Келшымаш
+5 °С
Дождь
Все новости
Тӱрлӧ
23 Ӱярня , 15:14

Чын корным ойырен

Чорай ялын шочшыжо Диана Петрова «Самырык профессионал-влак» WorldSkils стандарт дене VI виш региональный чемпионатыште призер лийын

Чын корным ойырен
2020 ий мучаште Уфаште медицинский колледжыште «Самырык профессионал-влак» WorldSkils стандарт дене VI виш региональный чемпионат медицинский да социальный уход компетенций дене эртен.
«Медицинский да социальный уход» компетенций дене конкурсный текшырымаште республикысе 8 медицинский колледж гыч 16 участник участвоватлен. Отборочный этапын оргкомитетын пунчалже дене «Самырык профессионал-влак» VI региональный чемпионатышке «Медицинский да социальный уход» компетенций дене участвоватлаш «Сестринское дело» специальность дене 311 м/с группын выпускницыже Диана Петрова логалын.
Конкурсын икымше кечыштыже участник-влак «Осуществление доказательного ухода» модуль дене «Стационар» да «Кечывалымсе стационар» площадкылаште заданий-влакым решатленыт. Кокымшо кечыште «Обучение пациента в условиях медицинской организации» да «Осуществление доказательного ухода и обучение пациента в домашних условиях» модуль-влак дене «Стационар» да «Домашний уход (хоспис)» площадкылаште заданий-влакым решатленыт.
Кок тылзе жап Диана дене колледжын опытан преподавательже-влак заниматлалтыныт. Ме Диана дечын тренировка годым да таҥасымаште могай шижмаш лиймым йодна. «Тренировка годым мылам неле лийын. Ончыкыжым мо лиймым от пале, сандене чот тренироватлалташ, пашам ышташ, шкалан ўшанаш логалын. Таҥасымаш эртыме кум кече нерген ойлаш гын, южгунам пеш неле лийын. Чыла вийым поген шкем ўшандаренам, эрла эше кече лиеш, тунам чын ыштем».
Сеҥымаш куштылго лийын огыл. Эн сай жаплан результатым ойлымо лийын. Чемпионатын итогшо почеш Диана призер радамыш лектын, кумшо верым налын.
Йоча годым шуко еҥже туныктышо, врач, актер лияш шонат. Диана изинекак медицинский сестра лияш яамдылалтын. Тудо шонымашкыже шуын! 2018 ийыште Я. Ялкайн лўмеш марий гимназийым тунем пытарен да Бирский медико-фармацевтический колледжыш пурен.
«Молан ты специальностьым налынат?» манын йодмылан, тудо вашештыш: «Еҥ-влаклан полшаш шонем, кокымшо амалже - мыланем шкаламат тиде кўлын. Кунам мыйын ешем, икшывем-влак лийыт, мый нунылан медицинский полышым шке пуэн кертам. Ача-авамлан квалифицированный полышым ончыктен кертам. Вет нуно шоҥгемыт». Класс вуйлатыше А. Никитинан мутшо почеш, Диана поро чонан, еҥ ойгым умылен моштышо ўдыр улеш.Сайын тунеммыжлан да научно-шымлыме пашажлан Диана кугемдыме стипендийым налеш. Диана врач специальностьым налын, шочмо кундемышкыже пӧртылаш ямдылалтеш.
Е. КОЛОНСКИХ, «Бирский медико-фармацевтический колледж» ГАПОУ РБ отделенийжым вуйлатыше.