Келшымаш
+7 °С
Пылан
Все новости
Тазалык
28 Апрель , 15:03

Эре ешем верч тыршенам

Руш Байбак ял гыч Шакур Гильмиханович Давлетшин 85 ияш юбилейжым палемден

Эре ешем верч тыршенам
Эре ешем верч тыршенам

 

Юбиляр 1937 ийыште шуко икшыван Галима ден Гильмихан Давлетшинмыт ешеш шочын. Ты ешыште чылаже индеш икшыве лийын, мемнан юбилярна - кум­шо йоча. Чаманаш веле кодеш, кызыт коктын гына - Шакур ден Талип - илыше улыт. Талип Мишканыште ила.

- Ачана ўмыржє мучко кол­хозышто пашам ыштен, - шар­налта юбиляр. - Авана сурт оза вате лийын, йоча-влакым, мемнам, ончен. Мемнан дене пырля эше кочана илен. Туд­лан куштылго лийын огыл, чыла сурт сомыл тудын вачўмбалны­же лийын. Чияш вургем ситен огыл, изирак-влак кугурак деч кодшым чиеныт. Чияш укелан кєра школышкат черет дене веле коштынна. Сандене 3 клас­сым гына тунем пытаренам. Ту­нам мемнан ялна кугу лийын. Ялыште ўй завод пашам ыштен. Мый 12 ияш улмем годым тушто пашам ышташ тўнальым. Имне дене Мишкан шєр заводыш шєр продукцийым шупшыктенам. Тидыже ешлан пеш кугу пайда лийын. Конешне, неле лий­ын, но тидын нерген ала-кузе шоналтын огыл. Ялыште калык келшен илен, эре икте-весылан полшен. Мыйын ачам уста гар­монист лийын. Музикан йўкым колын, кас сайын мемнан пєрт деке ен-влак чумыргеныт. Мут­ланен шинченыт, мурым муре­ныт, кушталтен колтеныт. Теве тыге илалтын, - кугун шўлалта Шакур абый. - Кызыт пошкудо деке звонок деч посна пураш огеш лий.

Шакур Гильмиханович 1957 ийыште шочмо элым аралаш каен. Кум ий Туркменистан гра­ницыште служитлен. Армий деч вара шочмо ялышкыже пєр­тылын да чодыра руышо-влак бригадыш ушнен. Бригадирже Шамиль Киреев лийын. Мишкан леспромхозышто 25 ий пашам ыштен. Ача-аважлан у пєртым нєлтен. Тушто нуно шонгем­мешкышт иленыт. Ачаже 92 ияш, аваже 97 ияш ош тўня дене чеверласеныт. Жап эртен, шке ешым погаш кўлын. Самырык рвезе Мария Печенкинам шукер­тсек эскерен коштын. Тиде руш ўлыр тудын чонжым шкеж велыш савырен. Мужыранмеке, Мария тудын ўшанле тылже да пенгыде энертышыже лийын. Икоян, кел­шен илыше ешыште кок икшыве шочын - Елена ден Владимир. Ка­лыкыште ойлат: «Пєръен пушен­гым шындышаш, пєртым чоны­шаш, эргым куштышаш». Шакур Гильмиханович илышыштыже чыла тиде сугыньым шуктен. Пєртым чонен, эргым куштен. Эрге шке ешым чумырен, шочмо ялыштыжак илаш кодын. Удыр марлан лектын, ача-ава сурт гыч чонештен каен.

Юбиляр «Дружба» колхо­зышто конюхлан пашам ыштен, но 59 ияш улмыж годым тутка­рыш логалын, инвалидностьым налын, пенсийыш лектын. Умы­ржє мучко пашам ыштен тунем­ше ен пенсийыштат яра шинчен ок керт. Колым кучен (Пўрєвўд воктенак), сонарыш коштын, суртышто вольыкым ашнен, мўкшым ончен… Илышлан ку­анен гына илыман… Но, туткар йол йымалнак манме семын, 2009 ийыште нунын суртыш­кышт ойго толын. Володя эр­гыже колен, а кум тылзе гыч, тиде йомдарымашым чытен кертде, ава шўм кырымым чар­нен. Тыге тиде пєръенын эргыж ден ватыжым ик жапыште юмо шкеж дек налын. Кузе чыла ти­дым чытен лектын, шкеже веле пала. Ойгыжым луштараш сурт сомыл полшен - тугак мўкшым, вольыкым ончен, пакчам шын­ден, садым кучен. Чыла вере ару, порядке озалана. Тудо пош­кудыжо-влаклан тауштен ила, эре полшен шога. Тазалыкше лушкыдеммеке, Елена ўдыржє ачаж деке илаш пєртылын. Ти­дын марте тудо Казахстаныште илен, 35 ий шахтыште экспе­дитор лийын ыштен, пенсийыш лектын. Валерий эргыж ден Кри­стина ўдыржє шке ешышт дене туштак кодыныт. Кужу корно ча­рак огыл, тений кенежым унала толаш ямдылалтыт.

Мемнан юбилярна кум уныкан кочаже улеш. Иктыже пошкудо ялыште ила, кочаж деке чўчкы­дын толын коштеш. Лена ўды­ржє ачажым райрўдышкє илаш ўжеш, но тудо йєратыме Маруся пелашыж дене илыме суртшым кудалтен каяш ок шоно…

Ме Шакур Гильмихановичымэртыше юбилейже дене шокшын саламлена, пенгыде тазалы­кым, лишыл ен-влакын йєраты­машыштым тыланена.

Автор:Венера Аглямова