Илышыже памашла шолеш

Культура пашаенын кечыже вашеш Башкирский опера да балет театрыште культура да искусство пашаен-влаклан государственный награде-влакым кучыктымо. Наградым налше ен-влак коклашке мемнан землякнат – Ардаш ялысе Культура пєртын методистше Владимир Хамитов логалын. В. Хамитов 1967 ий 14 декабрьыште Эшым ялыште шочын. Школышто тунеммыж годым художественный самодеятельностьын чолга участникше лийын. 1983 ийыште, школым тунем лекмеке, музыкым туныктышо лияш кумыланын да Благовещенск оласе педагогический училищыш тунемаш пурен. Тушто 1987 ий марте тунемын. Училище деч вара, 1987 гыч 1991 ий марте, Чуваш государственный педагогический институтышто музыкально-педагогический факультетыште шинчымашым поген. Дипломым налмеке, самырык специалист Калтаса районысо Калмиямучаш ялыште художественный вуйлатыше лийын ышташ тўналын. 1992 ийыште Мишкан районышко пєртылын, тудлан Ардаш ялысе Культура пєртыштє культорганизатор пашам ўшанен пуэныт. Владимир Хамитовлан налме образованийже шагалрак чучын. Тидлан кєра тудо ик жап гыч Марий государственный университетыш тунемаш пурен да 2001 ийыште «История» специальность дене дипломым налын. 2018 ийыште «Башкирский государственный университет» высший образований федеральный государственный бюджетный образовательный учрежденийыште «Менеджмент в сфере культуры и искусства» программе почеш профессиональный переподготовкым эртен. 2023 ий шыже гыч Владимир Ильич Ардаш СДК-н методистше улеш. Палемдыде кодаш ок лий: Владимир Ильич пеш сай культура пашаен улеш – тудо туныктышо, артист, уста организатор, музыкант... Тидлан кєра е‰-влак тудын деке шкак шуйналтыт. А коллегыже-влак пашаж дене кугешнат. 19 ий ончыч Владимир Хамитов ялыштыже посна ансамбльым почаш шонен пыштен. Шонымашыжым виклан илышыш пурташ тўналын. Ондак икмыняр еным погымо – Эшым ден Ардаш ялла гыч сайын мурышо-влакым ўжмє. Владимир Ильичлан тиде пашаште ватыже – Галина Эриковна кугун полшен. Ик жап гыч фольклор ансамбльыш марий мурым йєратыше моло ен-влакат кошташ тўналыныт. 2016 ий 10 мартыште «Акарт» фольклор ансамбльлан «калык» лўмым пуымо. Коллектив тиде лўмым чынжымак сулен налын. «Акарт» район да республик кўкшытан веле огыл, тыгак зональный, республиканский, региональный, всероссийский конкурс ден фестивальлаште участвоватла. Коллектив БР-се Мишкан, Балтач, Калтаса, Бурай, Шаран районлаште, Марий Элыште, Чуваш Республикыште, Татарстан Республикыште, Пермь крайыште, Коми Республикыште, Челябе областьыште, Оренбург областьыште, Москва, Санкт-Петербург, Выльгорт, Нефтекамск, Пўрє олалаште выступатлен. «Акарт» фольклор калык ансамбль тыгак шкенжын вургемже дене ойыртемалтеш. А мурызо-влак вургемым шкаланышт шке ургат – шкак дизайнер, модельер, ургызо, тўрлызє улыт. Сценышке эре мотор деч мотор тувырым чиен лектыт. Вургемышт выступленийыштым эшеат чот сєрастараш полша. Палемден кодымо шуэш: Владимир Ильич пеш сай организатор, тудо шкенжын артистше-влак верчын эре тургыжлана, яра жапыштым пайдалын эртараш полшаш тырша. Ансамбльын участникше-влак чўчкыдын пўртўсыштє, СольИлецкыште канат. «Звездныйышкат» коштын толыныт. Кодший шыжым ™пє олашке экскурсий дене миеныт. Тений кенежым Ош Виче дене путешествийыш каяш шонат. В. Хамитов тыгак культура пашае‰-влак профосоюз организацийын чолгае‰же улеш. Калык культурым аралыме пашаште пале ныдырым пыштымыжлан да шке пашажым тыршен, сайын шуктымыжлан, изи огыл се‰ымашке шумыжлан Владимир Хамитов ятыр гана почетан грамота, диплом, тауштыме серыш дене палемдалтын. Мутлан, БР Правительство премерь-министрын заместительже, БР-се Культура да калык политика министр деч почетан грамота дене (2007 ий), БР-се Культура да калык политика министерствын (2015, 2016), БР-се Культура министерствын, БР-се Калык келшымаш пєрт ГБУ-н (2017) почетан грамотышт дене, БР-се Государственный Погын – Курултайын тауштымашыж дене (2019), БР-се Культура министерствын (2019), Калык келшымаш пєртын (2021) тауштыме серышышт дене. Владимир Ильичым марий культурым аралыме да вия‰- дыме пашаште чулымын тыршымыжлан Яныш Ялкайн лўмеш премий дене палемдыме. Тудо чолга мер пашае‰ улеш. Мутлан, волонтер пашам вўда, тыршымыж дене Ардаш ялысе Культура пєрт пелен «Акарт» этнографический музейым почмо. Тушто калык вургемым, семўзгар-влакым да моло арверым погымо. В. Хамитовын тыршымыж дене Ардаш ялыште «Шокталте, шокталте!» пайрем эрта, тушко марий гармонист-влак тўрлє кундемла гыч толыт. Ме уже возышна, Владимир Ильичлан чыла пашаштыжат ватыже – Галина Эриковна кугун полша. Нуно пырля уже 26 ий илат. Куд икшывышт уло, нунын кокла гыч кумытшо – ончаш налме. Нуно чыланат «Памаш» еш ансамбльын участникше улыт. Тиде ансамбльат кумдан палыме улеш. «Еш мозаика» еш калык творчество фестивальын дипломантше (2008) лийын, тыгак РФ Культура министерствын, Ижевск оласе «Финн-угор культура рўдер» ДНТ-н филиалжын (2016), «Шежере» республиканский калык пайремыште участвоватлымылан Башкортостан Республикысе Культура министерствын, Еш фольклор пайремыште участвоватлымылан Татарстан Республикысе Культура министерствын (2018), «Творцы и хранители» еш-родо-шочшо фольклор ансамбль-влак регион-влак кокласе I фестивальыште шымлыме пашашт дене участвоватлымылан Марий Эл Республикысе Культура, печать да калык дене паша шотышто министерствын дипломышт дене палемдалтын. Кодший Ачан кечыштыже Владимир Хамитовым, ўшанле еш вуй семын, «Отцовская доблесть» о‰еш пижыктыме знак дене палемдыме. Хамитовмыт Ардаш ялыште кок пачашан пєртыштє илат. Нуно ятыр вольыкым, ютым ашнат, мўкшым ончат. Тыгай озанлыкым кучаш жапым кузе ситареда манын йодмемлан, Владимир Ильич тыге вашештыш: - Тыршаш гын, жапым чылаланат ситараш лиеш. Арам огыл ойлат: илыш – пашаште. Хамитовмыт чынжымак тыгай улыт – нуно яра шинчен огыт мошто да эре мом-гынат ыштат. Ме Владимир Ильичым сулен налме наградыж дене алал кумылын саламлена! «Башкортостан Республикын сулло пашае‰же» лўмым тудлан арам огыл пуымо. Вет тудын культура пашасе илышыже памашла шолеш.

Светлана ТОЙМУРЗИНА.