«Шошо чылам помыжалта…»

«Шошо чылам помыжалта…»

Поро йўлашке савырныше икымше шошо пайрем шокшо шўлыш дене эртен.

Вўдышӧ-влак Алексей Ибулаев ден Василий Кутлуметовын икымше шомакыштак чоным ырыктен: «Тиде сылне кастене ме тыланда сай кумылым пӧлеклаш да миллион комплиментым ойлаш чумыргенна…». Вет тиде кастене залыште утларакшым ўдырамаш ден ўдыр-влак лийыныт. Пӧръеҥ-влак деч поро, ныжыл шомакым колаш эре кўмыллӧ, а пайрем кечын тыгайже эшеат чот шергырак. Санденак, очыни, тиде кастене пайрем дене саламлаш Мишкан район муниципальный район Совет председатель Вячеслав Сабиров сценышке лектын.

Район администраций вуйлатышын заместительже Лариса Александрова шке саламлымаштыже ўдырамаш-влаклан кеч-куштат шке чапым нӧлтен шогаш да тыгодымак ныжыл кумылан кодаш тыланен. Тиде кастене пашаште сеҥымашыш шумылан, кужу жап тыршен ыштымылан да ўдырамаш кечым пайремлыме лўмеш Мишкан район администрацийын да Советын Чап кагазышт дене латик ўдырамашым наградитлыме. Нунын коклаште Мишкан агропромышленный колледжын туныктышыжо Алевтина Ершова, «Мишкан ПЖКХ» ООО-н бухгалтерже Надежда Айгузина, краеведческий библиотекын тўҥ библиографше Ильвира Айбердина, Мишкан Культура пєртын организационно-методический отделжым вуйлатыше Римма Самиева, вўдышӧ ветеринарный врач, районысо ветеринарно-санитарный эксперт Галина Шамаева да молат лийыныт.

Пайрем касын ик эн мотор ужашыже, мутат уке, концерт программа лийын. Тиде кастене Йоча искусство школын тунемшыже-влак да Культура дворецын артистше-влак сылне концерт дене куандареныт. Марсель Салимов, Ильфак Арсланов, Алексей Ибулаев, Станислав Салиев муро пӧлекым ыштеныт. Максим Андреев «Какшан сер ўмбалне ломбо» мурыж дене ўдыр-влакын чоныштым шке велкыже савырнен. Тыгак мурызо-влак Равия Саматован, Светлана Каншаеван, Светлана Салиеван мотор вургемышт да сылне мурышт чылалан келшен.

Светлана ТОЙМУРЗИНА.