Келшымаш
+3 °С
Облачно
Все новости
Тӱрлӧ
10 Сентябрьыште , 10:32

Патриот шўлышым пӧртылтена

Мишкан да Бурай районласе военный комиссариат оралтыште «Воинский Чап аллей» знакым шогалтыме.

Патриот шўлышым пӧртылтена

Мишкан да Бурай районласе военный комиссариат оралтыште «Воинский Чап аллей» знакым шогалтыме. Тиде проект 2013 ий гыч тўҥалын. Аллейыште
Мишкан район гыч локальный сар ден вооруженный конфликтлаште колышо салтак-влаклан Чап кўм, пограничник, десантник да танкист-влаклан шарнымаш
знак-влакым шогалтыме.
Мишкан да Бурай районлассе военный комиссар С. Васильевын да самырык-влакын пашашт шотышто комитетын тўҥ специалистше, Самырык гвардийын
лидерже О. Биктубаеван инициативышт почеш «Воинский Чап аллей» знакым шогалташ пунчалыныт. Тудлан эскизым ыштыме шотышто конкурсым увертарыме.
Конкурсын итогшым Отечествым аралышын кечыжлан лўмлалтше пайрем касыште увертарыме. Варажым организационный комитет эн келшыше эскизым ойырен налын да чолга еҥ-влак тиде пашалан пижыныт. Афган сӧйын ветеранже-влак, тыгак пограничник, десантник, танкист-влак тиде пашам шукташ ситыше оксам погеныт. Тыге чумыр вий дене «Воинский Чап аллей» знак шочын.
Палемден кодаш кўлеш, кажне ийын Воинский Чап аллейыште патриот шўлышан шуко мероприятий эрта. Тыште Афганистан гыч Совет армийым лукмо кечым,
пограничник, десантник, танкист-влакын кечыштым палемдыме деч посна официальный наградым кучыктымо, лўмлӧ кече-влаклан митингым эртарыме,
юнармеец-влакым саламлыме да моло мероприятий-влак эртат.
- «Воинский Чап аллей» проект ик шоныш дене гына почылтын - районышто илыше калыкын патриот шўлышыжым пєртылташ, - манеш Мишкан да Бурай
районласе военный комиссар С. Васильев. - Патриотический воспитаний элнан духовный, политический да экономический вияҥмыжлан, элнан тичмашлыкшым
да лўдыкшыдымылыкшым аралымын негызше улеш. Кызыт патриотизм нерген шуко ойлат, но мемнан проектна тиде «модылан» келшаш тӧчымаш огыл, ме чынжымак Российын куатле да виян улмыжлан ўшанена.
Светлана ТОЙМУРЗИНА.

Патриот шўлышым пӧртылтена
Автор:Светлана Тоймурзина