Паша чонлан келша гын...

Теве ме Мишкан район тўрыштє верланыше Эшым ял воктеке миен шуна. Тышечын уже Бурай район мланде коеш. Лач тыште ме имне кўтўм ужна - тиде Сергей Васюткинын озанлыкше. Озанлык пашае‰-влак имне кўтўм Ардаш, Тєнгак да Эшым мландыште уже куд ий кўтат. А имне шагал огыл – шўдє утла вуй. Нуным кечын ончыман. Имньылан пукшаш пасушто шўльым, йытыным, шыданым да пурсам ўдымє. 1800 гектарыште погымо лектыш имне-влакым теле гоч пукшаш сита. Палемдыде кодаш ок лий – озанлыкыште, имне деч посна, кавказ урлык шорыкымат ашнат. Ик тыгай шорык 120 килограмм нелгытым пога!

Мемнан мийымына годым Аркадий Зайниев МТЗ-80 трактор дене пасушко гербицидым шавен. Тораште огыл Сергей Решин имне кўтўм кўтен. Ме, имне кўтў воктеке миен чарнымеке, виклан пий ырлыме йўкым колга. Тиде мемнан мийымыланна Рекс лўман пий шекланен улмаш. Овчарке йот ен-влак ўмбаке тўткын да сырышыла ончен. Латкок ий кўтўм кўтышє пий пуйто каласаш тыршен: «Мый йот ен ден ир янлык-влакым поктен колтен моштем – имне ден чома-влак воктеке нигє лишемшаш огыл!». Пий шкенжын пашажым сайын пала. Молыча огешат лий – пасушко пире-влакат, маска-влакат толын лектын кертыт. А кўтў изи огыл – кудло утла вуй гыч шога. Эшым ялыште Сергей Васюткин имне-влакым шыллан ашна. Ардашыште – спортивный талгыде да вўльє-влакым ончат. Нунын коклаште танасымаште икана огыл сеныше Стивен Чара лўмен вўльє уло. Тудо 2018 ийыште шочын. Ныл ий жапыште Уфа оласе «Акбузат» ипподромышто эртыше шым та‰асымаш гыч визытыштыже сенен. Танасыше имне-влакын лўмышт чынжымак онай: Мистер Марк, Галисия, Буцефал... Пытартышыже «Васюткин» озанлыкыште эн кугу. Эшымыште имне-влак сай условийыште илат. Нуным йўкташ посна пўям пўялыме. Пасум куэвлак авалтен ынышт нал манын, нуным эрыктен шогалтеш – изи куэ ден вондер-влак идалык еда руалтыт. Тидым от ыште гын, пасу-влак икмыняр ийыште чодыраш савырнат. Тачысе кечылан 450 гектар пасум эрыктыме. Ардаш ялышке кумылан-влак экскурсий дене чўчкыдын мият улмаш. Йоча-влак имне-влакым ужмыштлан моткоч куанат, а изишак шинчын коштыт гын, куанышт нимучашдымын арта. Озанлыкыште кўкшє квалификациян тренер-влак пашам ыштат, нуно изи уна-влакым имньыш шинчаш, кошташ, нуным ончаш туныктат, могай урлык имне уло дене палдарат. Мом кочмышт нергенат ойлат. Танасыше вўльє ден аргамак-влак шикарым да шикаран кочкышым кочкаш йєратат улмаш. Писынрак кудалыышт манын, нунылан посна витамин-влакым пукшыман. Тидлан кєра чўчкыдын мўйым пукшат, поснак – танасымаш деч ончыч. Идалык еда ик аргамак але танасыше вўльє 450 литр мўйым кочкеш. Мўйлан торашке огыт кошт – чылажат Сергей Юрьевичын шкенжын мўкш отарже гыч кондалтеш. Статьям лудын, шуко енын шонышыжо шочын кертеш: имне спортышто кузе сенымашыш шуаш? Но озанлык вуйлатышын ойлымыжым колыштын, тыгай йодыш виклан йомеш. Чылажат айдемын пашам ыштымыже да кумылжо деч шога. Паша айдемын чонжылан келша гын, се‰ымаш лиешак. Конешне, виклан огыл. Вет кеч-могай пашаштат опыт йо‰ылыш ыштымаш да тудым тєрлымє деч вара погына. Туге гынат, уло кумылын тыршет гын, чыла нелылык ше‰гелан кодеш. А воктенет тыгаяк - шкеныштын пашаштым йєратыше н-влак улыт гын, паша ушна да чонлан ятыр куаным пєлекла. Сергей Юрьевич Чорайыште илыше Владимир Бурзумбаевлан тау мутым ойла. Аргамак-влакым танасымашлан лач тудо ямдылаш полша.

 Виктория ИШМУРЗИНА.