Келшымаш
0 °С
Пылан
Все новости
Тӱрлӧ
26 Пургыж , 13:32

Творческий таҥасымаш

«Воинский Чап аллейлан» знакын эскизшым рашемдыме шотышто сўрет конкурс иктешлалтын.

Творческий таҥасымаш
Кандаш ий ончыч Мишкан да Бурай районласе военный комиссариат оралтыште Воинский Чап аллей почылтын. 2013 ий 20
декабрьыште тушто локальный сар ден вооруженный конфликтлаште колышо землякна-влаклан памятникым шогалтыме.
2018 ийыште воин-пограничник-влаклан знак шогалталтын, 2019 ийыште – воин-десантник да воин-танкист-влаклан.
«Воинский Чап аллейыш» пурымаште посна знакым шогалташ палемдыме. Эскизым рашемдаш манын, 20 январьыште
«Воинский Чап аллей» сўрет конкурс увертаралтын. Чылаже 60 утла паша пурен. Конкурсышко чулымын районысо
школлаште, агроколледжыште тунемше, волонтер да самырык гвардеец-влак, боевой действийын участникше, волонтер
движенийын кураторжо да тыглай еҥ-влак ушненыт.
Жюришке Мишкан район МР администрацийын заместительже Л. Александрова, Мишкан да Бурай районласе комиссариатын военный комиссарже С. Васильев, молодежь дене паша отделын тўҥ специалистше О. Биктубаева, образований отделын методистше П. Акбулдина да боевой действийын участникше-влак пуреныт. Нуно могай сўретым эн сайлан шотлымо шотышто кужу жап каҥашеныт.
Каҥашымаш деч вара икымше верым А. Кузнецовлан пуымо (Мишкан селасе 1 №-ан лицей), кокымшо верым – Ю. Ахметьяновалан (Чорай ялысе марий гимназий), кумшым – В. Кухаревичлан (Кўрзе ялысе школ). Ойыртемалтше-влакым
тыгак лу номинаций почеш палемдыме: «Сеҥымаш деке кумыл» номинацийыште – Д. Изибаевам, «Творческий шонымашым илышыш шыҥдарымылан» - А. Саметова ден А. Тимиркаевам, «Самырык патриот» номинацийыште –
Г. Ганиятовам, «Усталык ден мастарлык» номинацийыште – А. Александровам, «Творческий йӧн» номинацийыште – А. Нургалиевым, «Профессионализм да эстетический воспитаний» номинацийыште – М. Ишмуратовым, «Графика» номинацийыште – А. Файрузова ден О. Ишмурзиным, «Эн самырык художник» номинацийыште - П. Сагадеевам.
Сеҥыше ден призер-влак район администрацийын чап грамотыжо да окса сертификат дене палемдалтыныт. Нуным
Отечествым аралышын кечыжлан лўмлалтше пайрем концертыште наградитлыме. Творческий конкурсын итогшо почеш Воинский Чап аллейыш пурымаште могай знак шындалтме рашемдалтеш.
Светлана ТОЙМУРЗИНА.