Келшымаш
+2 °С
Йӱр
Все новости
Тӱрлӧ
21 Сентябрьыште , 14:38

Шочмо элнам аралыше-влаклан вуйнам савена

Шукерте огыл Чорай ялыште «Шўлыкан ава» уэмдыме памятникым дапограничник-влаклан шарнымаш знакым торжественно почмо

Шочмо элнам аралыше-влаклан вуйнам савена

Памятникым «Комфортан оласе илышым чоҥымаш» федеральный да «Илыме вер да оласе илыш» национальный проект-влак кышкарыште олмыктымо. Тудо мўндыр 1985 ийыштак шогалталтын лийын да тымарте уэмдалтын огыл. Пограничник-влаклан шарнымаш знакым калык вий дене ыштыме.
Чорай ялыште калык йўламат, совет жапыште илышыш пурышо йўламат пеҥгыдын аралат. Калык тушто поро, тўрлє пашалан уста да виш чонан. Еҥ-влак тыршыме дене ял кушкеш да тўзлана. Культура объект-влакат ӧрдыжеш огыт код, вет кугезына да шочмо элнам аралыше-влакым жаплыде пиалан илышым чоҥаш ок лий.
Памятник ден шарнымаш знакым почмашке ял калык веле огыл, уна-влак Уфа, Пўрӧ олала, Мишкан села да моло илемла гыч толыныт. Нунын коклаште парадный вургемым чийыше пограничник-влакат койыныт.
Ме чыланат сайын шарнышаш улына: Кугу Отечественный сарыште Сеҥымаш верч совет калык пеш шерге акым тўлен. Районынат надырже изи огыл. Мишкан район гыч фронтышко чылаже 10866 еҥ каен, тушечын 4272 еҥже кредалмаш пасушто вуйжым пыштен. Чорай сельсоветыш пурышо ялла гыч тушман дене кредалаш 489 еҥ каен, нунын кокла гыч 259 еҥже пӧртылын огыл. «Шўлыкан ава» памятник лач нунылан да нуным пытартыш кече марте вучышо ача-аваштлан лўмлалтын.
Теве торжественный тат шуын. Йошкар лентым пўчкаш чапым Мишкан район МР администраций вуйлатыше П. Трапезников ден Чорай сельсовет СП администраций вуйлатыше Г. Саймулуковалан пуымо.
Тылеч вара П. Трапезников салам шомакым ойлен.
- Таче, уэмдыме «Шўлыкан ава» памятникым почын, ме шочмо элнам аралыше-влаклан, Сеҥымаш верч тылыште тыршыше да эргыштын, пелашыштын, ачаштын сар гыч пӧртылмыштым вучышо-влаклан вуйнам савена. Ме мландўмбалне лач нунылан кєра илена. Ме нунын подвигышт нерген шарнымашым икшывына да уныкана-влаклан ойлен кодышаш улына – тиде мемнан порысна. Чылаландат пиалан да тыныс илышым тыланем! - каласен шкенжын выступленийыштыже район администраций вуйлатыше.
Саламлымашке тыгак Чорай сельсовет СП администраций вуйлатыше Г. Саймулукова, Чорай ялысе тўҥалтыш ветеран организацийын председательже Г. Зайнитдинов ушненыт.
Выступлений-влак деч вара погынышо-влак Кугу Отечественный сарыште вуйыштым пыштыше-влакым тып минут дене жапленыт да памятник ончыко пеледыш аршашым пыштеныт.
Памятникым почмо деч вара калык воин-пограничник-влаклан шарнымаш знак деке ошкылын – тиде кечын Чорайыште тиде объектымат почмо.
Шарнымаш знакым шындаш ойым боевой действийын ветеранже, погранвойскаште служитлыше Валерий Миронов луктын. Тудын тыршымыжлан кєра инициативный группа чумыралтын. Тиде группа оксам поген, келшыше материалым налын да шарнымаш оҥам шогалтен.
Знакым почмашке ончычсо пограничник-влак районысо моло ялла гычат миеныт. Тыгак военный службын ветеранже да ўжмӧ уна-влак лийыныт. Йошкар лентым Мишкан да Бурай районласе военный комиссар С. Васильев ден проектын авторжо В. Миронов пўчкыныт. Флагым нєлталаш правам Владимир Самниевлан, Дмитрий да Эдуард Яныбековмытлан пуымо.
Знакым почмаште салам шомакым район администраций вуйлатыше П. Трапезников, военный комиссар С. Васильев, проектын авторжо В. Миронов, верысе администраций вуйлатыше Г. Саймулукова, пограничный управленийын ветеран-влак дене паша шотышто старший инспекторжо С. Тамаров ойленыт. Нунын шомакышт деч вара суапле пашаште да службышто ойыртемалтше-влакым Мишкан район МР Совет да администрацийын, Чорай сельсовет СП администрацийын тауштыме серышышт да «Ветеран пограничных войск» медаль дене палемдыме.
Мучашлан калык ончылно «Зеленые береты» ансамбль выступатлен. Нунын выступленийышт калыклан пеш сай пєлек лийын.
Венера АГЛЯМОВА.

Шочмо элнам аралыше-влаклан вуйнам савена
Автор:Венера Аглямова