Келшымаш
+9 °С
Йӱр
Все новости
Тӱрлӧ
28 Ага , 11:41

Ойыртемалтше пайрем

Райрўдыштє илыше Геннадий ден Ольга Александровмыт шєртньє сўаным палемденыт

Геннадий Александрович Пўрє районысо Изи Соказа ялыште шочын, а Ольга Васильевна Мишкан районысо Пекшек ялын шочшыжо. Кузе вара нуно икте-весым муыныт? Тиде йодышым рашемдаш мый шєртньє юбиляр-влак деке корнем виктарышым. - Ольгам икымше гана мый автовокзалыште ужынам, - шыргыжалын ойла Гена чўчў. - Ме йолташем дене Уфашке каяш автобусым вученна. Тунам мый энергетический технкумышто тунемынам. Тыште пеш мотор, йытыра ўдыр шоген. Мутым вашталтышна. Тудо шке лўмжым каласыш да районный газетыште пашам ыштымыже да кызыт командировкыш кайымыже нерген ойлыш. Вашке гыч мемнан автобусна тольо да ме кайышна. Тиде вашлиймаш вара мондалтын. Пўрымашым рашемдыше кокымшо вашлиймаш Мишканыште 1 январьыште, РДК-ште эртыше дискотекыште лийын. - Тунам У ий пайремлан кызытсе семын канаш лу кечым пуэн огытыл. Кок кечым веле каныме - 31 декабрь да 1 январь. Пайремлан мый ялыш кайышым. Ача-авам да родо-шочшына-влак дене У ийым вашлийна. 1 январьыште мый уэш Мишканыш кайышым. Типографийыште печатниклан пашам ыштенам. Ончыкылык мариемым икымше вашлиймаште мый изашак гына ондаленам, - воштылеш Ольга кокай. Кунам куштымаш тўналын, Геннадий Александровичын йолташыже тудлан ик пеш сай ўдыр дене палыме лияш темлен. Тудыжо келшен. Кунам тиде «пеш сай ўдыр» деке лишемыныт, Гена моткочак єрын, вет тидыже автовокзалыште палыме лийме ўдыр. Тиддеч вара «конфетно-букетный» манме жап тўналын. Самырык-влак чўчкыдынрак вашлияш тыршеныт. Эсогыл Геналан диплом пашам пырля возеныт - Ольга кертмыж семын тудлан полшен. Тудо шинчаш перныше, пеш чолга ўдыр лийын - 1972 ий гыч 1974 ий марте «Эрвел» куштышо ансамбльыш коштын, районышто эртыше чыла гаяк мероприятийыште чолган участвоватлен. Вет коммунистический партийын членже лийын. - Партий райкомын идеологий шотышто секретарьже Анатолий Николаевич Кидалашев мыскара йєре мыйым эре «первопечатница» манын, - воштылалын ойла Ольга Васильевна. - А ту жапыште паша пеш шуко лийын. Ме агитатор, библиотекарь да моло пашамат шуктенна. Икманаш, партий мом каласен, тудым ыштенна. Май тылзыште Геннадий Александрович йєратыме ўдыржым марлан лекташ йодын. 5 майыште пеш весела сўан эртен. Теве тыге витле ий ончыч у еш шочын. - Ту ийыште май тылзыште игече пеш шокшо лийын, корнышто пурак нєлталт шоген, - шарналтат юбиляр-влак. - Чыла родо-шочшо деке унала коштын савырнымешке, уна-влак чылт пурак лийын пытеныт. Икымше йоча шочмешке самырык-влак Геннадий Александровичын ача-аваж дене иленыт. Олег 1975 ийыште шочын, тиде ийыштак нуно Мир уремысе пачерын ик пєлемышкыже илаш кусненыт. Аза шочмо деч вара Ольгалан кужун канаш логалын огыл, типографийыште паша кид ситен огыл, сандене тудым пашаш лекташ йодыныт. Гена пелашыже изи йочам ончаш келшен, кеч шкежат коммунхозышто электриклан пашам ыштен. Тудын паша графикше куштылгырак лийын, а пашаш лекмыж годым кувава ден коча толыныт. 1978 ийыште Таня шочын, тиде ийыштак нунылан у пєртыштє посна пачерым пуэныт. Тиде пєртат Мир уремыште лийын. Еш ласкан шўлалтен да эркын-эркын илыме верыштым тўзаташ тўналыныт. - Ачамлан, Кугу Отечественный сарын участникше семын, холодильникым пуэныт, - шарналта Ольга. - Ачамлан тудыжо кўлын огыл да ужалаш шонен пыштен. Мый холодильникым мыланна пуаш йодым. Тудо кугу кумылын келшен. Тидыже мемнан икымше кугу арверым налмашна лийын. Илыш шке йыжынышкыже возын. Ий-влак эртеныт, йоча-влак кушкыныт. Ондак садикыш коштыныт, вара школыш каеныт. Йоча-влак сайын тунемыныт, тидыже ача-авам куандарен. Кызыт Олег Мишкан РЭСште тўн инженер лийын пашам ышта, Самарский государственный технический университетым заочно тунем пытарен. Татьяна школ деч вара Бирский педагогический институтыш, тўналтыш класслаште туныктышылан тунемаш пурен. Кызыт райрўдысє 1 №-ан лицейыште пашам ышта, кўкшє категориян туныктышо. Александровмытын шым уныкашт уло - кок кугурак уныка вузышто тунемеш, а молышт эше школышто шинчымашым погат. Ольга ден Геннадий Александровмытым саламлаш икшывышт, уныкашт-влак, родо-шочшышт чумыргеныт. Тиде кечын нунын лўмеш пеш шуко поро тыланымаш йонген. Мыят нунын саламлымашкышт ушнем да чыла сайым гына тыланен кодам. Кужу ўмыран, таза лийза, юбиляр-влак!

Венера АГЛЯМОВА.

Автор:Венера Аглямова