Келшымаш
+24 °С
Йӱр
Все новости
Образований
24 Сорла 2022, 11:33

Школ – шинчымаш элыш омса

Мишкан селасе Ф. Буляков лўмеш 1 №-ан лицей школ кугу кўкшытан образований да воспитанийым пуышо тунемме заведений улеш

Школ – шинчымаш элыш омса
Школ – шинчымаш элыш омса

Тачысе кечылан лицейыште 680 наре ўдыр-рвезе тунемеш, 50 туныктышо пашам ышта, нуно чыланат высший образованийян улыт, 42 еҥ - высший категориян. Кок еҥ РФ общий образованийын почетный пашаеҥже лўмым нумалеш, ик еҥ РФ калык просвещенийын отличникше улеш, 5 туныктышо РФ-се наука да образований министерствын чап грамотыж дене палемдалтын, 9 туныктышо – БР образованийын отличникше знак дене.
Флорид Буляков лўмеш 1 №-ан лицейым кок ий почела Мишкан районышто тунемше-влак дене профориентационный да образовательно-патриотический пашам шуктымо шотышто эн сай общеобразовательный учрежденийжылан шотлымо. Эртыше тунемме ийыште лицей директор Е. Малмыгин ден ныл тунемшым «Таратау» конгресс-холлыш Юрий Гагаринын кубокшо дене палемдымашке ўжмӧ.
Тений руш йылме дене сай результатым А. Фаттахов (98 б), А. Латыпова (96 б), А. Исмагилова (92 б), Г. Режаббаева (92 б), Д. Сайфулина (91 б) ончыктеныт (туныктышышт Л. Лутфуллина); историй дене - А. Аскаров (93 б), Г. Режаббаева (93 б) (А. Шайдулина); обществознаний дене - А. Аскаров (98 б) (Э. Алимова); физика дене - А. Исмагилова (97 б) (В. Саяпов); англичан йылме дене - А. Александрова (98 б), Л. Саетгареева (97 б), К. Багирова (91 б), Д. Сайфулина (91 б) (Т. Сайпашева); информатика предмет дене - Н. Изибаев (90 б) (Д. Михайлов).
Лицейын тўҥ задачыже – творческий личностьым воспитатлымаш, вет тунемше-влаклан тўрлӧ конкурс да олимпиадылаште сеҥаш лач творческий шўлыш полшышаш. Арам огыл тиде тунемме заведений районный олимпиадылаште сеҥыше-влак чот дене идалык еда икымше верыште улеш. Эртыше тунемме ийыште тунемше-влак кокласе всероссийский олимпиадын региональный этапыштыже призер-влак радамышке лицейыште тунемше вич йоча логалын. Лина Саетгареева (Н. Лутфуллина) литератур дене всероссийский олимпиадын региональный этапыштыже сеҥен да Москва олаште эртыше пытартыш этапыште вийжым терген.
Литератур дене региональный этапыште призер-влак радамыш тыгак Н. Лутфуллинан вес тунемшыже - Айдина Исмагилова логалын. Лина Саетгареева (Т. Сайпашева) англичан йылме дене олимпиадын региональный этапыштыже призер лийын.
Руслана Хаматгалиева (О. Масновиева) Самырык эколог да лесовод-влак 29-ше республиканский слет-конкурсышто «Гидробиологий» номинацийыште сеҥен. Тиде конкурсыштак районын командыже кумшо верым налын. Командыш Володя Яркаев ден Руслана Хамагалиева пуреныт.
Лицейын командыже тыгак «Физика дене Башкортостанын кубокшо» кугурак класслаште тунемше-влак кокласе республиканский турнирыште вийжым терген да 3-шо степенян диплом дене палемдалтын. Командыш пуреныт: Никита Изибаев, Айдина Исмагилова (В. Саяпов), Азалия Галимова (Г. Алексеева).
Гузель Режаббаева (А. Шайдулина) «Жапым шотыш налде» («Без срока давности») всероссийский шымлымаш проект-влак конкурсын региональный этапыштыже «Сар жапысе искусствын произведенийже-влак» номинацийыште призер лийын. Айнур Фаттахов ден Анна Юрьева (А. Шайдулина) Башкортостанын историйже да культурыжо дене республиканский олимпиадыште призовой вер-влакым налыныт.
Кызытсе саманыште тунемше-влакын шинчымашыштым эн чот ЕГЭ-н результатше почеш тергат. Лицей тидын шотышто кугешнен кертеш – ме 12 медалистым туныктен луктынна. Нуно ЕГЭ-м сдатлымышт годым руш йылме да математика дене 70 деч шукырак баллым погеныт.
Эртыше тунемме ийыште апрельыште 11 а классыште тунемше-влак «Наука ден техникын актуальный проблемыже-влак» УГНТУ тўнямбал кўкшытан конференцийыште вийыштым тергеныт. «Школышто научно-технический творчество» секцийыште нуно тыгай подсекций-влак дене доклад-влакым лудыныт: математика, физика да информатика. Посна проект-влак денат палдареныт да призовой вер-влакым налыныт: Анастасия Александрова – 2-шо верым, Айдина Исмагилова – 3-шым, Гузель Режаббаева – 2-шым, Егор Зайцев – 3-шым, Никита Изибаев – 2-шым, Диана Сайфулина – 3-шым, Кирилл Мазиев – 3-шым, Айнур Фаттахов – 1-шым. Призер-влаклан УГНТУ-ш тунемаш пурымышт годым 7 балл ешаралтеш. Индивидуальный проект-влакым ямдылаш математикым туныктышо Наталья Михайлова ден информатикым туныктышо Дмитрий Михайлов полшеныт.
Тений лицейыште туныктышо Миляуша Аллаяровам, БР-се селасе образовательный организацийлаште туныктышо-влак коклаште ик эн сай туныктышо семын, посна премий дене палемдыме.
Коллегем-влаклан ончыкыжым пашаштым сайын шукташ да районыштына чыла шотыштат ончыл верыште лийяш тыланем.
Е. АНТОНОВА, Ф. Буляков лўмеш 1 №-ан лицей директорын туныктымо-воспитатлыме паша шотышто заместительже.

Школ – шинчымаш элыш омса
Школ – шинчымаш элыш омса
Школ – шинчымаш элыш омса
Автор:Фирдаус Кадикова