«Ик кече гай эртен кайыш»

Районышто кужу жап пырля илыше, самырык-влаклан примерым ончыктышо мужыр-влакын шуко улмышт куандара. Нунын коклашке Танцитовмыт мужырым лўдде пурташ лиеш. Нуно райрўдыштє илат. Шукерте огыл нунын шєртньє сўаным палемдымышт нерген уверым колмеке, вашлийын мутланаш кумыл лекте. Пєртыш пурымо корным лум деч сайын эрыктен шындыме. Верандыште мыйым сурт озавате Олина Яметовна вашлие. Тиде жапыште пелашыже оралте гыч пурыш. Ме кугу, йонгыдо пєлемыште верланышна. Вате-марий эртыше жап, шке икшывышт, икымше вашлиймашышт нерген порын шарналтышт. Палемден кодаш кўлеш, тиде ешын илыш негызше - паша. Олина Яметовна моткочак ару, пеш ответственный, чыла верч азапланыше вате, ава да кувава. Сергей Исаметович - чытышан, чыла верч вуйын шогышо пелаш, ача да коча. Еш вуй 1947 ий 30 октябрьыште Ардаш ялыште шочын. - Мый сар деч варасе неле ийлаште шочынам, ача-авамын икымше икшывышт лийынам, - манеш Сергей Танцитов. - Ачам, Исамет Танцитович, Ардаш сельсовет председатель лийын, авам, Париза Максютовна, ўмыржє мучко тўналтыш класслаште туныктен. Ача-авам ялыште пагалыме ен лийыныт, сандене ме шкенам сайын кученна, чыла вере примерный лияш тєченна, нуным вожылмашке пурташ тыршыме огыл. Шочмо ялыште шымияш школым тунем пытарымеке, Чорай школышто кыдалаш образованийым налынам. Школ деч вара Ардаш рвезе Челябинск олашке ял озанлык электрофикаций да механизаций институтыш тунемаш пурен. Тушто вич ий тунемын. 1970 ийыште дипломым кидыш налын, самырык специалист шочмо кундемышкыже пєртылын да Мичурин лўмеш колхозышто инженерлан ышташ тўналын. Ик ий гыч армийыш налыныт. 1971-1973 ийлаште Сергей Танцитов Закарпатьеште мотострелковый войскаште служитлен. Армий деч вара шочмо колхозышкыжо пєртылын да ончычсо пашажымак ыштен. Тудо чумыр паша корныжым налме специальностьшо денак эртен. Сергей Исаметовичлан, ешым погымеке, илыме верым ик гана веле огыл вашталташ пернен. Кемийыште илыме годым тудо сельхозхимийыште ыштен, райрўдыш илаш куснымеке АТП-шке пашаш пурен. 1996 ийыште организаций-влак ушненыт, тушакынак пашам ышташ кодын, но ынде Агроснабыште лийын. Сулен налме канышыш лекмекыже, эше ныл ий йєратыме пашажым ыштен. Тудо пашан ветеранже улеш. Олина Яметовнат пашан ветеранже. Тудо 1950 ий 25 майыште Монар ялыште шуко икшыван Ямет Яндуганович ден Марина Минилбаевна Яндугановмыт ешыште шочын. Ешыште тудо кудымшо йоча лийын. Кандаш классым шочмо ялыштыже тунем пытарен, кыдалаш образованийым Чорайыште налын. 1968 ийыште, лу класс деч вара, Монар кандашияш школышто библиотекарьлан ышташ тўналын. - 1970 ийыште Йошкар Оласе культпросветучилищыш тунемаш пурышым да кум ий гыч дипломым налын, шочмо районыш пєртыльым. Направлений почеш Ардаш клубышто художественный вуйлатышылан ышташ тўнальым, - ойла Олина Яметовна. - 1979 ийыште Ардаш сельсоветышке секретарьлан шогалтышт. Кемийыш илаш куснымеке, йоча сад вуйлатышылан ыштенам. 1986 ий гыч Мишканыште илена. Тышке толмеке, район администрацийын счетно-вычислительный станцийыште ышташ тўнальым. Тушечын Мишкан сельсоветыш специалистлан колтышт. Тиде паша гычак сулен налме канышыш лектынам. Ончыкылык ешым чумыраш амалым пуышо икымше вашлиймаш кушто лийын, йодмылан пиалан мужыр вашла ончалын, шыргыжальыч. Вара еш вуй Олина Яметовнам икымше гана 1968 ий кенежым Монарыште ужынам, манын каласыш. - Ардашыш Монар гыч кок шочмо изам тольо, ме тудын ден коктын велосипед дене Монарыш кайышна. Тудо пасу бригадын учетчикшылан ыштен. Корнынгаеш пасу станыш пурышна, тушто кочкаш шолтеныт. Тушакын икымше гана Олинам ужынам, - шарналта Сергей Исаметович. Тунам 18 ияш Оляна школ библиотекыште пашам ыштен, кенеж жапыште поварын полышкалышыже лийын. ™дырын ямдылыме тамле кочкышымат, ўдырымат икымше вашлиймаштак йєратен шынден. Келшаш тўналыныт. 1974 ийыште самырык-влак сўаным ыштеныт. Тунам Олина Яметова (ўдыр фамилийже) культура пашае‰ лийын, а Сергей Танцитов армий гыч пєртылын, Мичурин лўмеш колхозышто инженерлан ыштен. 50 ий пырля илат. Куанымат, ойгымат пырля пайлат. Ешыште кок эрге да кок ўдыр кушкын. Кызыт кажныже шке ешыж дене ила. Алексей Краснодарыште, Андрей Лянторышто илат. Елена ўдырышт Мишканыштак еш пыжашым оптен, Россий социальный фондышто ышта. Эн изи Анна ўдырышт Уфаште ила. Коча ден кувавам уныка-влак куандарат: Илья - студент, Николай - кугурак классыште тунемеш, Катя - визымше классыште, Злата - кокымшо классыште. Ийготышт ятыр гынат, Танцитовмыт чонышт дене самырык улыт. - Пел курым эртымым шижынат ышна шукто, - маныт Олина Яметовна ден Сергей Исаметович. - Ик кече гай эртен кайыш.