Пел курым гоч иктºр ошкылтыш дене

Районыштына ятыр ий пырля илыше мужырвлак шуко улмо куандара. Вет тыгай еш-влак самырык-влаклан эре сай пример улыт. Ик тыгай мужыр – Александр ден Евгения Сарапуловмыт. Юбиляр-влаклан кугешнаш амал уло: нуно пенгыде ешым чумыреныт да вашкелшен илат. А те паледа кузе маныт 60 ий мужыр дене пырля илыме жапым? Бриллиантовый! Самырык мужыр-влак, тыгай уверым колмеке, ик татланат огыт ¢шане: кузе 60 ий пырля, икте-весым пагален илаш лиеш? Коклан вет вурседалмашат лийын кая… Лиеш! Тидым Новотроицк селаште илыше Сарапуловмыт еш пенгыдемда. Александр Васильевич ден Евгения Кронидовна мо тугай сар жап деч варасе илыш сайын палат. Тиде неле текшерымашым сар жапысе шуко йочалан эрташ пернен. - Мылам Кугу Отечественный сар жап деч варасе илышым шке шинчам дене ужаш пернен, - ойла еш вуй, тудо 1941 ий 1 октябрьыште Андреевке ялыште шочын. – Ачамым, Василийым, паша армийыш на‰гаеныт, садлан мемнам, мыйым да акамым, Прасковья авана воспитатлен. Тунам ни кинде курика, ни вургем лийын огытыл, ме эре шужен коштынна. Илен лекташ манын, писте лышташым поген коштенна. Тиде лышташлам Степанида кувавана кидвакшыште йоныштен мелнам кюэштын. Александр Васильевичын пелашыжынат йоча пагытше куштылго лийын огыл. Тудо Балтач районысо Казанке ялыште Воробьевмыт ешыште шочын. Тушто кум удыр да ик эрге кушкыныт. Ик жап гыч еш Новотроицкий селашке илаш куснен. 16 ияш гыч эн кугу икшыве, Евгения, верысе колхозышто пашам ыштен. Латшым ушкал ик дояркылан! Кечеш кум гана л¢штыман! Чынжымак, Сарапуловмыт еш суртозаватын кидше шºртьнº манаш лиеш. Евгения Кронидовна, ачаже гармончо лиймылан кºра, сем¢згар-влак дене шоктен моштен: селаште эртыше пайремлаште эре ончыл верыште лийын. Новотроицк селашке илаш куснымо деч ончыч, эше самырык жапыштыже, Александр Васильевич Андреевке ялыште илен, школышко пошкудо Худяковка ялышке коштын. Тудет шочмо ялже гыч ныл километр тораште верланен. Тиде школышто йоча-влакым Римма Георгиевна ден Семен Алексеевич Катковмыт мужыр туныктен. Нунын выпускникышт-влак коклаште шинчымашым пуышо туныктышышт-влак нерген поро шарнымаш кодын. Александр Васильевичын ачаже паша армий гыч пºртылын огыл: акаже да аваже нерген азапланымаш самырык рвезын вач¢мбакыже возын. Кугу Отечественный сар пытымеке, элым нºлтымаш паша т¢налын. Вуеш шушо рвезе йолташыже-влак дене пырля чодырам руэн, а 1962 ий гыч «Мишкинский» совхозышто трактористлан ыштен. Тиде совхозым 1957 ийыште чо‰ымо. Ик жап гыч отделений кокыте шелылтын – «Мишкинский» ден «Рефандинскийлан». Пашаште Александрын «Беларусь» МТЗ50, Т-54 гусеничный трактор, комбайн пенгыде йолташыже лийыныт. Но эн ¢шанле тракторжо Т-40 улмаш. Тудо Александр Васильевич пенсийыш лекмекыже, 40 ий утла, кугун пудыргыде пашам ыштен. Пиалан мужыр 1963 ийыште с¢аным ыштен. - С¢аным 5 кече пайремлышна, - шыргыжалын пелештат Сарапуловмыт. Жап писын эртен. Василий эргышт ден Любовь ¢дырышт кушкыныт. Ту жапыште кажне сурторалтыште кугу озанлык лийын. Сарапуловмыт ешат ойыртемалтын огыл. Нуно кок ушкалым, шорыкым, сºснам, юто-вусым шуко ашненыт. Пакчаштат кугу лийын. Вате ден марий ешланат кочыш ситыже манын тыршеныт да в¢та вольыкымат теле гоч пукшен лукташ к¢лын. 2000 ийла гыч юбиляр-влак пенсийыште улыт. Кувава ден коча статусым шукерте налыныт, да кызыт кугезе коча-кова улыт. Сарапуловмыт тукым еш кугемын. Ош-шем фотографий-влак коклаште Александр Васильевичын грамота ден удостоверенийже-влак аралалтыт. Тудлан «Башкортостан Республикын эн сай механизаторжо» званийым пуымо. Пашан ветеранжын «Заслуженный работник сельского хозяйства Республики Башкортостан» почетан званийже уло. Тыгак III степенян Паша чап орден дене палемдалтын. «Рефандинский» совхозышто пашам ыштымыж годым район кюкшытан механизатор-влак коклаште соревнованийлаште чолган участвоватлымыжлан «Районын эн сай трактористше» люмым пуымо. Александр Васильевичын тыгак «XI пятилеткын ударникше» памятный знакше уло. Тыгай к¢кшº награде дене плановый заданий-влакым шуктышо паша коллектив-влакым палемденыт. 60 ий – тиде пеш кужу жап, но тудо Сарапуловмытлан писын эртен. Ты жапыште Александр Васильевич ден Евгения Кронидовнан ятыр куанле, йомартле татышт лийын, шагал огыл текшырымашым чыташышт пернен гынат, пырля чыла нелылыкым сененыт. - Самырык ен-влаклан паша деч л¢ддымылыкым тыланена. Илышыште нимогай нелылыклан вуйым пуаш ок кюл, - ойлат Сарапуловмыт мужыр. – Тек кажне е‰ын вуй ¢мбалныже эре тыныс кава лиеш.

Виктория ИШМУРЗИНА.