Бриллиант шўдыр-влак

Кудло ий - тиде шуко але шагал? Тынар ий пырля илаш гын? Чылалан тыгай пиал ок логал. Тынар жап илыме годым шуко ешын пушыжо шаланен кертеш. А теве мыйын героем-влак Борис Алексеевич ден Окалче Байзуллиновнан еш пушышт те‰ызысе корабль гай вя‰ын веле.

- Кажне ешын шке пиал формулыжо уло - тиде, эн ончычак, вашла пагалымаш, пырля шуктымо паша, - ойла еш вуй.
Борис Алексеевич 1943 ий 25 мартыште Озерка ялыште шочын да тачат туштак ила. Шке ача- аважым ок шарне, коча-кувава дене илен. Кугу образованийым налаш йєн лийын огыл, вич классым гына тунемын. Изинекак пашам ышташ тў‰алын. 1957 ийыште, тунам тудо «Рефандинский» совхозышто шала пашаш коштын, совхоз вуйлатыше-влак тыршышан рвезым ужын, Мишканыш тракторист-влакым ямдылыме курсыш тунемаш колтеныт. Тракторист удостоверенийым, вара водитель правам налын. Шижынат шуктен огыл, армийыш каяш жап шуын.
Борис Алексеевич ракетный войскаште служитлымыжым порын гына шарна. Частьын командованийжын пуымо дипломжым тачат эн шерге документ семын арала. А тиде дипломышто тыге возымо: «За отличное сбережение техники, за умелую, грамотную и безаварийную эксплуатацию боевой техники в течение длительного времени». 1966 ийыште армий гыч шочмо ялышкыже пєртылын. Ончычсо верыштыжак водительлан пашам тў‰алын да пенсийыш лекмешкыже ыштен.
- Тунам «Рефандинский» совхозыштго тўрлє маркан автомашина 70 утла лийын, - ойла Борис Алексеевич. - Паша кече эр ўжара дене тў‰алын да кас йўд марте шуйнен. Мый шке машинам дене Российым тореш-кутынь коштын пытаренам. Курганышке, Харьковыш, Пермьыш да моло вереат кошташ логалын. Конешне, неле лийын, корнышто машина ик гана веле огыл пудырген. Но чыла чыталтын, пашам кугу кумыл дене ыштенна. Вет мемнан тукым киндын акшым пала. Тунам паша верыште дисциплина да порядок эн ончылно лийыныт.
Мут толмашеш, Борис Алексеевич латикымше вичияшыште коммунистический пашан ударникше, тыгак 1974 ийыште социалистический та‰асымашын се‰ышыже лийын.
Тудын ватыже Окалче Байзуллиновна Караидель районысо Шопкер ял гыч. Борис Алексеевич тудым пошкудо Арзамат ялыште вашлийын. Окалче тушто медсестралан пашам ыштен. Палыме лийме деч вара самырык рвезе пел ий гыч ўдырым пелашыже лияш йодын.
Нуно кок икшывым ончен-куштеныт. Надежда ўдырышт аван кыша дене каен. Арзамат ялыште ила, Озерка ялысе фельдшерский пунктышто пашам ышта. Тудын кок йочаже уло. Валерия ўдырыштат, аваже да куваваже семынак, медпашае‰ лияш ямдылалтеш. Кызыт Оренбургысо медуниверситетыште тунемеш. Алексей эргышт эше школыш гына коштеш.
Юбиляр-влакын эргышт Валерий Борисовичат илышыште шке вержым муын. Уфа олаште ила, йўдвел кундемыш вахта дене пашаш коштеш. Тудынат кок икшывыже уло. Вилена ўдыржє школышто тунемеш, Илья эргыже йоча садыш коштеш.
Алексеевмыт ўмырышт мучко пашам сайын ыштеныт. Коктынат пашан ветеранже улыт.
Светлана ТОЙМУРЗИНА.