Келшымаш
+1 °С
Пылан
Все новости
Тӱрлӧ
17 Сентябрьыште , 10:32

Ик кечыште кум событий

Кемий кыдалаш школышто Совет Ушем Герой Егор Орсаевич Орсаевлан мемориальный оҥам, «Кушмо точка» рўдерым почмылан да «Раш паша» проектымилышыш шыҥдарымылан лўмлалтше мероприятий-влак эртеныт.

Ик кечыште кум событий

Кемий кыдалаш школышто Совет Ушем Герой Егор Орсаевич Орсаевлан мемориальный оҥам, «Кушмо точка» рўдерым почмылан да «Раш паша» проектым
илышыш шыҥдарымылан лўмлалтше мероприятий-влак эртеныт.
Мероприятийышке туныктышо ден тунемше-влак гына огыл, тыгак ялыште илыше-влак, Кемий сельсовет СП вуйлатыше Г. Байдимиров, райрўдӧ гыч уна-влак - Мишкан район МР советын секретарьже Т. Коледина, образований отдел вуйлатыше С. Александров, самырык-влакын пашашт шотышто тўҥ специалист О. Биктубаева, Мишкан да Бурай районласе военный комиссар С. Васильев миеныт.
Орсаев Егор Орсаевич 1910 ий 12 июньышто Кемий ялыште кресаньык ешеш шочын. Шочмо ялыштыжак тўҥалтыш ныл ияш школым тунемын. Школ деч вара
1934 ийыште Егор Орсаевич «Ленин корно» колхозышто пашам ышташ тўҥалын.
1940 ийыште кумшо полеводческий бригадын бригадиржылан шогалтеныт. Тудын вуйлатыме бригадыже колхозышто эре ончыл верыш лектын. Егор Орсаевич, тудым палыше-влакын мутышт почеш, пашам йєратыше, чулым, моло-влак деч пеҥгыдын йодшан айдеме лийын.
1942 ийыште Мишкан райвоенкомат тудым Совет Армий радамыш налын. Сталинград верч кредалмаште участвоватлен. Курский дугаште ойыртемалтмыжлан I степенян Отечественный сар орден дене наградитлалтын.
Сержант Егор Орсаев 1945 ийыште Одер эҥер воктене, польский Олау (Олава) ола кундемыште поснак ойыртемалтын. Тудо пушка дене тушманын кок пулеметный расчетшым пытарен да Одер деке стрелковый ротылан лишемаш йєным ыштен. Орудийжым э‰ерын вес серышкыже лукмеке, лўддымє
артиллерист налме плацдармжым мемнан тўҥ вийна толын шумешке кучен.
СССР Верховный Советын 1945 ий 10 апрельысе Указше дене (6220 №-ан) командованийын пуымо боевой заданийым сайын шуктымыжлан да тидын годым геройлыкым да лўддымылыкым ончыктымылан сержант Орсаев Егор Орсаевичлан Совет Союз Герой лўмым пуымо, Ленин орденым да «Золотая Звезда» медальым кучыктымо.
Мемориальный оҥам торжественно почмо деч вара участник-влак пеледышым пыштеныт. «Кушмо точка» рўдер самырык тукымлан у йєным пуа. Кемий школышто естественно-научный да технологический направлениян «Кушмо точка» рўдер почылтын. Йошкар тасмам пўчкаш правам образований отдел вуйлатыше С. Александровлан да школ директор Л. Каримовалан ўшаныме. Тиде рўдерым почашлан школышто физика, химий да биологий кабинет-влакым олмыктымо.
Уна-влак кабинет-влакым онченыт, тыгак цифровой лабораторий дене палыме лийыныт.
«Ме ўшанена, у оборудованийлан кӧра мемнан тунемшына-влакын шинчымаш кўкшытышт сайынак нӧлталалтеш, а урок-влак оҥайрак лийыт. Кажне йоча химический реакций кузе эртымым лу гана книгаште лудмешке, ик гана шке шинчаж дене ужаш шона», - манеш школын директоржо Лиана Фановиевна.
«Кушмо точка» рўдерлан тыгак физика, химий да биологий дене цифровой лабораторий-влак, датчик-влак комплект дене блочный программирований практикылан образовательный конструкторым, механика, мехатроника да робототехника дене образовательный наборым, модульный сменный насадка дене манипуляторым, шуко компонентан робототехнический системым да манипуляционный робот-влакым шымлаш образовательный наборым налме.
Ончыкыжым Кемий школышто тунемше-влак биологий, химий да физика дене тўрлє олимпиадылаште призовой верлам налаш тўҥалыт манын ўшанена. Кумшо сай увер - школышто вич у тєрзам шындыме. Тудо школлан мотор тўсым пуа, шокшым ешара. Тєрзам шындымаште туныктышо ден ача-ава-влак суапле надырым
пыштеныт.
Венера АГЛЯМОВА.

Ик кечыште кум событий
Автор:Венера Аглямова