Пайрем шўлыш пурен

Кугарнян тиде концерт кок шагат утла шуйнен да тушко мийыше-влаклан алал кумыл ден кугу куаным пєлеклен. Артист-влак муреныт, куштеныт, художественный номер-влакым ончыктеныт. А зритель-влак нунылан совым рўж кыреныт.
Куштышо коллектив-влак кокла гыч поснак «Эрвел» ден «Юго» куштышо калык ансамбль-влакым палемдыме шуэш. Нуно усталыкышт дене кажне еҥын кумылжым савыреныт.
Йоча искусство школын коллективше-влакат ятыр куаным пєлекленыт. Мутлан, «Ладушки» образцовый йоча вокальный ансамбль ден Надежда Иванова «Мы вместе» мурым сылнын йоҥгалтареныт.
Концерт деч ончыч погынышо-влаклан салам шомакым Мишкан районысо культура отдел начальник Радион Плотников ойлен. Концерт деч вара ме тудын дене мутланышна да ончыкылыклан паша планым рашемдаш тыршышна.
- Районысо Культура дворец селанан визитный карточкыжо да ик достопримечательностьшо улеш, - каласыш мыланна Радион Сергеевич. – Ме ятыр ий шуйнышо йўланам пагалена да умбакже шуена, ты жапыштак жап дене тӧр ошкылаш тыршена, улан тунемына, эксперимент-влакым ыштена да вияҥына. Концерт программе ик шўлыш дене эртыш, тудо оҥай да ямле ыле. Ямле художественный номер-влакым кугыеҥ-влакат, самырык да йоча-влакат ончыктышт. Ончышо-влаклан нунын творчествышт моткоч келшыш – нуно совым рўж кырышт. Ме мурышо-влак деч вара сценышке, концерт оҥайрак лийже манын, куштышо-влакым луктынна. Пайремым поснак самодеятельный артист-влак сӧрастареныт. Шкеныштын творчествышт дене веле огыл, тыгак мотор деч мотор калык вургем дене. Концертыште шкеныштын усталыкыштым тыгай коллектив да артист-влак ончыктеныт: Изи Накаряк ялысе Ручейки НФА, Кугу Шаде ялысе «Хазина» ВА, Татарбай ялысе «Саф чишма» ВА, Кугу Соказа ялысе «Ош пеледыш» ТК, Ардаш ялысе «Акарт» НФА, Мишкан селасе «Эрвел» НАТ, Нерге ялысе «Ӱжара» НВА, Йылыш ялысе «Эр кече» ВА, Анастасия Апекова, Светлана Каншаева, Ильфак Арсланов, Азат Ханов, Ирина Аликаева, Олеся Мусалина, Йоча искусство школ пеленсе «Вдохновение», «Калейдоскоп» ТК-влак, Районысо Культура дворец пеленсе «Березка» ВА, Калык семўзгар калык ансамбль (НАНИ) да моло. Ме ўшанена: нине коллектив-влак ончыкыжымат мемнам шкеныштын творчествышт дене куандараш тўҥалыт.
49-ше концертно-театральный сезон почылтмылан лўмлалтше концертым кумылан-влак онлайн йєн дене ончен кертыныт.
Концертышке Караидель район гыч уна семын Ильдар Галинуров толын. Тудо ончышо-влаклан икмыняр сылне мурым пєлеклен.
Творческий сезон почылтын! Пайрем концерт, а тудым Анастасия Ялкаева ден Василий Кутлуметов устан вўденыт, оҥайын да ямлын эртен. Ме ўшанена – концертно-театральный сезон идалык мучко тыгаяк ямле да йомартле лиеш!
Светлана ТОЙМУРЗИНА.