«Йочан шинчаже волгалтшаш!»

Мишкан селасе 2 №-ан шуко профилян полилингвальный школышто марий, пошкырт, татар йылмым туныктышо-влакын районысо методический ушемын заседанийже эртаралтын. Туныктышо-влаклан тыгай вашлиймаш-влак моткоч пайдале улыт. Тушто кугу опытан педагог-влак шкеныштын опытышт дене пºлалтыт, самырыкрак-влак нунын дечын тунемыт. Виш урок-влакат нунылан пашашкышт вес шинча дене ончалаш полшат. Тиде гына 5-6 класслаште виш урок-влакым пошкырт йылмым туныктышо-влак Дилбар Распаева (Ирсай ялысе школ), Юлия Кильдубаева (Пюнчер ялысе школ), марий йылмым туныктышо-влак Ольга Муллашаева (Мишкан селасе 1 №-ан лицей) да Ирина Гильманова (Ленинский ялысе школ) ончыктеныт. Мероприятийышке «Чолман» газетын тюн редакторжо Игорь Губаев ден педагогический пашан ветеранже Рита Ялаева миеныт. Виш урок-влак деч вара йыргешке устелым эртарыме. Тушто тудын участникше-влак уроквлакым тергеныт да акленыт, шкеныштын шонымашыштым ойленыт. - Туныктышо-влак уроклан йодмашым шуктеныт, - каласен йыргешке устелыште Игорь Губаев. – Туныктышо – ондак твореский айдеме, тудо тунемше-влакын кумылыштым нºлталын моштышаш. Ида мондо - шочмо йылмым аралымаш да вияндымаш марла книгам, журналым да газетым лудмаш дене кылдалтын. Лудде шочмо йылмым сайын тунемаш ок лий. Шукын келшышаш улыт, кызыт йоча-влак утларакшым рушла мутланат, а шочмо йылме ºрдыжеш кодеш. Ситыдымашым ме пырля чумырген гына коранден кертына. Тыште пеш шуко, конешне, ача-ававлак дечын шога. Нуно пашам туныктышо да кугурак-влак дене пырля ыштышаш улыт. «Ме пырля!» мероприятий Мишкан районышто марий, татар да пошкырт йылме-влакым арален кодаш да вияндаш полшышаш улеш. Йоча-влакын онай выступленийышт уна-влакын шюм-чонышкышт пайрем ш¢лышым пуртен. Тидын верч Мишкан селасе 2 №-ан полилингвальный школышто туныктышо-влак кугун тыршеныт. Поснак школ директорын советникше да пошкырт йылмым туныктышо Венера Муртазинам, тюналтыш класслаште, пошкырт йылме да литературым туныктышо Лилия Хасановам, марий йылме да литературым туныктышо Надежда Салиевам, татар йылме да литературым туныктышо Ануза Сафинам, музыка да искусствым туныктышо Наталья Абдуловам палемдыме шуэш. Йоча-влак тиде кечын, калык вургемым чиен, калык куштымаш-влакым куштеныт, шочмо йылмышт дене муреныт. Тидыже шюм-чонышто ушаным шочыкта – эше чылажымат йомдарыме огыл! Йоча-влак шочмо калыкыштын т¢выражым, йюлажым пагалат да аклат гын, шочмо йлымыштымат йºраташ тюналыт. Тудо ок йом! - Йочан шинчаже волгалтшаш! – ойла Башкортостан Республик образованийын заслуженный пашаенже Рита Ялаева. – Урок-влак эре изишак модмаш сынан лийшаш улыт. Мыйын уло ¢мырем йоча-влак дене паша дене кылдалтын. Мый шочмо марий йылмым аралыме верч тыршенам. Тидлан кºра йоча-влакым туныктымо пашан неле улмыжым да ятыр вийым йодмыжым сайын палем. Ч¢чкыдын артистат лияш пернен. Таче, виш урок-влакым ончымеке, пенгыдын каласен кертам, нуно урок-влаклан сайын ямдылалтыныт. Туныктышына-влакым мокталташ веле кодеш. Кызытсе технологий-влак пашам палын саемдаш полшат. Ожно тыгай лийын огыл. Мероприятийын программыже чынжымак онай да поян лийын. Уна-влак шочмо йылмым туныктышо-влакын проектный паша выставкыштым кумылын онченыт, тыгак «Лингво-квест» интеллектуальный онлайн-модмаш дене модыныт. Венера Муртазина коллегыже-влаклан Башкортостан Республикын т¢- выражым, татар, марий да пошкырт йылме-влакым палымыштым тергаш темлен. Туныктышо-влак тестированийым чыланат сайын эртеныт, коло йодышлан вашмутым пуэныт да модмашын участникше сертификат дене палемдалтыныт. Мишкан селасе 2 №-ан шуко профилян полилингвальный школ директор Станислав Хазиев марий, пошкырт, татар йылмым туныктышо-влак районысо методический ушемын пашажым да эртарыме мероприятийым кюкшын аклен. - Мыйын шонымаште, тачысе вашлиймаш тудын участникше-влаклан моткоч пайдале лийын, к¢сынлымº опыт нунылан пашаштым эше сайрак ышташ полшышаш, - каласен тудо. Тылеч вара, чылаштланат пашаштышт у сенымашым тыланымеке, Чорай ялысе Яныш Ялкайн люмеш марий гимназийыште марий йылме да литературым туныктышо Анжелика Юзукбаевалан тений Мишкан селаште эртыше Республиканский полилингвальный фестивальыште «Технология сотрудничества на уроках родного языка» мастер-классым сайын эртарымыжлан тауштыме серышым кучыктен. Мероприятий мучаште образований отделын специалистше Лилия Мустафина полилингвальный школ коллективлан кугу таум йолен. - Таче ме пеш онай да пайдале мероприятийын участникше лийынна. Тушто икмыняр класс участвоватлен, - каласен тудо. - Чылажымат мучаш марте шонымо. Калык вургем, сем, муро, почеламут-влак мероприятийым палын сºрастареныт. Посна тау мутым Наталья Анатольевна Абдуловалан ойлымо шуэш. Тудо чын профессионал улеш. Номер-влак люмын тиде мероприятийлан ямдылалтыныт. Уста кидше дене ятыр вургемым ургымо. Чылаландат творческий ш¢лышым, алал кумылым да йоча-влакым туныктымо пашаштыда у сенымашыш шуаш тыланем.

Виктория ИШМУРЗИНА.