Чон ўжмє почеш илаш

Мемнан жапын геройжо - кє тудо тугай? Тиде йодыш мыйым шонаш таратыш. Тудо, очыни, мыйын та‰ашемак, ала изиш кугурак, но мый дечем да шуко моло деч ойыртемалтше койышан, молын ыштен кертдымым ыштен кертше, тийышле пунчалым луктын моштышо… Тыгай ен-влакым могай шижмаш вўда? Ала моло деч ойыртемалташ да чапым налаш шонымаш? Уке. Тыгай ен-влак чап, подвиг нерген огыт шоно. Нуно моло-влак семынак илат да шке пашаштым ыштат. Чон йодмо почеш. Теве, мутлан, шкемын землякемым налаш. Мишкан районысо Кугу Соказа ялыште икмыняр ий ончыч уэмдыме каныме да спорт парк почылто. Тудо верысе ен-влакын ик эн йєратыме верышкышт савырнен: ял пайрем, спорт пайрем да моло мероприятий-влак тыште эртат. Йоча-влакат, кугыен-влакат идалык мучко тыште спорт дене заниматлалтыт. Вет шукерте огыл тиде стадион нигєлан кўлдымє, колхоз деч тулыкеш кодшыла, шинчен. Тушто нуж да корша‰ге чодырала кушкын. Чыла тидым мемнан ялын шочшыжо Вячеслав Сабиров чон вургыж ончен да икана тудлан у илышым пуаш шонен пыштен. Тудын ойжо дене ял калык верысе инициативылан полшышо программыш ушнаш да стадионым тачысе жапын йодмашыжлан келыштараш кутырен келшен. Налме да погымо окса дене стадионым эрыктеныт, пушен- гым шынденыт, футбол пасум ыштеныт да моло спорт объект-влакым шогалтеныт. Мемнан проектын геройжо шке кўшеш леведышан сценым ыштен, куржталме корным асфальтироватлен да йыр печым ыштен. Ынде ялын шке паркше уло, тудо оласе деч нимо денат огеш ойыртемалт. Ынде Кугу Соказаште кажне ийын ече дене рошто та‰асымаш эрта. Тушто чумыр республик гыч эн тале спортсмен-влак участвоватлат. Сабантуй пайрем тиде паркышке пеш шуко калыкым чумыра. Ялыште вес объект - Герой-влакын аллейышт. Предприниматель тиде пашашкат кидшым пыштен. Мут толмашеш, тудын шке апшатше уло. Лач тушто Курымашлык туллан кугу шўдырым да кўртньє печым ыштен. Кўртньє печыжым посна искусство семын аклыман. Вячеслав Александрович Кугу Отечественный сарыште сенымашым лишемдаш полшышо военный техникын макетшым кўртньє гыч таптен шогалтен. Уэмдыме стеллым тудо землякше-влаклан Сенымашлан 75 ий темме вашеш пєлеклен. Предпринимательын кидше «всесоюзный староста» Михаил Калининын памятникше декат шуын. Вячеслав Александрович арматур гыч ыштыме печым коранден, таптыме кўртньє гыч (кованый) ыштыме печым шогалтен. Печыжым тудо «полотно» семын келыштарен да тушто колхозын вия‰ме корныжым - ен-влакын имне да кид дене ыштыме паша гыч тачысе ял озанлык техника марте - ончыктен. Мемнан ялна кугу. Пўрє ола гыч кечыште кум гана автобус коштеш. Вячеслав Александрович автобус шогалме кок павильоным уэмден. Нунат моткоч шке шотан да ен-влакын кумылыштым савырыше улыт. А мо дене савырат? Тидыжым ойлаш ом тўнал. Толза мемнан ялыш, шке шинчада дене ужыда. Мишкан районышто марий-влакын ик эн кугу шнуй верышт - Султан Керемет ото уло. Тиде шнуй отым Вячеслав Сабиров тўзатен. Меценат корно гыч отыш пурымо кўварым, капкам кўртньє дене ыштен. Марий тўр-влакым келыштарен. Вячеслав Сабиров шкеже чиймарий улеш, но поро пашам тудо черкыланат, мечетьланат шуко ышта. Шочмо школжылан, сельсоветлан эре полшен шога. «Вячеслав Александрович шочмо кундемже верч пеш чот азаплана, кеч шкеже ынде кужу жап Пўрє олаште ила. Йєн лийме семын эре шочмо ялышкыже мияш тырша. Тудо сельсовет администраций верланыме зданий йыр печым уэмдаш темлымаш дене лектын, шкеак проектым ямдылен да илышыш шы‰дарен. Кугу Соказа школ леведышым вашталташ окса дене полшен. Тиде ен шочмо ялжым тўзатышашлан пеш шуко ышта», - ойла Мишкан район советын секретарьже Татьяна Коледина. Вячеслав Сабиров кужу жап сварщик лийын ыштен, варажым шке апшатшым почын. Бизнес шуко жапым налеш гынат, тудо поро кумыл пашалан, мер пашалан жапым муэш (сельский поселенийын депутатше, республикысе марий-влакын юмыйўла ушемын председательже, Пўрє ола да Пўрє районысо тўвыра автономий председательын заместительже). Тидын годымак тунемеш! 56 ияш пєръен - БашГУ-н инженерно-технологический факультетын студентше улеш. Тиддеч посна экстерн дене преподавательым ямдылыме курсышто шинчымашым пога. Шке мастарлыкшым самырык тукымлан туныктен кодаш тырша. Тудлан Бирскысе колледжыште варитлыме паша дисциплиным туныкташ темленыт. Вячеслав Александрович Мишкан районысо Те‰ыз братство председательын заместительже улеш. Моло моряк-влак дене пырля Мишканыште чыла тукымысо моряк-влаклан мемориальный комплексым шогалтеныт. Тудо школлаште тунемше-влак дене чўчкыдын вашлиеш, патриотический воспитаний пашам шукта. Теныз братствыште 250 ен уло. Вячеслав Александрович Тихоокеанский флотышто кум ий вўдйымал пушышто служитлен. «Мыланем патриот лияш - тиде шочмо кундемлан, земляк-влаклан полшаш, кочана ден ачана-влакын поро пашаштым умбакыже шуяш. Район, тушто улшо кажне ял тўзланыже манын шонем», - палдара шке шонышыж дене Вячеслав Сабиров. Вячеслав Сабиров - Мишкан район муниципальный район советын председательже. Уло чонжо дене шке районжо верч тургыжланыше, азапланыше айдеме. Калык дене пашам ышта, тўрлє йодыш дене ен-влакым приниматла. Шке округыштыжо граждан-влакын сходыштым эртара. Тудын деке тўрлє полышым йодын толыт. Газым пурташ полшаш йодыт. СВО-што колышо салтакын родо-шочшыжо тийышле тўлам налын ок керт, адак тудын деке мият. Тудо шке каналже гоч тийышле инстанцийлашке лектеш, паша верже гыч тарвана. «Тыланда эн кугу награда могай?» - йодышлан тыге вашештыш: - Икана граждан-влакын сходыштым эртарыме годым мый декем илалше пєръен лишеме, саламлалтын єндале ла мыланем пакетым шуялтыш. А тушто комбо. Мый йодам: «Тидыже молан?» Тудо: «Те мыйын эргымлан поро пашам ыштенда: тудлан конгам пуэнда». Мыланем эн кугу награда - СВО-што улшо рвезе-влакын илышыштым кузе-гынат куштылемдаш. Мыйын «копилка» гыч вес случай. Ик салтакын аваже мыйым муын: «Эргым йолташыже-влак дене пырля окопышто кылма, кочкышымат нигушто ямдылаш». А рвезе Мишкан районышто шочын, Бирскыште илен да пашам ыштен. Тушечынак СВО-шко каен. Ме УАЗ машина дене нунылан кум конгам колтышна. Теве тыгай историй-влак. Совет пагытысе «Зарница», «Ворошиловский стрелок» движений-влакым пєртылтымє шотышто Вячеслав Александрович шке шонымашыж дене палдарыш: - Мишкан районышто Теныз братствын да афган ветеран-влакын тыршымышт дене нине паша-влак шукталтыт. Мый советын председательже да Теныз братствын представительже семын школлашке, йоча садлашке коштам. Рвезе-влаклан форменный вургемым пуэна. Йоча-влак дене вашлиймашке Афганистанын, локальный сар-влакын, шокшо точкылаште лийше ветеран-влакым ўжына. Мужество урок-влак йоча-влакын чонешышт поро кышам кодат. Нунын кадет классыште, школлаште тунемаш кумылышт шочеш. Тыгай образовательный учреждений-влак Нефтекамскыште, Кушнаренкыште улыт. Икана веле огыл Бирскыште тыгай школым почаш кўлмє нерген йодышым нєлталынам. Пандемий жапыште Вячеслав Александрович медик-влаклан полшен, Мишкан поликлиникыш кочкышым да медикамент-влакым конден. Республикысе апшат-влак коклаште шкетынак, шкенжын патентше дене пиролизный манме конгам ямдыла. Кызыт тудо мобилизоватлалтше, шке кумылын башкирский батальонлаште улшо-влаклан полша. Конвекционный конга-влакым М. Шаймуратов да А. Доставалов лўмеш батальон-влак налыныт. 2023 ийыште СВО-шко 70 наре конгам колтен. А СВО тўналтыш гыч 180 конгам колтен. Шочмо элын да шочмо кундемжын патриотшо, меценат, шєртньє кидан айдемын, чолга мер пашае‰ын пашажым республикыште кўкшын аклыме. 2024 ий вашеш Башкортостан вуйлатыше Радий Хабиров Вячеслав Александровичлан тийышле наградым кучыктен. Мемнан геройна элнан ончыкылыкшылан ўшана, йєршын палыдыме е‰-влакын ойгыштым шўмышкыжє пышта. Тыглай е‰- влакын тыгай койышышт мемнан обществылан умбакыже илаш да виянаш полшат. Мый да мый гаем ен-влак тачысе жапын геройжо лийын кертына мо? Мыйын шонымаште, кертына. Тидланже лач иктым умылышаш улына, тиде тўняште ик гана илена, тудым туге илаш кўлеш, ачана ден авана-влак, икшывына да уныкана-влак мемнан верч кугешнышт. Тунам чумыр элна, Кугу Отечественный сар жапысе гай, геройыш савырна, Ю. САЛИЕВА