Келшымаш
+30 °С
Пылан
Все новости
Тӱрлӧ
15 Шыжа 2021, 12:05

Шыже призыв

Шыже – самырык-влакым Россий Федераций Вооруженный Вийыш налме жап

Шыже призыв
Шыже призыв

18 ийым темыше рвезе-влак тиде жапым чон вургыжын вучат. Тений призыв кузе эртымым рашемдашлан ме Мишкан да Бурай районласе военный комиссар Сергей Васильев дене мутланышна.
- Мишкан район гыч Россий армийыш шошым 48 рвезе каен. Нунын утларак ужашыже Центральный да Восточный военный округлаште служитла. Рвезе-влакын тазалыкыштым тўткын тергыме – нуно чыланат армийлан йӧршӧ улыт.
Шыжым Башкирий гыч Россий армийыш 4244 еҥ кайышаш. Рвезе-влак 19 октябрь гыч каяш тўҥалыт.
Шыже призывной кампаний годым военкоматыш 150 наре рвезе ўжылтеш, нунын кокла гыч армийыш 40 наре еҥже кайышаш, молыштлан, тунеммыштлан але тазалыкышт лушкыдырак улмылан кӧра, отсрочка пуалтеш. Южо еҥын тазалыкше службылан келшыдымылан шотлалтеш.
Военный службыш налме паша чер шарлымым сорлыклаш виктаралтше мера-влакым шуктен ышталтеш, - кўчыкын, но раш вашештен Сергей Шуматович.
Варажым ешарен, призыв шотышто иктаж йодыш лектеш гын, «шокшо линий» телефон-влак дене йыҥгырташ лиеш: Башкортостан Республикысе военный комиссариат, общественный приемный – 8(347)228-02-92, БР-се военный комиссариатын граждан-влакым военный службылан ямдылыме да службыш налме отдел – 8(347)253-13-48, 228-43-59; Уфа гарнизон военный прокуратура – 8(347)250-05-10; Уфа оласе гарнизонный военный суд – 8(347)259-14-83; Мишкан да Бурай районласе военный комиссариат – 8(34749)2-40-42; экстренный психологический полыш – 8(800)70000-183.
28 сентябрьыште БР-се сборный пунктышто резерв составысе призывной комиссий председатель-влак дене инструктивно-методический сбор эртен, тушкак муниципальный районласе да ола округласе военный комиссариатласе, ведомственный организацийласе пашаеҥ-влакым ўжмӧ. Сбор граждан-влакым военный службылан ямдылаш да 2021 ийысе призывной кампанийым сайын эртараш манын эртаралтын.
Погынымаш тўҥалтыште салам шомакым БР Правительствын премьер-министрже Ирик Сагитов ойлен. Тудо палемден: шошо призывын итогшо почеш Башкирий 1-ше верыште улеш, но изирак ситыдымаш-влакат улыт, нуным рашемдыман да кораҥдаш тыршыман. Южо районышто призыв уданрак эрта. Коклан служитлаш тореш лийше-влакат пернат.
Салам шомак деч вара ойыртемалтше-влакым палемдыме. Россий Федераций граждан-влакым военный службылан ямдылыме пашам сайын шуктымыжлан, военный службыш призывной кампанийым кўлеш семын эртарымыжлан Мишкан да Бурай районласе военный комиссар С. Васильевлан центральный военный округысо войскан командирже, генерал-полковник А. Лапин Чап грамотым кучыктен.
Шошо призывын лектышыже почеш тыгак Мишкан да Бурай районласе военный комиссариатын граждан-влакым военный службылан ямдылыме да призыв шотышто отделений начальник Алексей Бикунин палемдалтын.
Нуным нине награда-влак дене алал кумылын саламлена, а самырык рвезе-влаклан сайын служитлаш да таза-эсен пєртылаш тыланена.
Фирдаус КАДИКОВА.

Шыже призыв
Шыже призыв
Автор:Фирдаус Кадикова