Афганецын шинчаж дене

1979 ий 25 декабрь гыч 1989 ий 15 февраль марте шуйнышо афган сар чарнымылан тений 35 ий темын. ™лыл Шогертен ялын шочшыжо Артем Федорович Алкечевланат тиде сар гоч эрташ логалын. Кызыт тудо Изи Накаряк ялыште ила. Тунам Стерлитамак оласе профессионально-технический училищым тунем пытарен, ик жап каменщик-монтажниклан пашам ыштен. Вара совет армий радамыш налыныт, Белорусский военный округыш логалын, варажым Германийыш колтеныт. Прапорщик-влакым ямдылыме школым тунем пытарен, шке кумылын Афганистан Республикыш каен. Газни провинцийыште лийын. Кум ий сарыште лиймыже пале кышам коден. Артем Федорович ту жапысе неле илыш нерген чон коржын шарналта. Вет тудын шинча ончылныжак чот сусыргышо салтак-влак коленыт. Сар гыч пєртылшє-влак торжа койышан лийыт манын ойлат. Но тиде йонылыш шонымаш. - Тушманын оружийже йолташ-влак дене мом ыштен кертмым ужын, шочмо верыш пєртылшє салтак-влак тыныс илышлан тунемыт, утларак поро кумылан лийыт, - манеш прапорщик. - Снайперын пуляже тетла илышлан лўдыкшым ок ыште манын, эше кужу жап шекланен коштат. Лач шочмо суртышто гына шкем ласкан кучет. Афганистан деч вара тудын службыжо пытен огыл. Тудо Уфасе авиационный училищыште служитлен, Изи Накарякысе полигонышто частьын старшинаже лийын. Вашке гыч еша‰ын, йоча, сурт, озанлык. Пелашыже Ирина Александровна дене кум эргым куштеныт, иктыжлан опекун лийыныт. Кугурак эрге нуным коча-кувава статусыш пуртен. Ешыште вўд транспорт университетын студентшат уло. Ончыкыжым ачажын корныж дене каяш ямдылалтеш. Изирак эрге Изи Накаряк школышто тунемеш. Тудын шочмыжо еш вуйлан 50 ияш юбилейжылан эн кугу пєлек лийын. Тиде школыштак ача-авам ужаш лиеш. Ава йоча-влаклан историйым да обществознанийым туныкта, а ача ороллан ышта. - Мый ўшанем, поро эре пєртылеш, сандене ен-влаклан, поснак лишыл-влаклан, нигунам осалым шонаш ок кўл, - ойла афган сарын ветеранже. - Неле жап годым ешлан э‰ерташ лиеш. Чыла енлан тазалыкым да вуй ўмбалне яндар кавам тыланем.

Виктория ИШМУРЗИНА.