Все новости
Калык ойпого
2 Сӱрем , 10:55

«Илыш сайын эртен»

Метръялыште илыше 85 ияш К. Ишмурзин эше чолга да чулым улеш

Метръялыште илыше 85 ияш К. Ишмурзин эше чолга да чулым улеш

Килдыбай Илинбаевич ўмыржым арам илен огыл – тудын кандаш икшывыже да 30 уныкаже улыт, кугезе уныкаже-влакат кушкыт.

- Ачана пашам йӧратышан да тыршышан, тўрлӧ кидпашалан уста улеш. Тудо тыгак мунло, чытышан, илышым йӧратышан улеш, уна-влакым сайын вашлийын мошта, - ойлат тудын нерген икшывыже-влак.

Нунын ўжмышт почеш ме Кильдыбай Илинбаевич деке унала мийышна. Тудо мемнам шокшын вашлие да изишак илыш корныж дене палдарыш. Шуко шокшо шомакым шкенжын ончычсо пелашыже – Янсуло Байгазовна нерген ойлыш. Нуно пырля 50 ий иленыт. Чаманаш кодеш, 2011 ийыште тудо илыш дене чеверласен. Илыш тыгай, мом ыштат? Но садак умбакыже илыман. Шкетын илаш йокрок лиймылан кєра Кильдыбай Илинбаевич уэш мужыраҥын - Антонина Клястиновна дене ушнен. Тиде пелашыж денат тудо ваш келшен ила – чыла сомылымат суртышто пырля ыштат. Икшывышт-влак илалше-влакын кумылышт дене келшеныт. Тидлан кӧра юбиляр мемнан дене мутланымыж годым шкенжын икшывыже-влакым тауштен ойлыш.

Ача-авам оценкым икшыве-влак шындат маныт. Тугеже Кильдыбай Илинбаевичлан пеҥгыде «визытаным» шындаш лиеш. Тудын ныл эргыжат, ныл ўдыржат илышыште шке верыштым муыныт да ешым погеныт. Нунылан ачашт эре сай пример лийын.

Школым тунем лекмеке, К. Ишмурзин армийыш каен. Приморский крайыште служитлен. Армий гыч толмекыже, «Мишкан» совхозын Ирсай отделенийышкыже трактористлан пурен. Но рвезым чонжо шинчымаш деке шупшын. Ик жап гыч тудо Пўрє оласе пединститутыш тунемаш пурен, физико-математический факультетым тунем пытарымеке, школышто ышташ тўҥалын. Паша тудлан келшен, но тазалыкше лушкыдемын – йыжыҥже-влак коршташ тўҥалыныт. Вет Кильдыбай Илинбаевич пеш неле жапыште кушкын, тудлан сар жапыште йўштымат, шужымашымат чытен лекташ пернен. Терапевт йолташыже А. Кильдияров тудлан йыжыҥ-влаклан мўкш-влакын пайдале улмышт нерген палдарен. Тыге К. Ишмурзин пашажым вашталтен да «Заря» совхозышто мўкшым ончаш тўҥалын. Мўкш-влак йыжыҥлан чынжымак пайдам кондат улмаш – Кильдыбай Илинбаевич артрит мо тугай монден.

К. Ишмурзин мўкшым пенсийыш лекмешкыже ончен. Но пашам, кушеч тўҥалын, туштак мучашлен – «Мишкан» совхозын Ирсай отделенийыштыже. Мучаште бригадир лийын ыштен. Но кеч-кушто ыштен гынат, пашажым кўлеш семын шуктен.

А вет илышыште чылажат айдеме дечын шога. Айдеме тырша да пашам алал кумылын ышта гын, тудо садак сеҥымашыш шуэш да калык коклаште пагалымашым сулен налеш. Родо-шочшыжо-влакат тыгай еҥын эре пеленже лийыт.

Светлана ТОЙМУРЗИНА.