Ветеран-влак муниципалитет вуйлатыше дене вашлийыныт

Кодшо арня мучаште историй да тўвыра рўдерыште район администраций вуйлатыше П. Трапезников районысо ветеран-влакын активистышт дене вашлийын.
Вашлиймаште тўҥалтыш ветеран организаций-влакын председательышт, районысо ветеран-влак совет президиумын членже-влак лийыныт.
Павел Владимирович район илыш нерген ойлен, вес ийлан паша план дене палдарен, ветеран-влакын йодышыштлан вашештен. А йодыш-влак тўрлӧ темым
тарватеныт - вўд, тротуарым олмыктымаш, газым пуртымаш, санаторийыш путевка да молат.
Варажым район советын секретарьже Т. Коледина шушаш сайлымаш кампаний нерген ойлен, поликилинника вуйлатыше И. Искандаров районышто
эпидемиологический ситуаций дене палдарен, шкем да лишыл еҥ-влакым аралышашлан кугурак ийготан еҥ-влакым вакцинацийым ыштыкташ ўжын.
Варажым районысо ветеран-влак совет председатель Ю. Балахнина ветеран организацийын пашаж дене кылдалтше йодыш-влакым каҥашаш
луктын.
Материалым администрацийын сайтше гыч налме.