Келшымаш
+24 °С
Йӱр
Все новости
Тӱрлӧ
8 Апрель , 14:38

Сылнылык гоч чоныш корно

Самодеятельный автор Светлана Салиеван творчествыже виянеш

Мо тугае мут? Мут чыла кертеш - куандарен, ойгатарен, кумылым нºлталын, ¢шанымашым шочыктен, ончыкылык илышлан вийым пуэн… Мишкан район талантан ен-влаклан поян улеш. Нуным кычалын торашке кайышаш уке – тыгай ен-влак воктеннак илат да творчествышт дене мемнам куандарен шогат. Творческий ш¢лышан ик е‰на – Светлана Ивановна Салиева. Тудо почеламут-влакым уже ятыр ий воза. Произведенийлаштыже ме родо-шочшо, лишыл, шочмо эл ден кундем, п¢рт¢с дек йºратымаш ден пагалымашым шергакан улмышт, айдемын илышыже шуко шºрынан лийын кертме нерген шонымашыжым лудын кертына. Тиде мастар, талантан ¢дырамаш Мишкан районысо У Козаш ялыште шочын. Школ жапше Айбылат да К¢рзе яллаште эртен. Кугырак класслаште тунеммыж годым класс вуйлатышыже Ян Янышевич Ялкаевлан кºра (тудо кумдан палыме марий писатель Яныш Ялкайнын эргыже) сылнымутым йºратен шынден. А йºратен шындымеке, шкат, кертмыж семын, возаш тюналын. Школым тунем пытарымеке, самырык удыр Благовещенск оласе педагогический училищыш тунемаш пурен. Тушто тудын «шып малыше поэтический талантшым» Надежда Максимова почын. Училищым сайын тунем пытарымеке, Светлана Ирсай кыдалаш школышто тюналтыш класслаште туныкташ т¢‰алын. Тиде чапле ¢дырамашын илыш биографийже поян: Светлана Ростов-на Дону оласе «Ростсельмаш» заводышто пашам ыштен, варажым Мишкан селасе страховой компанийыште экономист лийын тыршен да ик жап гыч уэш тюналтыш класслаште туныкташ тэналын. Но, кеч-могай пашам ыштен гынат, чонжо эре иктым кычалын – кºргº чоншижмашым лаштыкыш пышташ. Тыге самырык ¢дыр шкенжым тюрлº произведений-влакым возымо пашаште кычалаш тэналын. Ен-влак возымыжым акленыт. Ик жап гыч тудын произведенийже-влак «Мишкан – мыйын шулдыр» марла йылме дене лекше сборникыш логалыныт. Тиде книгам печатлен лукташ марий писатель Вячеслав Абукаев-Эмгак ден Башкортостан Республикын сулло туныктышыжо Людмила Русиева полшеныт (1998 ий). Книгашке Мишкан районысо творчествым йºратыше да возышо 12 авторын произведенийышт пурен. Тудо лудшо-влакым муро, ойлымаш, почеламут, повесть да сценарий-влак дене палыме ышта. Тиде изданий мемнан самырык авторнам у произведений-влакым возаш да усталыкшым эшеат чот вияндаш кумыланден. 2000-2010 ийлаште С. Салиева Мишкан селасе историко-краеведческий тоштерыште пашам ыштен. Сулен налме канышыш лач тушеч каен. Кызыт Светлана Ивановна яра жапшым ешыжлан пºлекла, ветеран «Мишкан сем» ансамбльыште чолган участвоватла да, мутат уке, йºратыме чоншижмаш пашажым виктарен шога. 2014-ше ийыште «Лий пеленем, пиалем» икымше почеламут да муро сборникше лектын. Тиде книгам лукташ полшымыштлан Мишкан краеведческий библиотека пашаен-влаклан кугу тауштымаш мутым ойла. Икмыняр жап эртымеке, портфолиом погышыжла, кокымшо книгам – «Мутланал мый денем, ш¢дырем» сборникым лукташ ой шочын. Светлана Ивановна шукыж годым йºратымаш кумылжым почеш, но тидын годымак п¢рт¢сымат йºраташ, шижын мошташ туныкта. Тудо «Чонаш жап» республик к¢кшытан проектыште участвоватлен да сай кэкшытым ончыктен. Удырамаш шуко гана тауштымаш серыш да пºлек дене палемдалтын. Но Светлана Ивановнан эн шерге пºлекше – Вячеслав Абукаев-Эмгакын 60 ийым темымыже л¢меш да марий йылме ден культурыш кугу надырым пыштымылан шарнымаш медальым налмаш. Южгунам почеламутат мурыш савырнен кертеш. Тидым ме Светлана Салиеван творчествыж гыч раш ужына. Тиде чапле ¢дырамаш шке почеламутшо-влаклан семым шке шона. Вет муро енын кумылжым нºлталеш, илаш вий-куатым пуа да ончыкылык илышлан ¢шаным шочыкта. Кызытсе илыш саманыште Светлана Ивановнан почеламутшо-влак ш¢лыканрак улыт – вет элна куштылго огыл жапыште ила – ятыр рвезына СВОшто кредалеш. Автор тиде событий деч ºрдыжеш ок код - ¢шаным пуышо почеламут-влакым воза. Нине произведений-влак «Чон сандалык» литературно-культурный касыште лудылтыт. Тудо Мишкан селасе Марий историй да т¢выра р¢дерыште 12 апрельыште эрта, 19.00 шагатыште т¢‰алеш. Мероприятий тыгак «Мишкан – мыйын шулдыр» сборниклан 25 ий теммылан л¢млалтеш. Тиде касым эртарымаш Светлана Салиеван творческий пашаштыже эше ик тошкалтыш. Тудо касыш мийыше кажне е‰ын ш¢м-чонышкыжо шокшо да волгыдо ш¢лышым пурташ виктаралтеш.

Виктория ИШМУРЗИНА.

Автор:Виктория Ишмурзина