«Чонет волгыдо верыште лийже, Евгений»

Салтак дене чеверласымаш 5 мартыште Кугу Отечественный сарын участникше-влаклан шогалтыме обелиск воктене эртен. Салтакым пытартыш корныш ужаташ ял калык, родо-шочшыжо да лишыл енже-влак чумыргеныт. Траурный митингыште БР культура министрын заместительже Ильнур Мухьянов, Мишкан район администраций вуйлатыше Павел Трапезников, Мишкан да Бурай районласе военный комиссар Николай Дульцев лийыныт. Салтакын биографийже гыч: Евгений Аркадиевич Александров 1983 ий 16 июльышто Изи Накаряк ялыште шочын. 1-11 классым верысе Изи Накаряк кыдалаш школышто тунемын. Школ деч вара 2000 ийыште Пўрє оласе 102-шо ПУ-шко тунемаш пурен. Тушто «водитель» да «сварщик-автослесарь» специальность-влакым налын. 2001 ий гыч 2002 ий марте Россий Вооруженный вий радамыште служитлен. Службым пограничный войскаште эртен. 2024 ий 29 февральыште колен. Траурный митингыште Евгенийын класс вуйлатышыже Юрий Семенович Салмияров выступатлен: - Таче ме тышке шкенан геройнам, шочмо элым аралышыла специальный военный операцийыште колышо, мемнан выпускникна Евгений Александровым пытартыш корныш ужаташ чумыргенна. Тудо моло деч ойыртемалтдыме, тыглай рвезе - поро кумылан, йолташлан полшаш ямде, весела да илышлан куаныше рвезе лийын. Тудо чыла вере шуын: военный пашам умылаш тыршен, «Десантник» военно-патриотический клубыш коштын. Спорт дене пе‰гыде кылым кучен. Волейбол дене, куштылго атлетика дене, ўстел теннис дене, ече дене школын сборный командыштыже лийын. Школ линейкыште Евгенийлан пытартыш о‰гыр йўкым пуаш права пуалтын. Тудын нерген эре поро шарнымаш гына ушеш кодын. Сай тунемше ыле. А Евгений деч посна нимогай экскурсий, поход, турслет эртен огыл. Тудын дене эре весела да куштылго лийын. Тулотым пеш писын ылыжтен моштен. Моткоч чолга, писе, тыгодымак пеш ответственный да шке мутшылан оза лийын. Юрий Семенович школ илышыште лийше случай-влакым шарналтен. Туныктышын выступатлымыж годым шуко енын шинчавўдшє йоген. Евгенийын пырля тунемме йолташыже Константин Пономарев, родо-шочшыжо-влак лўм дене кок шочмо изаже Максим Садыков выступатленыт. Герой салтакым траурный марш сем дене пытартыш корныш ужатыме. Курымашлык чап лийже салтаклан, а тудын чонжо тек эре волгыдо верыште илыже!

Светлана ТОЙМУРЗИНА