Келшымаш
-8 °С
Пылан
Все новости
Тӱрлӧ
15 Шыжа 2021, 12:17

Корно пашаеҥ-влакын тургымышт

Кугу скорость да у технологий, отечественный производствым вияҥдымаш сай автотранспортым гына огыл, тыгак сай корным йодеш. А корным ыштыме даолмыктымо пашам корно озанлыкын пашаеҥже-влак шуктат. 17 октябрьыште нуно шке профессиональный пайремыштым палемдат.

Кугу скорость да у технологий, отечественный производствым вияҥдымаш сай автотранспортым гына огыл, тыгак сай корным йодеш. А корным ыштыме да
олмыктымо пашам корно озанлыкын пашаеҥже-влак шуктат. 17 октябрьыште нуно шке профессиональный пайремыштым палемдат.
Тиде отрасльыште паша кузе мийыме нерген «Башавтодорын» филиалже - Мишкан ДРСУ-н начальникше Ф. Фатыхов дене мутланена.
- Фидан Фаритович, лудшо-влаклан шкендан пайремда, тудын значенийже дене палдарыза.

- Корно озанлык пашаеҥ-влакын кечышт профессиональный пайрем мемнан элыште 1996 ий гыч палемдалтеш. Президентын Указше дене келшышын, тудым октябрь тылзын кумшо рушарнян палемдат. Российыште автомобильный парк кугемеш, пеш шуко еҥ шке кўлешыжлан сай деч сай машинам налеш. Чыла тидыже машина корнын чотшым гына огыл, тудын качествыжымат саемдаш йодеш. Лач корно пашаеҥ-влакын пашам сайын ыштымышт деч корнышто коштшо еҥ-влакын безопасностьышт шога. Корно пашаеҥ-влак корным ыштыме да олмыктымо дене гына огыт серлаге, нуно эше корнын состоянийжым эскерат, разметка-влакым ыштат, иян корныш ошмам шават, телым лумым эрыктат, вўдлан йоген каяшыже канализаций-влакын пашам ыштымыштым эскерат да молат.
Нунын шуктымо чыла пашаштым каласен шукташат ок лий. Чыла тидыже ты профессийын кўлешлыкшым ончыкта, корно шотышто улшо проблемылам кораҥдымашке мер шонымашым ушаш, корно пашаеҥ-влакын пашаштым чапландараш полша.

- Шкендан коллективда нерген изишак каласыза. Могай кумыл дене пайремым вашлийыда?

- Мемнан организацийыште 61 еҥ пашам ышта. Пашаеҥ-влак чылан, манаш лиеш, корно службын ветеранже да кўкшӧ классан специалист улыт. Асфальт
заводна уло, тудын продукцийже дене воктенсе район-влакат пайдаланат. Паша кумыл сай. Кеҥеж сезонным сай лектыш дене пытаренна: тений мемнан
шуктымо тўҥ объектна Бирск - Тастуба - Сатка автомобильный корнын 44300, 47100, 54050, 54750 участкылаште корным олмыктымаш лийын. Чумыр кужытшо 3,5 километрыш шуын. Тыгак ме Мишканыште Ленин, Революционный, Юбилейный, Спортивный уремласе корным шотыш конденна (корно мастер Виталий
Ташбулатовын бригадыже).
Кеҥежым корно пашаеҥ-влак тыгак корно тўрлам соленыт, корно знаклам шынденыт (Аркадий Кугубаевын бригадыже). Райрўдысӧ уремлаште, моло яллаште ямочный манме паша-влак шукталтыныт. ДРСУ пашаеҥ-влак чыланат пашам тыршен ыштеныт, машина-влаклан корнышто кудалышташышт комфортный манме условийым ышташ тыршеныт. Ончылно мемнам теле вуча…

- Теле нерген мут лекте гын, тудлан ямдылалтме паша кузе шукталтеш?

- Корно пашаеҥ-влак теле эртымеке вигак вес телылан ямдылалташ тўҥалыт. Техникым сайын олмыкташ кўлеш. Вет теле жапыште пашам ыштен, техника
тўгана. Адакшым иян корнышко шавыме материал машина ден оборудований-влаклан изи огыл эҥгекым конда. Чыла тидыжым у сезонлан эрыктен, олмыктен,
тўзатен ямдылыман. Ме теле жапыште корныш шаваш шєнчалан ошмам ситышын ямдыленна.


- Пашаштыда могай нелылык-влак вашлиялтыт?


- Мемнан илышна эре ончыко кая. Но тиде корнышто мемнан профессий ик тўҥ верым налын шога. Корно пашаеҥ-влак кечывалымат, йўдымат, йўраныштат,
луманыштат пашам ыштат. Сандене мемнан пашаеҥ-влаклан эн ончычак вий-куат, чытымаш, пеҥгыде тазалык кўлыт. Кызыт тўрлє специализированный машина-влак шуко улыт гынат, нуно еҥ-влак деч посна нимом ыштен огыт керт.

- Коллегыда-влаклан пайрем вашеш мом тыланеда?

- Эн ончычак чылаштым пайрем дене саламлем! Пеҥгыде тазалыкым, еш пиалым тыланем. Тек тендан пашада шкаландат да моло-влакланат эре куаным гына
конда.
Венера АГЛЯМОВА.

Автор:Венера Аглямова