Келшымаш
+1 °С
Лум
Все новости
Тӱрлӧ
11 Кылме 2021, 15:21

Сеҥышыш лектын

Мишкан агропромышленный колледжыште тунемше Максим Аймурзин БР-се «Самырык профессионал-влак» (WordSkilssRussia) VII Региональный чемпионатыште участвоватлаш отборочный таҥасымаште сеҥышыш лектын.

Сеҥышыш лектын
Сеҥышыш лектын

Мишкан агропромышленный колледжыште тунемше Максим Аймурзин БР-се «Самырык профессионал-влак» (WordSkilssRussia) VII Региональный чемпионатыште участвоватлаш отборочный таҥасымаште сеҥышыш лектын.
Тачысе кечылан тиде 22 ияш марте самырык пашазе, колледж ден университетлаште тунемше студент-влак коклаште эртарыме тўнямбалне ик эн кумдан палыме таҥасымаш.
Тудын цельже - пашазе профессийым чапландараш, профессиональный туныктымашым вияҥдаш.
Башкортостан Республикысе «Самырык профессионал-влак» (WordSkilssRussia) VII Региональный чемпионатыште «Кермычым оптымо» компетенций дене участвоватлаш отборочный таҥасымаш Туймаза агропромышленный колледжыште эртен. Мишкан агропромышленный колледжын чапшым I курсышто тунемше Максим Аймурзин арален (вуйлатышыже производственный туныктымашын мастерже Г. Искаков). Участниклан кум тўсан кермыч гыч модульым опташ кўлын. Модульым чоҥымо годым тўрлӧ нелгытан кермыч пашам шукташ логалын, кермычым шогалтен, пыштен оптеныт. Модуль архитектурный элементым (орнаментым) шочыктен. Тале кучедалмаште мемнан студентна Максим Аймурзин эн шуко баллым поген да икымше верыш лектын.
Производственный туныктымашын мастерже Г. Искаков чемпионатыште сеҥыше-влакым икымше ий огыл ямдыла. 2020 ийыште «Мастер общестроительных работ» профессий дене тунемше Вадим Валеев «Самырык профессионал-влак» (WordSkilssRussia) VI Региональный чемпионатыште 2-шо верым налын. Чемпионатыште шумо сеҥымаш наставникын пашам сайын ыштымыжым ончыкта. Тудын усталыкшылан, шке профессийжылан ўшанле улмыжлан колледжыште тунемше-влак сай результатыш шуыт.
Таҥасымаште участвоватлыше-влакым саламлена да ончыкыжымат сеҥымашыш шуаш тыланена.
Н. АЗИПОВА, методист.

Сеҥышыш лектын
Сеҥышыш лектын
Автор:Фирдаус Кадикова