Келшымаш
-6 °С
Пылан
Все новости
Тӱрлӧ
16 Пургыж 2021, 17:36

Шарнымаш ила гын, салтак ила...

Шочмын мишкан калык Афганистаныште кредалше салтак-влакым жаплен

Шарнымаш ила гын, салтак ила...
15 февральыште Шочмо элна деч ӧрдыжтӧ служебный долгыштым шуктышо россиян-влакым шарныме кече палемдалтеш. Тиде дата 1989 ийыште совет войскам Афганистан гыч лукмо дене кылдалтын.
Афган сарыште 1979 гыч 1989 ий марте кредалмаште 15 тўжем наре совет салтак колен. 2011 ий марте 15 февраль Воин интернационалист-влакым шарнымаш кече семын палемдалтын, но официальный статусшо лийын огыл. У дата шочмо элна деч ӧрдыжтӧ служебный долгыштым шуктышо россиян-влакым шарныме кече семын пеҥгыдемдалтын.
Миноборонын данныйже почеш, кокымшо тўнямбал сар пытыме деч вара мландўмбалне лийше 30 утла сарыште 1,5 миллион совет да россий гражданин кредалын. Служебный долгшым шуктымаште 25 тўжем наре еҥ колен. Ме нунын пашаштым шарнен илена.
...15 февральыште Мишкан да Бурай районласе военный комиссариат оралтыште верланыше Боевой чап аллейыште служебный долгыштым йот эллаште шуктышо-влак лўмеш торжественный митинг эртен. Тушко утларакшым боевой действийын ветеранже-влак миеныт. Мийыше-влак коклаште тыгак самырык армеец, студент, тунемше, верысе власть
представитель-влак лийыныт.
Ондак тўрлӧ жапыште да тўрлӧ сарыште служебный долгыштым шуктымаште колышо-влак лўмеш тып минутым увертарыме. Варажым салам шомакым Мишкан район МР администраций вуйлатыше П. Трапезников ойлен. Саламлымаш ден воин-интернационалист-влаклан тауштымашке Мишкан да Бурай районласе военный комиссар С. Васильев
ушнен.
Варажым воин-интернационалист-влакын боевой йўлашт, самырык-влакым патриот шўлышеш воспитатлаш полшымышт
нерген «Афганистанын ветеранже» общественный организацийын Мишкан районысо пӧлкажын председательже Ф. Фатхинуров палдарен.
С. Салиев погынышо-влаклан «Ордена не продаются» мурым пӧлеклен.
Тылеч вара чыланат локальный сар ден вооруженный конфликтлаште колышо салтак-влак лўмеш обелиск воктеке пеледыш
аршашым пыштеныт.
Светлана ТОЙМУРЗИНА.