«Тыште айдеме шке вийжылан ўшанаш тунемеш»

Идалык еда эртыше тиде мероприятий йоча сад да дошкольный группа воспитатель-влаклан чынжымак моткоч кюлешан, тудым шукын чон вургыжын вучат. Конкурсышто куд воспитатель участвоватлен: Йылыш ялысе школысо кючык жап лийме группын воспитательже Марина Иркабаева, Мишкан селасе «Ласточка» 3 №-ан йоча садын воспитательже Олеся Баязова, П¢нчер ялысе школысо дошкольный группын воспитательже Алена Айбашева, Кемий селасе школысо дошкольный группын воспитательже Ольга Акмурзина, Мишкан селасе «Родничок» 4 №-ан йоча садын филиалжын воспитательже Светлана Александрова, Мишкан селасе «Солнышко» 1 №-ан йоча садын воспитательже Татьяна Пшонко. Конкурсын участникше-влаклан салам шомакым Мишкан район МР совет секретарь, «Башкортостанысе руш собор» региональный мер организацийын верысе отделенийжын председательже Татьяна Коледина ойлен да воспитатель пашан моткоч кюлешан улмыжым палемден. Шукерте огыл йоча сад ден дошкольный учреждений-влак люмлє писатель А. С. Пушкинын шочмыжлан 225 ий теммылан да Руш йылме кечылан л¢млалтше «Салам лийже, театр!» театральный постановка районный конкурс эртен. Татьяна Александровна тушто се‰ыше да призер-влаклан диплом ден пєлек-влакым кучыктен. «Идалыкын дошкольный образовательный организацийын педагогшо-2024» конкурсым профессиональный жюри аклен. Тушко пуреныт: районысо образований отдел начальник Сергей Александров, образований пашае‰-влак профсоюзын районысо пєлкажын председательже Алена Килинбаева, Мишкан селасе «Василек» 2 №-ан йоча садын филиалжын музыкальный вуйлатышыже Анастасия Кутлуметова, Кугу Шаде ялысе Али Карнай л¢меш кыдалаш школ директорын заместительже Аниса Закирова, Мишкан селасе 2 №-ан полилингвальный шуко профилян школын дошкольный группыжын воспитательже Антонида Шамукаева. Счетный комиссийыште ММС методист Наталья Шаркаева ден МОЦ методист Татьяна Апакетова лийыныт. Саламлымашке кодший тиде конкурсышто се‰ыше Анастасия Кутлуметова ушнен. Тудо тыгай конкурсышто участвоватлымашын к¢лешлыкшым палемден. Тушто вийым терген гына шкалан ишанаш тунемаш лиеш. Конкурс кум этап гыч шоген: визитка, мастер-класс да педагогический ситуацийым решатлымаш. Конкурсант-влак заданий-влакым шуктымо годым т¢рлє йєным кучылтыныт: видеом, ямле семым, тыгак шке шонымо почеламут-влакым лудыныт, коллегышт ден йоча-влакым полшаш луктыныт. Воспитатель-влак шкеныштын да йоча-влакын сенымашышт, илыш корнышт да пашашт, йєратыме сомылышт, ешышт нерген ойленыт. Конкурсын кокымшо этапше мастер-класс-влакым эртарыме гыч шоген. Тыште участник-влак проектыштын к¢лешлыкше да пайдалыкше нерген ойленыт. Эксперт-влак Олеся Баязитован интеллектуальный картыжым, Марина Иркабаеван «Логико-малыш» дидактический пособий презентацийжым, Татьяна Пшонкон Пупашкар марий калык курчакшым, Ольга Акмурзинан марла кушташ туныктымыжым, Светлана Александрован патриотический сынан театральный творчествыжым, Алена Айбашеван икшыве-влак дене пашам ыштымаште марий фольклорым кучылтмыжым кюкшын акленыт. Жюри воспитатель-влакын чолган да чулымын выступатлымыштым кумылын эскерен. Мастер-классыште конкурсант-влак Мишкан районын поянлыкше интеллект-картым ыштеныт, дидактический пособий-влакын пайдалыкышт нерген ойленыт, марий «пу азам» ыштеныт, чолга «кандырам» куштеныт. Эше марий калык такмак-влакым муреныт, калык модмаш-влак дене палдареныт да йоча представленийыште актер лийын модыныт. Мероприятий сай к¢кшытыштº эртен, конкурсант-влак коклаште алал ш¢лыш озаланен. Икманаш, конкурс танасымаш сынан огыл, а воспитатель-влакын усталыкышт дене палыме лиймаш сынан лийын. Палемден кодена, мастер-класслаште пален налме шинчымаш самырык ачаава-влаклан пеш пайдале лиеш ыле. У, кызытсе технологий ден свежа, о‰ай методике-влакым еш кёргыштат кучылташ пеш пайдале лийшаш. Эше конкурсант-влакын марий калык й¢ла ден т¢вырам арален кодаш тыршымышт куандара. А вет шочмо йылмым, т¢вырам да й¢лам йєратымаш да пагалымаш лач йоча сад гыч тюналеш. Тиде паша чыла вереат сайын шукталтеш гын, марий калык нигунам ок йом да вия‰еш. Мероприятийын пытартыш этапыштыже участнице-влаклан т¢рлº педагогический ситуацийлам лончылаш к¢лын. Задача тыгай шоген: этикетым пудыртыде да «педагог-воспитанник» вашкылым к¢рде, проблемым решатлен моштымым ончыкташ. Судейский жюрин иктешлымашыже почеш, «Идалыкын дошкольный образовательный организацийын педагогшо-2024» конкурсышто Мишкан селасе «Ласточка» 3 №-ан йоча садын воспитательже Олеся Баязова сенен. Призёр-влак радамыш пуреныт: Татьяна Пшонко (Мишкан села, «Солнышко» 1 №-ан йоча сад), Светлана Александрова (Мишкан села, «Родничок» 4 №-ан йоча садын филиалже), Алена Айбашева (П¢нчер ялысе школын дошкольный группыжо). Кемий села школын дошкольный группын воспитательже Ольга Акмурзина «Почешыже в¢ден нангайыше» номинацийыште сенен; «Туныктымашын ¢шанже» номинацийыште - Марина Иркабаева (Йылыш ялысе школын к¢чык жап лийме группыжо). Конкурсант-влакым Сергей Александров ден Алена Килинбаева диплом да окса сертификат дене палемденыт.

Виктория ИШМУРЗИНА.