Финн-угор тўнян тўвыра рўдыжӧ Эстонийыш куснен

Финн-угор тўнян тўвыра рўдыжӧ Эстонийыш куснен

Коронавирус шарлымылан кӧра пайрем мероприятий уремыште – верысе Культура пєрт ончылно эртен. Ты жапыште руш да англичан йылмыла дене вияш трансляций эртаралтын.

Культура рўдерым почмеке, калык ончылно Эстон Республик президент Керсти Кальюлайд выступатлен. Тудо эстон йылмын тўрлє диалектше-влакым аралаш кўлмӧ нерген ойлен.

Тылеч вара мутым Эстонийын ончычсо президентше Томас-Хендрик Ильвеслан пуымо, кызыт тудо лач Мульгимаа кундемын патронжо улеш.

Погынышо ден пайремым интернет гоч эскерыше-влакым тыгак Эстонийысе культура министр Аннели Отть, верысе власть представитель-влак, Эстон парламент - Ригикогушто Мульгимаа кундем гыч группын председательже Хелир-Валдор Сеэдер саламленыт.

Абья-Палуоя олалан тўвыра рўдерын символжым – юзо кайыкым URALIC рўдерын да Финн-угор калык-влак самырык ассоциацийын лўмжӧ дене Оливер Лооде кучыктен.

«Финно-Угрий учреждений» ушем директор верысе калыклан у ийыште суапым, финн- угор тўня тўвыра рўдер лўмым кўшкырак нӧлталаш да сеҥымашыш шуаш тыланен.

Интернет гоч финн-угор тўнян 2020 ийысе тўвыра рўдыжӧ - Мишкан села дене кылым ыштыме. Мемнан-влак эстон-влакым марла саламленыт, ойлымынам нунылан Таллин оласе марий обществын председательже Людмила Ямурзина кусарен.

Тылеч вара Абья-Палуоя ола калыкым эрзя да эстон йылме дене Эстонийыште Вирь Тавла (Чодыра Тавла) ялыште илыше Наталья Ермакаева ден Наталья Абросимова саламленыт.

Финн-угор тўнян тўвыра рўдержым почмашке Таллин ден Тарту гыч одо-влак, Таллин гыч марий ден эрзя-влак, тыгак ингерманландец-влак (Ингерманландийыште илыше финн-влак) миеныт.

Торжественный мероприятий финн-угор калык-влакын флагышт дене Культура пєрт деч верысе книга кевыт марте кайымаш дене мучашлалтын. 2021 ийыште Финн-угор тўнян тўвыра символжо лач тушто шогаш тўҥалеш.

В. КАМИЛЯНОВ (материалым Mariuver сайт гыч налме).