Паша да илыш урок

«Туныктышо» мутым ойлымо годым мемнан илышыштына тудын могай кугу рольым модмыжым огына шоналте. Вет ен-влакым личность семын эн ончычак школ шуара. А школышто туныктышо икымше верыште улеш. Кажне туныктышо шке тунемшыжым ушан-шотан, акылан, таза, илышлан йєршє да шочмо элнан ўшанле патриотшо лийже манын тырша. А тидланже мыняр вийым, чон-куатым пышташ логалеш.
Таче мый шуко ий школышто пашам ыштыше, илышлан эре куаныше да весела койышан пеш сай айдеме нерген ойлынем. Тиде - Любовь Викторовна Ашиева. Тудын чумыр педагогический стажше 42 ий, тушечын 28 ийжым 1 №-ан Мишкан кыдалаш школышто туныктен. Мыланем тудын тунемшыже лияш пиал логалын. Лач Любовь Викторовна технологий урокышто мыйым да пырля тунемме йолташ-влакым сурт сомыллан (домоводство) туныктен да тиде паша деч куаным налаш лиймым умылаш полшен. Труд урокышто эре поро шўлыш озаланен. Тудын дене тунемын, ме, ўдыр-влак, тўрлє творческий пашалам ышташ тўналынна. Кочкаш шолташ, кид пашам ышташ, ургаш, пидаш, тўрлаш тунемынна. Тудо мемнам шке предметшылан гына огыл, а пашам йєраташ, чын лияш, пашам творческий шукташ туныктен. Кажныланна тудо ойыртемалтше шомакым муын моштен
Любовь Ашиева туныктымо пашаштыже эре у йєн-влакым кычалын да уроклаштыже тудым моштен кучылтын.
Школышто пашам ыштыме жапыштыже Башкортостан Республикысе просвещений министерство пеленсе педагогический мастарлыкым шуарыше курслаште мастарлыкшым шуарен. Тыгай курсым 1982, 1985, 1997 ийлаште эртен, а 2002 ийыште БИПКРО пелен аттестационный комиссийын экспертше-влак квалификацийым нєлталме курсмышто тунемын.
Любовь Викторовнан тунемшыже-влак туныктышыштын предметшым пеш сайын паленыт, тўрлє конкурслаште чолган участвоватленыт да чўчкыдынак призовой верлам налыныт. Технологий дене районный олимпиадылаште ятыр ий тудын тунемшыже-влаклан шушо лийын огыл. Шуко выпускниклан Любовь Викторовнан урокшо профессийым ойырен налаш полшен. Школ деч вавра нуно технологический шинчымашыштым профессиональ но шуареныт.
Любовь Ашиева ынде 14 ий сулен налме канышыште улеш. Тудо районный газетын ик эн чолга подписчикше да лудшыжо. Сулен налме канышыште улеш гынат, яра шинчаш огеш ярсе - садым онча, пакчам шында, пеледышым кушта, художественный самодеятельностьышто участвоватла, кид пашам ышта. Шке пашажым «Вера. Надежда. Любовь» ўдырамаш клубышто кумылын ончыкта. Тудо ты клубын вуйлатышыже улеш. Любовь Викторовна тыгак «Кид паша» кружокым намия. Тиде кружокын пашажым районышто эртарыме тўрлє мероприятийлаште ужаш лиеш.
Любовь Ашиева шкенжым пиалан айдемылан шотла. Вет илышыште куанаш могай-гына йєн ок лек. А тудо кажне йєнжым ужын мошта. Тудо кум эргын аваже, кувавам шым уныка куандара.
Любовь Викторовнам юбилейже дене шокшын саламлена! Тазалыкым, куаным, кужу ўмырым тыланена.