Келшымаш
+24 °С
Йӱр
Все новости
Культура
9 Сӱрем , 14:41

Мишкан мланде уна-влакым вашлийын

Мишкан селаште «Финн-угор сем» музыкальный творчество регион-влак кокласе II OPEN-AIR фестиваль эртен

Мишкан мланде уна-влакым вашлийын
Мишкан мланде уна-влакым вашлийын

6 июльышто Сабантуй олыкышто лийше-влак келшышаш улыт – тиде кечын ончышо-влакым пайремыш толшо коллектив-влак вургемышт да творчествышт дене чылт єрыктареныт! Вургем-влак тўрлє сынан да мотор деч мотор лийыныт. Калык муро ден сем-влакымат чыланат йєратен колыштыныт. Икманаш, коллектив-влак ончышо-влакын кумылыштым чылт савыреныт. Тидыже тыгак лийшаш. Вет тиде фестиваль Башкортостан Республикыште брендовый проектлан шотлалтеш. Пайремым Василий Кутлуметов ден Анастасия Белоусова устан вўденыт. Фестивальым почмеке, калык ден коллектив-влакым Мишкан район МР администраций вуйлатышын икымше заместительже Лариса Александрова саламлен. Салам шомакыштыже тудо творчествын ик родо-тукым гыч улшо калык-влакым ушаш полшымыжым палемден. Икманаш, тврческий шўлыш калык-влакым ушаш да икоян ышташ полша. Саламлымашке тыгак Башкортостан Республикын заслуженный искусство пашаенже, Мишкан районын почетан гражданинже Нафира Иксанова-Бабичева ушнен. Тудо Мишкан мланде тўрлє кундемлаште илыше финнугор калык-влакым ушымылан моткоч куанен улмаш. А Республиканский калык творчество рўдерын регион да эл-влак кокласе вашкыл шотышто отделже вуйлатыше Зарина Хасанова «Финн-угор» сем фестивальым ямдылаш да эртараш полшышо-влаклан, тышке толшо чыла уналанат чон гыч лекше тау мутым каласен да Мишкан мландын ик гана огыл тыгай рўдер лиймыжым палемден. «Финн-угор сем» музыкальный творчество регион-влак кокласе II OPEN-AIR фестивальыш пеш шуко онай коллектив ден мурызо, тўрлє семўзгарым шоктышо музыкант-влак толыныт. Удмурт Республикысе Дебёсы села гыч - «Шудбур» ансамбль (Алексей Тронин вуйлата), Удмурт Республикысе Воткин район гыч - «Капчи мылкыд» еш клуб (Елена Ложкина), Удмурт Республикысе Завьяловский район гыч – «Тодъы юсь» калык ансамбль (Зинаида Галкина), Удмурт Республикысе Вавожский районысо Зяглуд-Какся ял гыч – «Боляк» фольклор калык ансамбль (Валентина Снигирева). Но одо коллектив-влак Удмурт Республик гыч веле огыл, моло кундем гычат лийыныт. Мутлан, Свердловск область гыч – «Мылкыдмы» ансамбль (Файна Садиева) ден Каниф Зайнуллин («Каменский ола округ» калык тўвыра рўдер), Янаул ола гыч – Леонид Хазипов, БР-се Татышле районысо У Татышле села гыч – «Зеч малпан» вокально-инструментальный ансамбль (Юрий Нуриахметов). Марий Эл гычат ятыр уна лийын: Йошкар-Ола гыч «Сото вий» ансамбль (Светлана Яндукова) ден «Кас сем» группа (Анатолий Тимофеев) толыныт. Мордва калыкат єрдыжеш кодын огыл. Фестивальышке Стерлитамак районысо Садовка села гыч «Вастома» фольклорно-этнографический калык ансамбль (Николай Артамонов) толын. Тыгак пеш шуко пошкырт марий коллектив лийын. Краснокам район гыч «Таныптўр сем» этнофольклорный еш ансамбль (Ольга Исинбаева) толын, Калтаса районысо Краснохолмский села гыч – «Мурпамаш» мурышо ансамбль. Кычыри ола гыч марий мурызо да калык семўзгарым шоктышо-влак Юрий Сайсанов ден Эдуард Сапаев, «Яндар памаш» фольклорный фокально-хореографический калык ансамбль (Октябрина Абдулманова) толыныт. Мишкан районысо коллектив-влакат ятырын лийыныт: «Пырляште куан» калык семўзгар ансамбль (Владимир Хамитов, Ардаш ялысе Культура пєрт), Монар ялысе Культура пєрт пеленсе «Эрвел марий сем» ансамбль (Юрий Иликаев) ден «Ший памаш» фольклор калык ансамбль (Снежана Петрова), «Березка» мурышо ансамбль (Ирина Аликаева, Мишкан РДК), «Ужара» мурышо калык ансамбль (Светлана Каншаева, Нерге ялысе Культура пєрт). Коллектив-влак кок направлений почеш выступатленыт – инструментальный да вокально-инструментальный творчество. Артист-влакын выступленийыштым посна жюри аклен. Тушко пуреныт: Башкортостан Республикын заслуженный искусство пашаенже, Мишкан районын почетан гражданинже Нафира Иксанова-Бабичева, Башкортостан Республикын заслуженный деятельже, «Мирас» муро да куштымаш фольклор ансамбльын музыкальный вуйлатышыже Сергей Гориченский, БР-се калык творчество республиканский рўдерын инструментальный жанр шотышто тўн специалистше Элита Зиангирова да Республиканский калык творчество рўдерын регион да элвлак кокласе вашкыл шотышто отделже вуйлатыше Зарина Хасанова. Артис-влакын выступленийышт моткоч онай лийын. Икманаш, тўрлє коллектив, семўзгарым шоктышо да мурышо-влак кокла гыч эн сайже ден сеныше-влакым ойыраш моткоч неле лийын. Но жюри иктешлымашым ыштен. Фестивальыште «Инструментальный творчество» номинацийыште I степенян диплом дене Удмурт Республикысе Дебёсы селасе «Шубдур» ансамбль (Алексей Тронин) палемдалтын, II степенян диплом дене – Кычыри ола гыч Юрий Сайсанов, III степенян дене – Монар ялысе Культура пєрт пеленсе «Эрвел марий сем» ансамбль (Юрий Иликаев). «Вокально-инструментальный творчество» номинацийыште I степенян лауреат лўмым шкеныштын выступленийышт дене Стерлитамак районысо Садовка селасе «Вастома» мордва фольклорно-этнографический калык ансамбль (Николай Артамонов) ден Татышле районысо У Татышле селасе «Зеч малпан» одо вокально-инструментальный ансамбль сулен налыныт. II степенян диплом дене Янаул ола гыч толшо Леонид Хазипов ден Йошкар-Оласе «Сото вий» ансамбльым (Светлана Яндукова) палемдыме, III степенян диплом дене – Удмурт Республикысе Вавожский районысо Зяглуд-Какся ялысе «Боляк» одо фольклор калык ансамбльым (Валентина Снигирева), Кычыри оласе «Яндар памаш» марий фольклор вокально-хореографический ансамбльым (Октябрина Абдулманова) да Мишкан районысо Монар ялысе Культура пєрт пеленсе «Ший памаш» фольклор калык коллективым (Снежана Петрова). «Финн-угор сем» музыкальный творчество регион-влак кокласе II OPEN-AIR фестивальыште сенышыш Удмурт Республикысе Завьяловский районысо «Тодъы юсь» («Ош йўксє») одо муро калык ансамбль лектын. Одо кундем гыч уна-влакым тиде сенымашышт дене алал кумылын саламлена! Фестивальыште верысе калык родо-тукым финн-угор калык-влакын музыкальный творчествышт, вургемышт дене палыме лийын кертын. Пайрем кечын Сабантуй олыкышто «Марий пазар» выставке-ярми‰га пашам ыштен. Тушто кумылан-влак тўрлє сувенирым налын кертыныт. Фестивальын хедлайнерже семын пайремыште Мордовий Республикысе «Торама» государственный фольклор ансамбль выступатлен. Тиде ансамбль, эрзя да мокша калык-влакын культурышт дене палдараш манын, Марий историй да тўвыра рўдерыште верысе коллектив ден уна-влаклан тўрлє семўзгар дене ожсо сем-влакым шоктымо шотышто мастер-классым ончыктен. Мастер-классышт «Кунардонь седяма» манылтын. Тиде коллектив Мордовий Республикыште эрзя, мокша, шокша да каратай калык-влак фольклорым пога да ожсо йўлам пєртылташ тырша. «Торама» государственный фольклор ансамбль тыгак кастене Сабантуй олыкышто – гала-концертыште выступатлен. Тыгай фестиваль-влак финн-угор калык-влаклан моткоч кўлешан улыт. Нуно родо-тукым калык-влак коклаште вашкылым пенгыдемдаш, йылмыштым, йўлаштым, тўвыраштым аралаш да вия‰даш полшат. Фестиваль-влак тыгак фольклор коллектив-влакланат моткоч пайдале улыт. Нуно тушто опытышт дене пєлалтын, икте-весышт дечын сайжым кўсынлен кертыт.

Виктория ИШМУРЗИНА

Автор:Виктория Ишмурзина