Новотроицкий ял калык пашажым эре мучаш марте шукта

Новотроицкий ял калык пашажым эре мучаш марте шукта

2018 ийыште ППМИ полшымо дене ялыште йоча площадкым ыштыме. Кодший калык верысе школысо спортзалыште тӧрза-влакым шындаш шонен, но сеҥымашке шуаш икмыняр балл ситен огыл. Новотроицкий калык чакнаш тунемын огыл – 2021 ийыште уэшын ППМИ-ште вийжым тергаш лийын. Тений нуно спортзалыште 8 тӧрзам вашталтыме дене ынешт серлаге, тыгак столовыйышто, коридорышто да школын 2-шо пачаштыже вашталтынешт. Чылаже 29 тӧрзам вашталташ палемдыме. Сметный расчет почеш, проектын суммыжо 700 тўжем теҥгеш шуэш. 27 январьыште эртыше итоговый погынымаште 2021 ийыште ППМИ полшымо дене верысе школышто окна-влакым вашталташ пунчалме. Но конкурсышто сеҥашлан кумыл гына шагал. Тидын верч тыршыман да чолга лийман. Тидлан кӧра погынымаште 5 еҥ гыч шогышо инициативный группым сайлыме. Тушко ача-ава комитетын, туныктышо-влак коллективын, культура пашаеҥ-влакын, сельский поселений администрацийын представительышт пуреныт. Группын председательжылан Виктор Михайлович Осиповым сайлыме.

Новотроицкий ялысе школ зданий 1990 ийыште чоҥалтын. Туныктышо ден ача-ава-влак школым сай состоянийыште кученыт да кучат. Шке вийышт дене леведышым, коридорышто, спортзалыште кўвароҥам вашталтеныт, идалык еда чиялтен шогат. Но жап шкенжыным ышта – 30 ий жапыште тєрза янак-влак шўыныт. Шке вийна дене, мыняре кертынна, тєрза-влакым вашталтенна, но - тиде шке вийна дене гына ыштен сеҥышашлык паша огыл. Сандене теният ППМИ-ште участвоватлаш да шонымашнам мучаш марте шукташ тыршаш лийынна.

В. ОСИПОВ, инициативный группа председатель.