«Тыныс илыш верч вуйжым пыштен…»

Йылыш мландыш кугу ойго толын – согышышто ялын эше ик эргыже вуйжым пыштен. 16 июльышто ял калык Рудольф Владиславович Иванкиным пытартыш корныш ужатен. Согышышто колышо салтак дене чеверласаш родо-тукымжо, пырля тунемме йолташыже, военкоматын, район администрацийын представительже-влак, тудым палыше тыглай ен-влак да моло миеныт. Траурный митингыште БР-се Государственный Погын – Курултайын депутатше Юрий Кутлугужин, Мишкан район МР администраций вуйлатыше Павел Трапезников, Мишкан да Бурай районласе военный комиссарын заместительже Ришат Миннигалиев выступатленыт. Рудольф Владиславович 1998 ий 25 январьыште Йылыш ялыште шочын. Тиде ялысе школыштак тунемын. Тунемме жапыштыже шкенжым ¢шанле, мутым колыштшан, каласымым шуктышан, шке вийжылан ¢шанышан улмыж дене ойыртемалтын. Полыш кюлеш гын, йолташыже-влаклан полшаш эре ямде лийын. Моло йоча дене кылым вашке муын. Чулым да чолга лийын кушкын, нимогай нелылык деч л¢дын огыл. 9 классым пытарымеке, Мишкан селасе агропромышленный колледжыште тунемын, «Мастер сельскохозяйственных работ» специальностьым налын. Студент жапыштыже йолташыже-влак коклаште пагалымашым сулен налын, культурный да спортивно-массовый мероприятий-влакын чолга участникше лийын. 2017 ий июньышто армийыш служилаш каен. Службым ПВО войскаште эртен. Армий гыч пєртылмеке, «ТНГ-Ленское» организацийыште вальщик лийын ыштен. 2023 ий 23 августышто РФ Вооруженный Вий дене контрактым подписатлен. Салтакын илышыже 2024 ий 6 январьыште Запорожский областьыште боевой заданийым шуктымыж годым к¢рылтын. Чаманаш кодеш, Рудольф тыныс илыш верч кредалын, но ешым поген, пиалан тыныс илышым илен шуктен огыл. Умыржо самырыкше годымак к¢рылтын. Ч¢чкыдын мемнан кокла гычын пеш эр сай деч сай е‰-влак каят. Поснак – салтак-влак. Вет нуно нигунамат боевой йолташыштын ваче шойыкышт огыт шыл, нуным кудалтен огыт кай, кредалмаште изаштым але шольыштым аралымыла аралат. Тидлан кєра ¢мырыштат к¢чык лиеш. Но нуно нигунам огыт мондалт, жап эрта гынат, салтак родо-шочшыжо-влакын ш¢м-чоныштышт курымешлан самырык кодеш. Йылыш ялын шочшыжо тушман дене кредалмаште л¢ддымылыкым, геройлыкым ончыктымыжлан Мужество орден дене (колымекыже) палемдалтын. Тудо чын герой лийын. Государственный наградым аважлан - Наташа Виталиевналан кучыктымо. Траурный митингыште Рудольфын класс вуйлатышыже Валерий Каликаев выступатлен: - Таче ме тыште шкенан геройнам, шочмо элым аралышыла специальный военный операцийыште колышо, мемнан выпускникна Рудольф Иванкиным пытартыш корныш ужаташ чумыргенна. Рудольфым ме Рудик манына ыле. Тудым моло деч ойыртемалтдыме, тыглай рвезе семын шарнена. Тунемшына поро кумылан, йолташлан полшаш ямде улшо, весела да илышлан куаныше рвезе ыле. Тудо чыла вере шуын. Рудик нерген ушышто эре поро шарнымаш гына кодын. Сай тунемше ыле. Моткоч чолга, писе, тыгодымак мутым кучышан да тыршышан. Элна ончылно порысым шукташ школышто тунеммыж годымак ямде лийын. Тидлан кєра, элна йодмеке, тудын интересшым аралаш шке кумылын каен. Тылеч вара туныктышыжо - Наталья Акиева чон вургыжын салтаклан пºлеклыме почеламутшым лудын. Пырля тунемме йолташыже-влак кокла гыч митингыште Екатерина Исеметова выступатлен. Тудат йолташыжын поро чонан, йомартле койышан, йолташыже-влаклан полшаш эре ямде улмыжым палемден, тидлан кºра классыште тудым чыланат йºратеныт да пагаленыт. Ик жап гыч, траурный марш почеш, землякнан кап-кылжым постамент гыч нºлтальыч да, катафалкыш верандымеке, верысе ш¢гарлаш на‰гайышт. Тушто, воинский й¢ла почеш, траурный салютым пуымо. Салтакын родо-шочшыжлан, лишыл е‰же-влаклан кугу чаманымашым каласена. Геройлан курымашлык чап лийже.

Светлана ТОЙМУРЗИНА.