Башкортостан Республикын кечыж дене!

Пайрем концертым БР культурын заслуженный пашаеҥже Нагим Бабичев «Пошкырт семлан поппури» дене почын. Варажым мутым Мишкан район администраций вуйлатыше Павел Трапезниковлан пуымо.
- Республикын кечыжым ме эре кугу пайрем концерт дене палемденна, пашаште ойыртемалтше-влакым саламленна, - каласен Павел Владимирович. - Чаманаш
веле кодеш, коронавирусный инфекций илышыш вашталтышым пуртен, сандене кызытеш ме кугу пайрем-влакым огына эртаре.
Туге гынат таче пашаште ойыртемалтше-влакым палемдыде огына кодо. Вет лач нунын тыршымыштлан кєра шўдӧ дене пӧрт да социальный объектлашке шокшо толеш, тўвыра илышна волгалтеш, самырык тукымым воспитатлыме да туныктымо паша ворана, корно-влак олмыкталтыт да чоҥалтыт, мемнам тўрлӧ чрезвычайный ситуаций-влак деч аралат, калыкын илыш условийже саемеш, районна вияҥеш да тўзлана.
Павел Владимирович шке выступленийыштыже мемнан республикына Российыште ик эн кугу да экономический виян регионлан шотлалтеш манын палемден.
Варажым награждений тўҥалын. БР Культура министерствын Тауштыме серышыж дене музей пашан методистше-влак Мунир Нурисламов (Кугу Шаде Культура
пӧрт) ден Айрат Загитов (Янагуш клуб), краевед-влак Рита Ялаева ден Геннадий Легостаев палемдалтыныт.
Муниципальный район совет ден администрацийын Почетный грамотыштым налыныт: Мишкан ДРСУ-н механикше Вениамин Апкаликов, «Землемер» ООО-н
директоржо Светлана Бикмасова, парикмахер Лира Ирбулатова, пожарный частьын караул начальникше Игорь Салиев, Ардаш СДК-н культорганизаторжо
Владимир Хамитов, Йоча искусство школын туныктышыжо Галина Шамиданова, ДЮСШ-н тренер-преподавательже Владимир Шамратов, индивидуальный
предприниматель-влак Владислав Ибатуллин, Владимир Михайлов, Михаил Яндимиров.
Тауштыме серыш дене палемдалтыныт: агропромышленный колледжын бухгалтерже Регина Александрова, «СтройПроект» ООО-н водительже Юрий Быченок, «Триумф» ФОК-ын калькуляторжо Светлана Русинова, район администрацийын правовой обеспечений отделын начальникше Джамиль Хабиров, район администрацийын финанс управленийын вўдышє экономистше Светлана Шабдарова, МФЦ отделенийын оперативный группын вўдышє специалистше Анна Яниева.
«Росгосстрахлан» 100 ий теме лўмеш район совет ден администрацийын Чап кагазше дене Мишкан офисын вуйлатышыже Владимир Абышев, менеджер-влак Светлана Аюпова, Гульфия Ахметова, Лариса Васюткина палемдалтыныт.
Пайрем концертыште «Ручейки», «МуроЭм», «Березка» ансамбль-влак, мурызо-влак Светлана Каншаева, Ирина Аликаева, Алексей Ибулаев, Равия Саматова, Азат Ханов выступатленыт. Палемдаш кўлеш, пайрем концертышке вакцинацийым ыштыме нерген сертификатан еҥ-влак гына пурталтыныт.
Светлана ТОЙМУРЗИНА.