Келшымаш
-9 °С
Лум
Все новости
Тӱрлӧ
11 Кылме 2021, 15:30

Аралат да шукемдат

12 ноябрь - Сбербанк пашаеҥ-влакын кечышт

Аралат да шукемдат

Российыште илыше-влакын кугу ужашыже Сбербанкын услугыж дене пайдалана. Банк кажне ийын у деч у услуга-влакым темла. Сбербанк пашаеҥ-влак шке профессиональный пайремыштым 1998 ий гыч пайремлаш тўҥалыныт. Российыште банк-влакын историйышт Николай I кугыжа деч тўҥалеш. 1841 ий 12 ноябрьыште император элыште сберегательный касса-влакым ыштыме нерген указым луктеш. Тиде паша, еҥ-влак шке оксаштым ўшанле верыште арален да шукемден кертышт манын ышталтеш. Еҥ-влак ты кассыш оксам пыштен, ик жап гыч процент дене налын кертыныт. Тыгай система кызытат пашам ышта. Варажым тыгай касса-влак банкыш савырненыт. Ик гана веле огыл учрежденийын структурыжо вашталтын. Ий-влак эртыме семын банк элын эн виян финанс системышкыже савырнен.
Тений Россий Сбербанк 180 ийжым палемда. Тудо Российыште ик эн кугу банк улеш, филиалже-влак чыла верыште улыт. Мишканыште Сбербанк 1935 ий 1 мартыште почылтын.
Таче Сбербанк ПАО-н 8598 №-ан Башкирский отделенийын 85598/0536 №-ан специализированный дополнительный офисын вуйлатышыже Раиса Александрован мутшо почеш, отделенийыште мишкан калыкым шым специалист обслуживатла. Офис вуйлатышын заместительжылан Зарима Хазиева ышта. Зарима Накиповнан
паша стажше - 32 ий. Офисыште кок кугурак клиентский менеджер - Лена Ибаева ден Снежана Ушакова да обслуживаний шотышто кум менеджер - Альбина Изымбаева, Юлия Яншаева, Луиза Яшгельдина пашам ыштат. Нине еҥ-влак самырык улыт гынат, паша опытышт уло, шке пашаштым пеш сайын палат. Клиент-влак нуным оҥеш пижыктыме бейджик деч поснат сайын палат. Вет нуно ынде ятыр ий банкыш толшо-влакым поро кумылын вашлийыт. Банкыш чўчкыдын коштшо-влак, утларакшым пенсионер-влак, банк пашаеҥ-влак дене мутланаш йєратат.
Менеджер-влак кажныжым тўткын колыштыт, йодмыштым тўрыс шуктат. Вет нуно раш палат, клиент-влак нунын пашаштым кузе вашлийме дене аклат. Банк пашаеҥ-влак шке сомылыштым сайын шуктат. Кажне толшым поро кумылын вашлийыт. Паша стандарт почеш толшо еҥ эн шукыжо лу минут вучен кертеш. Клиент-влакым электронный черет дене колтат. У технологий пурымо дене паша ятырлан куштылемын. Терминал, «Сбербанк онлайн» дене шуко еҥ специалист-влакын полшымышт деч посна пайдалана.
- Мемнан пашана неле да кугу ответственностьым йодеш, - манеш офис вуйлатыше Раиса Антоновна. - Ме районышто илыше шуко еҥлан оксам пайдалын
аралаш полшена. Сбербанк пашаеҥын кечыже вашеш шкенан изи, келшен илыше коллективысе кажне еҥлан пашам сайын ыштымыжлан да эре икте-весылан полшен шогымыштлан кугу таум каласыме шуэш.
Раиса Антоновна профессиональный паша корныжым 1986 ийыште 4613 №-ан рўдӧ сберегательный кассыште кугурак контролер семын тўҥалын, вара экономист, тўҥ бухгалтер, вуйлатышын заместительже, кредитований шотышто инспектор лийын. Шкенжым компетентный, ответственный, цельыш шуаш тыршышан семын ончыктен, карьера тошкалтыш дене кўшкӧ кўзен. Раиса Александрован паша стажше 35 ий. Кумло ий ончыч паша условий могай улмым тудо сайын пала. Изи операционный зал, клиент-влаклан пу стойка, оператор-влак чыла пашам кид дене ыштеныт. Жап эртыме семын пашам ыштыме условий вашталтын, у технологий толын. Лач Сбербанкыште пашам ыштыше-влак гына вашталтын огытыл, ончычсо семынак поро, чытышан улыт.
Раиса Александрова 2012 ий гыч офисым вуйлата.

- Мый шке пашамым моткоч йєратем, - манеш Р. Александрова. - Мыланем динамика, банк илыш келша. Кугешнен каласен кертам, офисыштына уста специалист-влак пашам ыштат. Нуно кажне клиент дене писын ик ойыш шуын кертыт, эн неле задача-влакымат куштылгын решатлат. Тыгай коллективыште пашам ышташ - кугу куан. Мемнан пашанам клиентна-влак сайын аклат. А ме нунылан ўшанымыштлан кугу таум ойлена. Банкын финанс полышыжлан кӧра клиентна-влак шке идейыштым, шонымашыштым илышыш куштылгын пуртат.
Светлана ТОЙМУРЗИНА.

Аралат да шукемдат
Автор:Светлана Тоймурзина