Закон дене палдарымаш

Закон дене палдарымаш

Владимир Михайлович 5-9 класслаште тунемше-влак дене мутланен.

Мутланымашын темыже тыгай лийын: законым шуктымаш, еҥын погыжым шолыштмашым ончылгоч кораҥдымаш,

еш кӧргыштӧ шкем кучымаш, общественный вер ден массовый верлаште шкем кучымаш, уремыште шкем кучымаш,

тамакам шупшмашым ончылгоч кораҥдымаш, аракам йўмаш да самырык-влакын аракам йўмыштлан мутым кучымышт.

Мутланымаш оҥайын эртен. Полиций участковый уполномоченный закон-влак нерген ойлымо дене серлаген огыл, закон

пудыртымылан мутым кучымо нергенат палдарен, пример-влакым конден. Икманаш, вашлиймаш пайдале лийын.

В. Дмитриевын ойлымыж деч вара йоча-влак тўрлӧ йодыш-влакым пуэденыт.

Вашлиймаш деч вара тунемше-влак илышын оҥай улмыж ден сылнылыкшым утларак шижыныт да сайынрак тунемаш, спорт дене кылым кучаш, тўрлӧ конкурслаште участвоватлаш кумылаҥыныт. Тугеже, мутланымаш пайдале лийын.

В. ЯНГУАТОВА.