Шинчымаш - опыт - мастарлык

ПЖКХ пашаеҥ-влак шке профессиональный пайремыштым - Коммунальный озанлык пашаеҥ-влак кечым сай паша дене вашлийыт

Тиде отрасльын пашаеҥже-влак телым сайын эртареныт, подстанций-влак группым, водопроводым, электросетьым, келге

вўдан скважиным олмыктеныт да моло пашамат шуктеныт.

Телым суртлашке да социальный объектлашке шокшо, вўд кўрылтде пурен шогеныт. Тыште пашам ыштыше-влак чын мастер улыт, нунын коклаште электросетьын пашаеҥже-влак улыт. Тиде кугу коллективым электросетьын мастерже

К. Бикмурзин вуйлата. Константин Александрович Бикмурзин Тюмень лесотехникым да Оренбургский головной предприятийын Кумертаусо филиалыштыже - госуниверситетыште шинчымашым поген. Налме шинчымашыже мастерлан энергетический пашан кеч-могай неле видшым шукташ полша.

Лудшо-влаклан мыняр электроэнергийым кучылтмо нерген цифр-влак дене аҥыртараш огыл манын, иктым гына ойлен кодена - Константин Александрович Бикмурзинын вуйлатыме почеш электроэнергетик-влак бригада ончылан шындыме задачыштым тўрыснек шуктат. Персонал да техника дене пашам чын организоватлымаш абонент-влак дене пашам ышташ, электроэнергийым контрольышто кучаш полшат.

- Паша ушныжо манын, суртышто пеҥгыде тыл кўлеш, - манеш мастер.

А тудыжо уло. Вате-марий Бикмурзинмыт кок икшывым ончен-куштат - Георгий эрге ден Виктория ўдырым. Сурт оза вате

Диана тиде материалым возымо кечын 30 ияш юбилейжым палемден.

В. КОНДОГИН.