыш тыгак «Отечество» региональный мер организацийын боевой действийын ветеранже-влакын праваштым аралыме, самырык-влакым патриот шўлышеш куштымо шотышто председательже Валерий Миронов миен. - Мый Чорай ялыште эше ик памятникым почмо дене кугешнем, - каласен тудо. – Тыгак коклаштына СВО-н генерал Шаймуратов лўмеш медаль дене палемдалтше участникше улмылан куаненам. Владимир Геннадьевич тауштыме серышым Владимир Минилбаевлан, Вячеслав Яметовлан, Алексей Шамшиевлан, Владимир Алиевлан да Александр Ивановлан кучыктен. Мероприятийыште илалше-влак лўм дене Мишкан районысо ветеран-влак совет председатель Юлия Балахнина, «Сар жапыште кушшо-влак» районный комиссий председатель Алексей Аптулманов да Чорай сельсовет СП-се ветеран-влак совет председатель Геннадий Зайнитдинов выступатленыт. Верысе десантник-влакым памятникым почмаш дене саламлаш Мишкан селасе десантник-влакат миеныт. Мишканыште десантник-влак клуб пашам ышта. Самырык-влак идалык еда парашют дене тєрштат, ончыкылык десантник лияш ямдылалтыт. Юж-десант войскалан лўмлалтше памятный знакым почмаште тыгак ВДВ-н ветеранже Валерий Тимиркаев выступатлен. Высутпленийже годым тудо тыгеракын каласен: - СССР-ыште десантник-влак икымше гана парашют дене тўшка дене 1930 ий 2 августышто тєрштеныт. Тиде событий Воронеж ола деч тораште огыл лийын. Тунам самолет гыч иканаште 12 ен тєрштен. Тыге элыштына юж-десант войска шочын. Памятникым ышташ кумыландыше Алексей Шамшиев ден Вячеслав Яметовлан чон гыч лекше тау мутым ойлымо шуэш. Памятникым ыштыме верч нуно Магнитогорск олашке миен толыныт. Шочмо элнам аралыме верч илышыштым пуышо десантник-влаклан курымашлык чап лийже! Десантник-влак кокла гыч поснак майор Иван Георгиевич Старчакым палемдыме шуэш. Тудо парашют дене 1000 утла гана тєрштен. Кугу Отечественный сар жапыште ятыр десантникым ямдылен. Москва верч кредалмаш тўналмеке, 430 ен гыч шогышо группыжо тушманым вич суткалан чарен да мыланна Москва воктене обороным пенгыдемдаш жапым пуэн. Иван Георгиевич шонгеммешкыже илен, самырык-влакым патриот шўлышеш кушташ полшен. Афганистаныште интернациональный порысыштым шуктышо-влакымат мондаш ок лий. Нунат элнан интересше верч кредалыныт. Но ончыкыжым вўй ўмбалнына тек яндар кава гына лиеш! Валерий Тимиркаевын шомакше дене келшаш гына кодеш. Салтакна-влакын подвигыштым мондаш ок лий! Єрмаш, мероприятийыште вўдышє Василий Кутлуметов тып минутым увертарымеке, кенета кугу йўр тўнале, пуйто ен-влак ойганыме дене пырля пўртўсат шорташ тўналын.

Салам шомакше деч вара Г. Саймулукова Чорай сельсовет СП администрацийын тауштыме серышыж дене Константин Алексеевым, Валерий Тимиркаевым, Александр Зайнитдиновым, Денис Шайбаковым, Данил Рыбаковым, Александр Сайсановым, Ярослав Янгубаевым, Денис Зайнитдиновым, Александр Алкечевым, Владимир Киляевым, Владислав Калитовым, Надежда Ахметьяновам, Геннадий Шайхитдиновым, Анатолий Алынбаевым, Дмитрий Губеевым да Владислав Илинбаевым палемден. Посна тау мутым Галина Андреевна Анатолий Каноновлан ойлен. Тудо ялым тўзатыме верч эре вийже ден жапшым чаманыде тырша.

 Виктория ИШМУРЗИНА.