Келшымаш
+25 °С
Раш
Все новости
Образований
5 Сентябрьыште 2023, 13:53

У тунемме ий тўҥалын Икымше сентябрьыште

Икымше сентябрьыште 2 №-ан Мишкан кыдалаш школ тунемше-влаклан шке омсажым почын

У тунемме ий тўҥалын Икымше сентябрьыште
У тунемме ий тўҥалын Икымше сентябрьыште

Латикымше классыште тунемше вич йочалан ты тунемме ий пытартыш лиеш, а тений икымше гана школыш толшо 46 ўдыр ден эргылан 2023 ий 1 сентябрь ўмыр мучкылан шарнымашеш кодеш. Тений икымше классыш толшо-влакым А. Сахаутдинова ден А. Сафина шинчымаш корныш вўдаш тўҥалыт.
Марш сем почеш РФ-ын да БР-ын флагыштым луктыт, Российын да Башкортостанын гимнышт йоҥга. Гусар формым чийыше ўдыр-влакын барабанным кырен выступатлымышт почеш «Шинчымаш кече» пайрем тўҥалын.
Торжественный линейкым школ директор С. Мустафин почын. Салават Мухаметович шке выступленийыштыже палемден, тенийсе 1 сентябрь школын историйыштыже посна пале кече семын кодеш - Мишкан селасе 2 №-ан полилингвальный шуко профилян школ шке омсажым капитально олмыктымо деч вара почын. Ушештарена, школым «Образований системым модернизоватлыме» государственный программа кышкарыште капитально олмыктымо. Олмыктымо пашам 2022-2023 ийлаште шуктымо. Тиде пашам шукташ Уфа оласе Консалт БИЛД ООО фирма конкурсышто сеҥен. Пашам 2022 ий ноябрьыштье тўҥалме да 2023 ий 30 апрельыште мучашлыме. Кызыт капитально олмыктымо пашан кокымшо этапше мия - школ фасадым шокшемдат да керамогранит дене ковыжлат.
Мишкан селасе 2 №-ан кыдалаш школ статусшым вашталта, ынде тудо англичан да марий йылмылам келгын тунемме шуко профилян полилингвальный школыш савырна. Школышто туныктышо-влак Уфа да Нефтекамск олалаште эртыше куд семинарыште мастарлыкыштым шуареныт. Кызыт тунемме планын пректше ямдылалтын. Икымше класс гычак марий да англичан йылмым туныкташ тўҥалыт. «Математика» да «Изобразительное искусство» предмет-влак рушла да англичанла эртаралтыт, «Окружающий мир» да «Физический культура» предмет-влак рушла да марла лийыт. Визымше класс гыч «Информатика» профильный предметым рушла да англичанла тунемаш тўҥалыт, «Изобразительное искусство» - рушла да англичанла, «География» да «Технология» - рушла да марла. Шинчымашым келгемдышашлан урок деч вара «Театр англичан йылме дене» («Театр на английском языке»), «Марий йылме дене сылнымут унагудо» («Литературная гостиная на марийском языке») эртаралташ тўҥалыт.
Школ линейкыште тунемше ден туныктышо-влакым, нунын ача-аваштым Башкортостан Республикысе пўртўс дене пайдаланыме да экологий министр Н. Фазылов шокшын саламлен.
Варажым мутым Мишкан район администраций вуйлатыше П. Трапезниковлан пуымо. Тудо торжественный обстановкышто эн сай туныктышо-влаклан Тауштыме серышым кучыктен.
Шинчымаш кече дене Мишкан районысо Икымше-влакын движенийышт верысе отделенийын специалистше А. Ибатуллин саламлен.
Икымше сентябрьыште поро йўлаш савырныше икымше классыш толшо-влакын выступленийышт оҥай лийын. Латикымше классыш вончышо-влакын выступленийыштат чылалан келшен. Нуно икымше классыш толшо-влаклан поро сугыньым пуэныт.
Мутат уке, у тенемме ий тў‰алмым шижтарыше оҥгыр йўк торжественный линейкын кульминацийже лийын. Тений икымше оҥгыр йўкым пуаш чыла предмет дене визытанлан гына тунемше, латикыше классын ученицыже Эмиля Багирова ден икымше классыш толшо Илья Шамшитовлан ўшаненыт.
Выпускник-влак 1 «А» ден «Б» класс-влакым шке класышкышт ужатеныт.
Светлана ТОЙМУРЗИНА.

У тунемме ий тўҥалын Икымше сентябрьыште
У тунемме ий тўҥалын Икымше сентябрьыште
Автор:Светлана Тоймурзина